“ნიუელს ოლდ ბოისის” ახალგაზრდული გუნდის თავკაცი ერნესტო ვეკიო 65 წლის ასაკში გარდაიცვალა.
ვეკიო “ბარსელონას” ლიდერ ლიონელ მესის პირველი მწვრთნელი გახლდათ და მას 1994-დან 2000 წლამდე თავკაცობდა.
“მახსოვს, როგორ მიიღო პატარა მესიმ ბურთი საკუთარ ნახევარზე, გაიქცა, ყველა მოატყუა, მეკარესაც გასცდა, მაგრამ შემდეგ გაჩერდა, ვინაიდან გოლკიპერმა ტრავმა მიიღო. ლეომ დასახმარებლად მსაჯს დაუძახა. ვერ ვიჯერებდი, როგორ აკეთებდა პატარა ბიჭი ბურთით საოცრებებს”, – აღნიშნა ვეკიომ ერთ-ერთ ბოლო ინტერვიუში.