ჭდე: ეროვნული ლიგა

9-10 მაისს ეროვნული ლიგის მე-11 ტურის შეხვედრები გაიმართება.

Fanebi.Com-ი გთავაზობთ ამ მატჩების პრევიუს.

თბილისის “საბურთალო” – ფოთის “კოლხეთი”

დასაწყისი: 9 მაისი, 19:00 საათი

მიხეილ მესხის სახელობოს სტადიონზე თბილისის “საბურთალო” “კოხლეთს” მიიღებს. დედაქალაქელებმა წინა შეხვედრა “ტორპედოსთან” ქუთაისში უგოლო ფრით დაასრულეს. ამჟამად ისინი 16 ქულით მეოთხე პოზიციას იკავებენ. რაც შეეხება “კოლხეთს”, ამ გუნდმა ეროვნულ ლიგაში ბოლოს პირველ აპრილს მოიგო. მეათე ტურში მეგრული კლუბი “დინამოსთან” ანგარიშით, 0:3 დამარცხდა. იგი შვიდი ქულით მეცხრეზეა.

ქუთაისის “ტორპედო” – ქობულეთის “შუქურა”

დასაწყისი: 9 მაისი, 21:00 საათი

კიდევ ერთი შეხვედრა, რომელიც ხვალ გაიმართება, ტორპედოსა” და “შუქურას” დაპირისპრიებაა. ეს მატჩი რამაზ შენგელიას სახელობის სტადიონზე ჩატარდება. ქუთათურებმა წინა შეხვედრაში, როგორც ვთქვით, “საბურთალოსთან” ქულები გაიყვეს. “ტორპედო” 16 ქულით მეხუთეზეა. “შუქურა” საშინელ ფეხბურთს თამაშობს. ამ გუნდს სამად სამი ქულა აქვს, რომელიც სამი ფრით მოიპოვა. შესაბამისად, ის ბოლო პოზიციაზეა. ამ შეხვედრაში იმერლებს მარტივი გამარჯვების მოპოვება არ უნდა გაუჭირდეთ.

ბათუმის “დინამო” – გორის “დილა”

დასაწყისი: 10 მაისი, 17:00 საათი

ბათუმში, “რაგბი არენაზე” ადგილობრივი “დინამო” “დილას” მიიღებს. ბათუმლებმა წინა ტურში ხანგრძილივი დროის შემდეგ, თავიანთ ქალაქში პირველად ჩაატარეს შეხვედრა. ისტორიულ დღეს “დინამო” “სამტრედიასთან” დაძაბულ ბრძოლაში დამარცხდა. მას 12 ქულა აქვს და მეშვიდეზეა. “დილამ” მეათე ტურში “ჩიხურას” საკუთარ მოედანზე მოუგო (2:0), დააგროვა 11 ქულა და ცხრილში სწორედ “დინამოს” მიუახლოვდა.

თბილისის “დინამო” – თბილისის “ლოკომოტივი”

დასაწყისი: 10 მაისი, 19:00 საათი

ტურის ცენტრალური შეხვედრა 10 მაისს, თბილისში, “დინამო არენაზე” შედგება. დედაქალაქურ დერბიში ჩემპიონატის პირველი და მეორეადგილოსანი დაუპირისპირდებიან: “დინამო” “ლოკომოტივის” წინააღმდეგ. მასპინძელმა გუნდმა ბოლო შვიდი მატჩი მოიგო და ახლა 24 ქულით პირველზეა. მას სამი ქულით ჩამორჩება “ლოკო”, რომელსაც “დინამოზე” ერთით ნაკლები (1) წაგება, თუმცა სამით მეტი (3) ფრე  აქვს ნათამაშები. განსაკუთრებით, გუნდების შემტევები შესანიშნავ ფორმაში არიან.”დინამოდან” გამოსარჩევია ბაჩანა არაბული, რომლის ანგარიშზეც ექვსი გოლია. ხოლო, გიორგი დევდარიანის შეგირდებიდან შემტევი დუეტი უნდა აღვნიშნოთ: სიხარულიძე-გავაშელიშვილი. ათ ტურში ამ ორმა ფეხბურთელმა ერთად 19 გოლი გაიტანეს. მოკლედ, ყველა მხრივ საინტერესო და სანახაობრივი შეხვედრა უნდა გამოდგეს.

საჩხერის “ჩიხურა” – სამტრედიას “სამტრედია”

დასაწყისი: 10 მაისი, 21:00 საათი

კიდევ ერთი მატჩი, რომელიც მეტერთმეტე ტურის ბოლო დღეს შედგება შარშანდელი ჩემპიონატის ფინალური წყვილის დაპირისპირებაა. “ჩიხურა” ბოლო დროს კარგად ვერ გამოიყურება. იმერლებმა უკანასკნელ ორ შეხვედრაში შვიდი გოლი გაუშვეს, ვერცერთი გაიტანეს და, შესაბამისად, ქულაც ვერ მოიპოვეს. ისინი 13 ქულით მეექვსეზე არიან. “სამტრედია” ნელ-ნელა წინ მიიწევს. მას 17 ქულა აქვს და მესამეზეა.

ოთხ და ხუთ მაისს ეროვნული ლიგის მეათე ტურის მატჩები გაიმართება.

Fanebi.Com-ი გთავაზობთ ამ ტურის პრევიუს.

ქობულეთის “შუქურა” – სამტრედიას “სამტრედია”

დასაწყისი: 4 მაისი, 17:00 საათი

4 მაისს მეათე ტურის ერთი შეხვედრა ჩატარდება. ქობულეთის „შუქურა“ საკუთარ მოედანზე „სამტრედიას“ უმასპინძლებს. ცუდად დაწყებული სეზონის შემდეგ ბოლო ტურებში სამტრედიელებმა თამაში გამოასწორეს და მიყოლებით სამი ტურია არ წაუგიათ. ამ სამი შეხვედრიდან მათ ორი მოიგეს, ერთი კი, ფრედ დაასრულეს. „შუქურას“ ეროვნულ ლიგაში ჯერაც არ მოუგია და დაგროვილი სამი ქულით კვლავ ბოლო, მეათე ადგილზეა. გუნდში ახლახანს დიდი ცვლილებები მოხდა. ქობულეთელთა მთავარ მწვრთნელად, გიორგი დარასელია დაინიშნა. მასთან ერთად კი, გუნდში რამდენიმე ახალი ფეხბურთელიც გამოჩნდა. პირველ წრეში აღნიშნული კლუბების დაპირისპირება საკმაოდ საინტერესო გამოდგა და ფრედ 1:1 დასრულდა.

ფოთის “კოლხეთი” – თბილისის “დინამო”

დასაწყისი: 5 მაისი, 15:00 საათი

გათამაშების ერთპიროვნული ლიდერი თბილისის „დინამო“ სტუმრად ფოთის „კოლხეთს“ დაუპირისპირდება. დინამოელები შესანიშნავ ფორმაშია არიან და ზედიზედ 6 ტურია იგებენ. ფოთელები კი, პირიქით არასტაბილურად ასპარეზობენ და უკვე 5 შეხვედრაა არ მოუგიათ. ბოლოს ფოთელებმა დედაქალაქური გუნდის დამარცხება 2011-12 წლების სეზონში მოახერხეს. მას შემდეგ გამართული რვა შეხვედრიდან კი, სამი ფრედ დასრულდა და ხუთი დინამოელებმა მოიგეს. აღსანიშნავია, რომ პირველი წრის შეხვედრაში „კოლხეთმა“ „დინამოს“ დიდი წინააღმდეგობა გაუწია და მინამალური ანგარიშით 0:1 დამარცხდა.

გორის “დილა” – საჩხერის “ჩიხურა”

დასაწყისი: 5 მაისი, 17:00 საათი

გორის „დილა“ საკუთარ „თენგიზ ბურჯანაძეზე“ საჩხერის „ჩიხურას“ მიიღებს. გუნდებს შორის პირველ წრეში გამართული შეხვედრა არც თუ ისე საინტერესო გამოდგა და გატანილი გოლების გარეშე 0:0 დასრულდა. ეხლა კი, ცხრილში განსხვავებული სიტუციაა და ორივე გუნდს მოგება ძალიან სჭირდება. გორელები რვა ქულით მერვე ადგილზეა არიან, საჩხერელებს კი, 13 ქულა აქვთ და მეექვსეზე არიან.

ბათუმის “დინამო” – თბილისის “ლოკომოტივი”

დასაწყისი: 5 მაისი, 19:00 საათი

ათწლიანი პაუზის შემდეგ ბათუმის „დინამო“ მშობლიურ ქალაქში ბრუნდება. ბათუმელები თბილისის „ლოკომოტივს“ „რაგბი არენაზე“ უმასპინძლებენ. დინამოელთათვის მშობლიურ ქალაქში დაბრუნება რა თქმა უნდა, დამატებითი მოტივიციაა და ეს თამაშსაც დიდ ინტერესს სძენს. რაც შეეხება ლოკოს, თბილისური კლუბი კარგ სეზონს ატარებს და 18 ქულით მეორე ადგილეზეა. განსაკუთრებული აღნიშვნის ღირსია ლოკომოტიველთა შემტევი დუეტი. ირაკლი სიხარულიძესა და მამია გავაშელიშვილს მიმდინარე ჩემპიონატში უკვე 18 გოლი აქვთ გატანილი. აჭარული და თბილისური გუნდების დაპირისპირება ყოველთვის საინტერესო გამოდის და ასე იყო პირველ წრეშიც. შეხვედრა, რომელსაც „დინამო“ იგებდა საბოლოოდ „ლოკომოტივის“ გამარჯვებით 2:1 დასრულდა.

ქუთაისი “ტორპედო” – თბილისის “საბურთალო”

დასაწყისი: 5 მაისი, 21:00 საათი

ტურის ბოლო და ცენტრალურ დაპირისპირებას ქუთაისი უმასპინძლებს. რამაზ შენგელიას სახელობის სტადიონზე ადგილობრივი „ტორპედო“ თბილისის „საბურთალოს“ დაუხვდება. მიმდინარე სეზონში ორივე გუნდი კარგად ასპარეზობს და შესაბამისად სატურნირო ცხრილში გვერდიგვერდ არიან. ისინი 15-15 ქულით მესამე მეოთხე ადგილებს იყოფენ. პირველ წრეში კლუბების დაპირისპირება საკმაოდ დრამატული გამოდგა. შეხვედრა ორმხრივი შეტევებით წარიმართა და საბოლოოდ საბურთალოელთა გამარჯვებით 1:0 დასრულდა. გამარჯვების გოლი, მსაჯის მიერ დამატებულ დროში შეცვლაზე შემოსულმა, გიორგი კოხრეიძემ გაიტანა. აღნიშნული ფაქტორებიდან გამომდინარე ცენტრალური დაპისიპირება საინტერესო უნდა გამოდგეს და მაყურებლებმა საინტერესო სანახაობა უნდა იხილონ.