საფრანგეთის ჩემპიონატის 22-ე ტურში “ლიონსა” და “ლილს” შორის მასპინძელთა გუნდის ფანებმა ტრიბუნაზე სექსისტური ბანერი გამოკიდეს, რომელზეც ეწერა: “კაცები სტადიონზე, ქალები სამზარეულოში”.
მომხდარზე საფეხბურთო კლუბმა “ლიონმა” გამოძიება უკვე დაიწყო, “ლილმა” კი საკუთარი ქალი გულშემატკივრების დასაცავად სპეციალური აქცია დაგეგმა. 23-ე ტურში “ლილსა” და “ლორიანს” შორის გასამართ მატჩში მასპინძელი კლუბი სტადიონზე მდედრობითი სქესის ქომაგებს უფასოდ შეუშვებს.
