სასიხარულო ინფორმაცია ვრცელდება “მანჩესტერ სიტის” ფანებისთვის. გუნდის კაპიტანმა, ვინსენტ კომპანიმ, ტრავმის შემდეგ, გუნდთან ერთად სრული დატვირთვით პირველად ივარჯიშა.
შეგახსენებთ, რომ ბელგიელმა ცენტრალურმა მცველმა გასული წლის ნოემბერში, “კრისტალ პალასთან” შეხვედრაში მიიღო ტრავმა. ერთ-ერთ მომენტში კომპანი კლაუდიო ბრავოს შეეჯახა და მუხლის მყესი დაიზიანა.
31 წლის მცველი ნოემბრის შემდეგ პირველად გამოჩნდა მოედანზე. უცნობია, რომელი იქნება 2017 წლის სადებიუტო შეხვედრა ბელგიელისთვის.
აქვე გეტყვით, რომ, კომპანისთან ერთად, ლაზარეთიდან დაბრუნდნენ ლეროი სანე და ფერნანდო.
