ჭდე: ეროვნული ლიგა

საჩხერის “ჩიხურა” მეოთხე ადგილისთვის ბრძოლას განაგრძობს

Posted on by ცოტნე შაორშაძე

დღეს ეროვნულ ლიგაში 33-ე ტურის შეხვედრა გაიმართა თბილისში, “დავით პეტრიაშვილის სახელობის სტადიონზე” “საბურთალომ” საჩხერის “ჩიხურას” უმასპინძლა და დაძაბულ ბრძოლაში 2-1 დამრაცხდა.

შეხვედრა გარდამავალი უპირატესობით წარიმართა. შედეგიანი აღმოჩნდა საჩხერის “ჩიხურას” შეტევა მე-13 წუთზე, მიშიკო სარდალიშვილის კარგი სოლორეიდის შედეგ, ლაზარე კუპატაძემ ცუდად ითამაშა, რითაც საჩხერლებმა ისარგებლეს და ირაკლი ლექვთაძემ კურიოზული გოლი გაიტანა. ამას თბილისლების გააქტიურება მოჰყვა. საკმაოდ კარგი შანსი მიეცათ პირველივე ნახევარში “საბურთალოს” ფეხბურთელებს, მაგრამ გოლის გატანა ვერ მოახერხეს. მეორე ტაიმში საჩხერლებმა უპირატესობა კონტრშეტევებს მიანიჭეს და ამ გზით ცდილობდნენ მეტოქის შეწუხებას. საბოლოოდ დედაქალქელების შეტევებს მაინც მოჰყვა შედეგი და 70-ე წუთზე ვოლკოვმა ანგარიში გაათანაბრა. ზემო იმერლებმა ტაიმის მიწურულს ბოლო ძალები მოიკრიბეს და მე-80 წუთზე ლევან კაკუბავამ საჯარიმოს გარედან ლამაზი დარტყმით კუპატაძეს შორეულ ცხრიანში გაუტანა, სწორედ ეს გოლი აღმოჩნდა გადამწყვეტი. შეხვედრა 1-2 დასრულდა.

სასტარტო შემადგენლობები

“საბურთალო”: 17. ლაზარე კუპატაძე, 2. ნოდარ იაშვილი, 4. გაგი მარგველაშვილი (C), 6. თედორე გრიგალაშვილი, 7. ვლადიმერ მამუჩაშვილი, 9. ლაშა შინდაგორიძე, 15. დაჩი ცნობილაძე, 20. ელვინ ტერა, 24. თორნიკე თარხნიშვილი, 90. დავით ვოლკოვი, 93. ნდუე მუეცი.

“ჩიხურა”: 30. დინო ჰამზიჩი, 3. თორნიკე გრიგალშვილი, 5. ბაქარ მირცხულავა, 10. მიშიკო სარდალიშვილი, 15. გიორგი კორიფაძე, 18. დიმიტრი ტატანაშვილი, 19. ლევან კაკუბავა, 21. გიორგი ივანიშვილი, 22. ირაკლი ლექვთაძე, 27. დენის დობროვოლსკი (C), 39. თორნიკე გორგიაშვილი.

“კოლხეთი” 1-0 “დილა”

Posted on by ცოტნე შაორშაძე

დღეს ეროვნული ლიგის 33-ე ტურში ფოთის “კოლხეთმა” “პარკი არენაზე” გორის “დილას” უმასპინძლა და მინიმალური სხვაობით 1-0 დაამარცხა.

შეხვედრა საკმაოდ დაბალ ტემპში წარიმართა. პირველ ტაიმში უპირატესობას ფოთელები ფლობდნენ, უნდა აღინიშნოს, რომ “დილას” ფეხბურთელებს პირველ ნახევარში კარის მიმართულებით ზუსტად არ დაურტყამთ. საინტერესო გამოდგა ტაიმის მიწურული, როდესაც “კოლხეთის” ორი ლეგიონერის მიერ გათამაშებულ კარგ კომბინაციას, ბროვკოს შედეგიანი დარტყმა მოჰყვა და სწორედ ეს გოლი აღმოჩნდა გადამწყვეტი ამ შეხვედრაში. მეორე ნახევარში მატჩის სცენარი დიდად არ შეცვლილა. გორელებს ბევრი არაფერი გამოსდიოდათ, თავის მხრივ კი ფოთელები თავს კარგად იცავდნენ და კონტრშეტევებით ცდილობდნენ მომენტების შექმნას. საბოლოოდ შეხვედრა 1-0 დასრულდა.

სასტარტო შემადგელობები

“კოლხეთი 1913”: 26. კონსტანტინე სეფიაშვილი, 2. გიორგი კილასონია, 3. ალექსანდრე გურეშიძე, 4. ლაშა გოგონაია, 6. ამოს ნონდი, 9. იგორ ბროვკო, 10. ალეკსანდრ დერებჩინსკი, 14. გიორგი ჯანელიძე, 17. თამაზ ჟიშკარიანი, 18. ჯონ მაჩარია, 99. გიორგი ბუხაიძე.

“დილა”: 21. გიორგი ბეგაშვილი, 71. გილერმე მორასი, 2. გოდერძი მაჩაიძე, 49. ალექსანდრე კვახაძე, 33. ანდრო სოფრომაძე, 5. გიორგი პაპავა, 89. ჟოაო პედრინიო, 88. ირაკლი ძარია, 37. დათო კირკიტაძე, 11. ლევან ნონიკაშვილი, 15. ირაკლი მოდებაძე.

“დინამომ” “ჩიხურას” დამაჯერებლად მოუგო (ვიდეო)

Posted on by კახა ყიფიანი

დღეს ეროვნული ლიგის 32-ე ტურის შეხვედრები გაიმართა. თავისი მატჩი ჩაატარა საჩხერის “ჩიხურამ”, რომელიც “მიხეილ მესხზე” თბილისის “დინამოს” დაუპირისპირდა.

თამაშში ანგარიში მე-15 წუთზე გაიხსნა: ბაქარ ქარდავამ დედაქალაქელები დააწინაურა. 41-ე წუთზე ლაშა თოთაძემ კიდევ ერთი უალამაზესი ჯარიმა გაიტანა და ორამდე გაზარდა სხვაობა. მეორე ნახევარში, 46-ე წუთზე ოთარ კვერნაძემ ერთი ბურთი გაქვითა. თუმცა, 59-ეზე აკაკი შულაიამ სიტუაცია დააწყნარა. შესაბამისად, “დინამომ” ანგარიშით, 3-1 მოიგო.

ამ გამარჯვების შემდეგ კახა კაჭარავას შეგირდებს 68 ქულა აქვთ და პირველ პოზიციას იკავებენ. “ჩიხურა” 46-ით მეექვსეა.

 

“დილა” 1-0 “ტორპედო”, ქუთაისელების შეჩერება გორელებმა შეძლეს

Posted on by ცოტნე შაორშაძე

ეროვნული ლიგის ოცდამეთორმეტე ტურის მეორე შეხვედრა გაიმართა “თენგიზ ბურჯანაძის სახელების სტადიონზე”, გორის “დილამ” ქუთაისის “ტორპედოს” უმასპინძლა და დაძაბულ ბრძოლაში 1-0 დაამარცხა.

შეხვედრა “ტორპედოს” უპირატესობით დაიწყო. საწყისი წუთებიდანვე ცდილობდნენ ქუთაისელებ გოლის გატანას, მაგრამ შეუდარებლად თამაშობდა გორელთა მეკარე გიორგი ბეგაშვილი. იმერელთაგან გამორჩეული იყო გიორგი ქიმაძე, რომლის შეჩერებასაც მარცხენა ფლანგზე ვერავინ ახერხებდა. საბოლოოდ პირველ ტაიმში გუნდებმა გოლის გატანა ვერ მოახერხეს.

მეორე ნახევარში გორელები უკეთ გამოიყურებოდნენ და 56-ე წუთზე მათ კონტრშეტევას ტანდაბალი დავით კირკიტაძის თავური გოლიც მოჰყვა. ამის შემდეგ “დილას” ფეხბურთელებმა თავიანთ ნახევარზე დაიწიეს და მეტოქეს არავითარ შანს არ უტოვებდნენ, პირიქით გორელებს შეეძლოთ ანგარიშის გაზრდა, როდესაც გიორგი ფანცულაიამ როინ კვასხვაძეს ვერ აჯობა. საბოლოოდ შეხვედრა 1-0 დასრულდა და “დილამ” ეროვნულ ლიგაში ადგილის შესანარჩუნებლად დიდი ნაბიჯი გადადგა. რაც შეეხება “ტორპედოს” ისინი საჩხერის “ჩიხურასა” და “დინამოს” შორის გასამართ შეხვედრას დაელოდებიან.

სასტარტო შემადგენლობები

“დილა”: 21. გიორგი ბეგაშვილი, 2. გოდერძი მაჩაიძე, 5. გიორგი პაპავა, 11. ლევან ნონიკაშვილი, 14. გიორგი ფანცულაია, 20. ალიუ აბუბაკარი, 37. დათო კირკიტაძე, 49. ალექსანდრე კვახაძე (C), 71. გილერმე მორასი, 88. ირაკლი ძარია, 89. ჟოაო პედრინიო.

“ტორპედო”: 89. როინ კვასხვაძე (C), 2. ვაჟა ტაბატაძე, 5. დავით ხურცილავა, 8. შოთა ბაბუნაშვილი, 9. თორნიკე კაპანაძე, 10. გიორგი კუხიანიძე, 11. გუგა ფალავანდიშვილი, 17. გიორგი გურული, 18. ვლადიმერ კორობკა, 22. გრიგოლ დოლიძე, 23. გიორგი ქიმაძე.

“სამტრედია” 0-2 “საბურთალო”

Posted on by ცოტნე შაორშაძე

დღეს ეროვნული ლიგის ოცდამეთორმეტე ტურის შეხვედრა გაიმართა, სამტრედიაში ადგილობრივმა გუნდმა თბილისის საბურთალოს უმასპინძლა და საკმაოდ საინტერესო ბრძოლაში 0-2 დამარცხდა.

შეხვედრა ორმხრივი შეტევებით დაიწყო. ორივე გუნდი თანაბარ თამაშს გვთავაზობდა, მაგრამ 28-ე წუთზე გიორგი ხარაიშვილმა იმერელთა მცველების უყურადღებობით ისარგებლა და “საბურთალო” წინ გაიყვანა. ამის შემდეგ “სამტრედია” გააქტიურდა და საკმაოდ კარგი მომენტი შეექმნა ნიკოლოზ საბანაძეს, რომელსაც გაგი მარგველაშვილმა აჯობა. მეორე ტაიმში იმის მაგივრად, რომ იმერლები გააქტიურებულიყვნენ, პირიქით დედაქალაქელები ფლობდნენ უპირატესობას, ეს ყველაფერი კი გოლად გარდაისახა. “სამტრედიამ” დაცვაში საკმაოდ ცუდად ითამაშა, რითიდაც ისევ ხარაიშვილმა ისარგებლა და დუბლი გაიფორმა. ამის შემდეგ მასპინძლებმა ვერაფერი გააწყვეს და შინ “საბურთალოსთან” პირველად დამარცხდნენ.

სასტარტო შემადგენლობები

“სამტრედია”: 30. ილია სტურუა, 3. ლაშა კასრაძე, 6. გიული მანჯგალაძე, 7. დავით რაჟამაშვილი, 10. ნიკოლოზ საბანაძე, 15. ანრი ნდონგი, 18. ჯემალ გოგიაშვილი, 20. გიორგი ახალაძე, 26. გიორგი დათუნაიშვილი (C), 80. ანტე გიი, 99. მაიკლ ოლაიტანი.

“საბურთალო”: 17. ლაზარე კუპატაძე, 2. ნოდარ იაშვილი, 4. გაგი მარგველაშვილი, 6. თედორე გრიგალაშვილი, 7. ვლადიმერ მამუჩაშვილი, 9. ლაშა შინდაგორიძე, 10. გიორგი ხარაიშვილი (C), 15. დაჩი ცნობილაძე, 20. ელვინ ტერა, 25. გიორგი კოხრეიძე, 93. ნდუე მუეცი.

ეროვნული ლიგის 32-ე ტური: პრევიუ

Posted on by კახა ყიფიანი

28-29 ოქტომბერს ეროვნული ლიგის 32-ე ტურის მატჩები გაიმართება.

„სამტრედია“ საკუთარ მოედანზე თბილისის „საბურთალოს“ მიიღებს. მოახლოვებულ მატჩს ორივე გუნდი კარგი განწყობით ხვდება. გასულ ტურში სამტრედიელებმა სტუმრად ლიდერი, თბილისის „დინამო“, დაამარცხეს ანგარიშით 1:0 და საპრიზო ადგილებისთვის ბრძოლას განაგრძობენ. საბურთალოელებმა კი, გორის „დილას“ 3:1 მოუგეს და მეოთხე ადგილზე გადაინაცვლეს. სერიოზული დანაკლისი აქვს „სამტრედიას“. უჩა სოსიაშვილის გუნდს „საბურთალოს“ წინააღმდეგ დისკვალიფიკაციის გამო ომარ მიგინეიშვილი და გიორგი მჭედლიშვილი ვერ დაეხმარებიან.

საინტერესო შეხვედრა გაიმართება გორში. „თენგიზ ბურჯანაძეზე“ ადგილობრივი „დილა“ ქუთაისის „ტორპედოს“ უმასპინძლებს. გორელები ეროვნულ ლიგაში დასარჩენად იბრძვიან და მიზნის მისაღწევად დარჩენილ შეხვედრებში მაქსიმალურად კარგი შედეგის ჩვნება სჭირდებათ. თავისმხრივ ჩემპიონობა სურთ ქუთაისელებს და ბუნებრივია კახა ჩხეტიანის გუნდი მხოლოდ მოსაგებად ითამაშებს. ტორპედოელები შესანიშნავ ფორმაში არიან და უკვე ექვსი თამაშია არ დამარცხებულან. ამ ექვსიდან „ტორპედომ“ ხუთი შეხვედრა მოიგო ერთში კი, ფრედ ითამაშა. განსხვავებული მდგომარეობაა „დილას“ მხარეს. გიორგი დარასელიას გუნდი არასტაბილურად ასპარეზობს, თუმცა საკუთარ მოედანზე გორელები კარგად თამაშობენ და გორიდან ქულის წამოღება ეროვნული ლიგის ნებისმიერი გუნდისთვის საკმაოდ რთული საქმეა.

პირველი სათამაშო დღე თბილისში დასრულდება. მიხეილ მესხის სახელობის სტადიონზე საჩხერის „ჩიხურა“ თბილისის „დინამოს“ უმასპინძლებს. შეხვედრას დინამოელთათვის უდიდესი მნიშვნელობა აქვს. ბოლო პერიოდში ნაჩვენები უარყოფითი შედეგიდან გამომდინარე თბილისური კლუბი ლიდერობის დაკარგვის საფრთხის წინაშე დადგა. ჩემპიონატის დასრულებამდე ხუთი ტურით ადრე უახლოეს მდევარ ქუთაისის „ტორპედოსთან“ სხვაობა ერთ ქულამდე შემცირდა. ეს კი, „დინამოს“ საჩემპიონო ამბიციებს კითხვის ნიშნის ქვეშ აყენებს. აქედან გამომდინარე, დღეს არსებული სიტუაციის გათვალისწინებით დინამოელებს პირველი ადგილის შესანარჩუნებლად ყველა დარჩენილ შეხვედრაში უპირობო გამარჯვება სჭირდებათ. რაც შეეხება „ჩიხურას“, მართალია საჩხერელები ჩემპიონობისთვის ვეღარ იბრძვიან, მაგრამ ბოლო ორ ტურში მოგებული მატჩების წყალობით გუნდს მეოთხე ადგილზე გასვლის შანსი გაუჩნდა და რა თქმა უნდა, სოსო ფრუიძის გუნდი ამ შანსის გამოსაყენებლად ბოლომდე იბრძოლებს.

32-ე ტურის დარჩენილი ორი შეხვედრა 29 ოქტომბერს გაიმართება.

თბილისის „ლოკომოტივი“ მიხეილ მესხის სახელობის სტადიონის სათადარიგო მოედანზე ფოთის „კოლხეთს“ დაუპირისპირდება. თბილისელებმა ბოლო ტურებში მნიშვნელოვანი მატჩები წააგეს და მათთვის სასურველი მეოთხე ადგილი დათმეს. ლოკო ზედიზედ სამი ტურია ვერ იგებს, ამით კი, მისმა უშუალო კონკურენტმა „საბურთალომ“ ისარგებლა და ერთი ქულით გადაასწრო. ფოთელები კიდევ უფრო რთულ ვითარებაში არიან. „კოლხეთს“ უკვე 17 ტურია არ მოუგია და ეროვნული ლიგიდან გავარდნასთან ძალიან ახლოსაა. აღსანიშნავია, რომ მიმდინარე სეზონში კოლხებმა ბოლო გამარჯვება სწორედ თბილისის „ლოკომოტივთან“ იზეიმეს. 27 მაისს გამართულ შეხვედრაში ფოთელებმა მეტოქე მინიმალური სხვაობით 2:1 დაამარცხეს.

ტური აჭარული დერბით დასრულდება. სამტრედიის ეროსი მანჯგალაძის სახელობის სტადიონზე ერთმანეთს ქობულეთის „შუქურა“ და ბათუმის „დინამო“ დაუპირისპირდებიან. ორივე გუნდი უძლიერესთა შორის ადგილის შენარჩუნებისთვის იბრძვის. არსებული მდგომარეობის გათვალისწინებით ბათუმელებს პირდაპირ გავარდნა არ ემუქრებათ და მათ გადათამაშებაში მოუწევთ მონაწილეობა. თუმცა დარჩენილ შეხვედრებში სასურველი შედეგის ჩვენების შემთხვევაში „დინამოს“ კარგი შანსი აქვს გორის „დილას“ გადაასწროს და ლიგაში ადგილი გადათამაშების გარეშე შეინარჩუნოს. გასულ ტურში საჩხერის „ჩიხურასთან“ წაგებული უმნიშვნელოვანესი მატჩის შემდეგ ბათუმური კლუბი მთავარმა მწვრთნელმა კონსტანტინ ფროლოვმა დატოვა. მის მაგივრად კი, სეზონის დარჩენილი შეხვედრებისთვის გუნდს ასლან ბალაძე მოამზადებს. განსხვავებული მდგომარეობაა ქობულეთელთა მხარეს. „შუქურა“ ბოლო, მეათე ადგილზეა და ეროვნული ლიგიდან გავარდნის უმთავრეს კანდიდატად მოიაზრება. თუმცა ბოლო პერიოდში გუნდმა თამაში მკვეთრად გამოასწორა და სეზონის მიწურულს უძლიერესთა შორის დარჩენის რეალური შანსი გაუჩნდა. გიორგი შაშიაშვილის გუნდი უშუალო კონკურენტს, ფოთის „კოლხეთს“ მხოლოდ 4 ქულით ჩამორჩება და საჭირო ქულების დაგროვების შემთხვევაში „შუქურა“ გადათამაშებაში მონაწილეობის უფლებას მოიპოვებს.

Eliga.Ge

“სამტრედიამ” “დინამოს” თბილისში მოუგო (ვიდეო)

Posted on by ცოტნე შაორშაძე

ეროვნული ლიგის ოცდამეთერთმეტე ტურის ცენტრალური შეხვედრა გაიმართა “დინამო არენაზე,” – ადგილობრივმა გუნდმა “სამტრედიას” უმასპინძლა და მინიმალური სხვაობით 0-1 დამარცხდა.

მატჩი საკმაოდ აქტიურად დაიწყო და უკვე მე-3 წუთზე თბილისელებს ანგარიშის გახსნის შესანიშნავი შესაძლებლობა მიეცათ, როდესაც თერთმეტმეტრიანის ნიშნულთან თოთაძე მივიდა. ამ მომენტში იმერელთა მეკარემ, ომარ მიგინეიშვილმა თერთმეტმეტრიანი მოიგერია. ამის შედეგ ორივე გუნდი კიდევ უფრო გააქტიურდა, რიგ შემთხვევაში მეკარეები თამაშობდნენ დამაჯერებლად, თითო-თითოჯერ კი, ხარიხამ იხსნა ორივე გუნდი.

მეორე ტაიმი კიდევ უფრო დაძაბულად დაიწყო, გუნდები უპირატესობის მოპოვებას ცდილობდნენ, მაგრამ შეხვედრა გარდამავალი უპირატესობით წარიმართა. კარგი მომენტი შეექმნათ “დინამოელებს”, თუმცა მიგინეიშვილმა შეუცდომლად ითამაშა. 89-ე წუთზე სტანდარტული ჩაწოდებიდან სამტრედიელთა ლეგიონერმა, ანრი ნდონგიმ თავური დარტყმით ლიტოვჩენკოს კარი დალაშქრა. ეს გოლი ერთადერთი აღმოჩნდა ამ შეხვედრაში.

იმერლების ამ გამარჯვების შემდეგ, ეროვნულ ლიგაში ვითარება კიდევ უფრო დაიძაბა. “დინამო” 65 ქულით პირველია და მხოლოდ ერთით უსწრებს “ტორპედოს”. “სამტრედიას” 61 ქულა აქვს და მესამე პოზიციაზეა.

სასტარტო შემადგენლობები:

“დინამო” – 1. სერგი ლიტოვჩენკო, 3. ლაშა თოთაძე, 5. ლევან გეგეჭკორი, 6. ბაქარ ქარდავა, 7. გიორგი ზარია, 8. ოთარ კიტეიშვილი (C), 9. ბექა მიქელთაძე, 20. ლაშა სალუქვაძე, 24. დავით კობოური, 27. გიორგი კუცია, 31. ბექა ქავთარაძე.

“სამტრედია” – 12. ომარ მიგინეიშვილი, 6. გიული მანჯგალაძე, 7. დავით რაჟამაშვილი, 10. ნიკოლოზ საბანაძე, 15. ანრი ნდონგი, 18. ჯემალ გოგიაშვილი, 20. გიორგი ახალაძე, 22. გიორგი მჭედლიშვილი, 26. გიორგი დათუნაიშვილი (C), 80. ანტე გიი, 99. მაიკლ ოლაიტანი.

გოლების წვიმა ქუთაისში

Posted on by ცოტნე შაორშაძე

დღეს ოცდამეთერთმეტე ტურის შეხვედრაში ქუთაისის “ტორპედომ” თბილისის “ლოკომოტივს” უმასპინძლა და მძიმე ბრძოლაში დაამარცხა (4-2).

ქუთაისში გამართული შეხვედრას დიდი ინტრიგა ჰქონდა, რადგან ორივე გუნდი მაღალი ადგილებისთვის იბრძვის. დიდი დანაკლისით იყო ჩასული “ლოკომოტივი” ქუთიასში, მათ 7 ფეხბურთელი აკლდათ. ანგარიში მე-9 წუთზე ეროვნული ლიგის საუკეთესო გოლიადორმა, ირაკლი სიხარულიძემ გახსნა და სტუმრებმა პირველი ტაიმი გამარჯვებთ დაასრულეს.

სრულიად განსხვავებული შეხვედრა იხილა გულშემატკივარმა მეორე ნახევარში. ქუთაისლებმა ტაიმის სტარტზევე მოახერხეს ანგარიშის გათანაბრება, კუთხურიდან ჩაწოდების შემდეგ, თორნიკე კაპანაძემ თავური დარტყმით “ლოკომოტივის” კარი აიღო (47 წთ), მაგრამ მათი სიხარული დიდხანს არ გაგრძელებულა, გიორგი გოროზიამ შესანიშნავი დარტყმით 56-ე წუთზე დედაქალაქელები ისევ დააწინაურა. ქუთაისელთა შემადგენლობაში 70-ე წუთზე შოთა ბაბუნაშვილი შემოვიდა, 73-ზე კი საჯარიმო დარტყმა დაინიშნა, გამოცდილმა ქუთაისელმა კი, ყუმბარისებული დარტყმით რევაზ თევდორაძის კარი დალაშქრა. როგორც ზევით ავღნიშნეთ “ლოკომოტივს” რამდენიმე წამყვანი ფეხბურთელი აკლდა, დიდი ალბათ ეს გახდა იმის მიზეზი, რომ შეხვედრის მიწურულს რკინიგზელებს დაღლა დაეტყოთ. 85-ე წუთზე გიორგი ქიმაძის გარღვევის შემდეგ კაპანაძემ დუბლი გაიფორმა, შეხვედრაში საბოლოო წერტილი კი, 94-ე წუთზე გიორგი კუხიანიძემ დასვა.

ამ გამარჯვების შემდეგ ქუთაისლებს 64 ქულა აქვთ, ხოლო მათი უშუალო კონკურენტი თბილისის “დინამო” ამ წუთებში მასპინძლობს “სამტრედიას”.

ბათუმში სტადიონის სამშენებლო სამუშაოების ტენდერი გამოცხადდა (ფოტო)

Posted on by ცოტნე შაორშაძე

ბათუმის “დინამოს” პრესსამსახური სოციალურ ქსელში გულშემატკივრებისვის სასიხარუო ინფორმაციას ავრცელებს.

მოგეხსენებათ, ბაუმის “დინამო” ეროვნული ლიგის შეხვედრებს “რაგბი არენაზე” ატარებს. მას ჯერ არ აქვს საკუთარი სტადიონი. აჭარლეთა პრესცენტრი იტყობინება, რომ ქალაქ ბათუმში, ყოფილი მანქანათმშენებელი ქარხნის ტერიტორიაზე, 20,000 მაყურებელზე გათვლილი UEFA-ას IV კატეგორიის საფეხბურთო სტადიონი აშენდება.

“სამტრედიამ” ბათუმის “დინამოს” დიდი ანგარიშით სძლია (ვიდეო)

Posted on by კახა ყიფიანი

დღეს ეროვნული ლიგის 30-ე ტურმა აიღო სტარტი.

ერთ-ერთ შეხვედრაში “სამტრედიამ” ბათუმის “დინამო” საკუთარ მოედანზე მიიღო. მატჩი იმერელთა უპირატესობით წარიმართა და მათივე გამარჯვებით დასრულდა.

25-ე წუთზე ანგარიში მაიკლ ოლაიტანმა გახსნა. ზუსტად ექვს წუთში გიორგი ახალაძემ ორამდე გაზარდა სხვაობა. მეორე ნახევარში, 62-ე წუთზე ნიკოლოზ საბანაძემაც გაიტანა თავისი გოლი. საბოლოოდ, “სამტრედიამ” ანგარიშით, 3-0 მოიგო.

ამ გამარჯვების შემდეგ იმერულ კლუბს 58 ქულა აქვს და მესამეა. “დინამო” 32-ით მერვეა.

ეროვნული ლიგის 30-ე ტური: პრევიუ

Posted on by კახა ყიფიანი

ეროვნული ლიგის მორიგი, 30-ე ტურის მატჩები 18-19 ოქტომბერს გაიმართება.

18 ოქტომბერს ტურის პირველ შეხვედრაში ერთმანეთს „სამტრედია“ და ბათუმის „დინამო“ შეხვდებიან. მიმდინარე სეზონში გუნდებს განსხვავებული მიზნები აქვთ. სამტრედიელები საპრიზო ადგილებისთვის იბრძვიან, ბათუმელები კი, ლიგაში ადგილის შენარჩუნებისთვის. გასული ტური ორივე მათგანისთვის წარმატებული გამოდგა. „სამტრედიამ“ სტუმრად ანგარიშით – 2:1 საჩხერის „ჩიხურა დაამარცხა და ლიდერთა სამეულში ადგილი განიმტკიცა. ბათუმის „დინამომ“ კი, საკუთარ მოედანზე უშუალო კონკურენტი გორის „დილა“ მიიღო და მინიმალური ანგარიშით – 1:0 იმარჯვა.

ამავე დღეს ბათუმის „რაგბი არენაზე“ ქობულეთის „შუქურა“ საჩხერის „ჩიხურას“ უმასპინძლებს. ქობულეთელებს ეროვნულ ლიგაში დარჩენის მიზერული შანსი აქვთ და ამ მიზნის მისაღწევად მათ დარჩენილ მატჩებში მაქსიმალურად კარგი შედეგის ჩვენება სჭირდებათ. თავისმხრივ ბოლო ტურებში ზედიზედ სამი მარცხის შედეგად საჩხერლები გადათამაშების ზონას მიუახლოვდნენ. სიტუაციის გამოსასწორებლად კი, იმერულ კლუბს მოახლოვებულ შეხვედრაში მოგება სჭირდება.

ეროვნული ლიგის 30-ე ტურის დანარჩენი სამი შეხვედრა 19 ოქტომბერს ჩატარდება.

მიხეილ მესხის სახელობის სათადარიგო მოედანზე თბილისურ დერბიში ერთმანეთს „ლოკომოტივი“ და „საბურთალო“ დაუპირისპირდებიან. გუნდები უშუალო კონკურენტები არიან და მათ შორის სხვაობა მხოლოდ ორი ქულაა. ლოკო 48 ქულით მეოთხე ადგილზეა, საბურთალოელებს კი, 46 ქულა აქვთ და მეხუთე პოზიციას იკავებენ. აღსანიშნავია, რომ პრინციპულ დაპირისპირებას ორივე მათგანი კარგ ფორმაში ხვდება. უკანასკნელი ხუთ შეხვედრიდან „ლოკომოტივმა“ სამი მოიგო და ორი წააგო. „საბურთალომ“ კი, ხუთიდან ოთხის მოგება მოახერხა და ერთ შეხვედრაში დამარცხდა.

ერთწლიანი პაუზის შემდეგ ფოთის „კოლხეთი“ საკუთარ ქალაქში ბრუნდება და ქუთაისის „ტორპედოს“ „პარკი არენაზე“ უმასპინძლებს. სატურნირო თვალსაზრისით ფოთელები საკმაოდ რთულ მდგომარეობაში არიან და უძლიერესთა შორის ადგილის შენარჩუნებისთვის საკუთარ კედლებში დაბრუნება შესაძლოა მათთვის გადამწვეტი აღმოჩნდეს. აღნიშნული შეხვედრა ჩემპიონობისთვის მებრძოლი „ტორპედოსთვის“ არანაკლებ მნიშვნელოვანია და ბუნებრივია კახა ჩხეტიანი გუნდმა სტუმრად სამი ქულის მოსაპოვებლად ყველაფერს გააკეთებს. მითუმეტეს, რომ იმერული კლუბმა მომავალ მეტოქეს მიმდინარე სეზონში გამართული სამი შეხვედრიდან ორი მოუგო და ერთი ფრედ ითამაშა.

30-ე ტური გორის თენგიზ ბურჯანაძის სახელობის სტადიონზე დასრულდება, სადაც ადგილობრივი „დილა“ გათამაშების ლიდერს, თბილისის „დინამოს“ მიიღებს. გორული და თბილისური კლუბების დაპირისპირება ყოველთვის დიდ ინტერესს იწვევდა, თუმცა ბოლო პერიოდში ამ ორი გუნდის მონაწილეობით გამართული მატჩები კიდევ უფრო საინტერესო გახდა. უკანასკნელი 4-5 სეზონია „დილა“ დინამოელთათვის ერთ-ერთ ყველაზე უხერხულ მეტოქედ იქცა და დედაქალაქურ კლუბს გორელებთან თამაში ყველაზე მეტად უჭირს. მომავალი შეხვედრა სატურნირო თვალსაზრისით ორივე გუნდისთვის ძალიან მნიშვნელოვანია. „დინამო“ უახლოეს მდევარ ქუთაისის „ტორპედოს“ მხოლოდ ოთხი ქულით უსწრებს. ეს კი, იმას ნიშნავს, რომ კახა კაჭარავას გუნდს შეცდომის დაშვების უფლება აღარ აქვს. თავისმხრივ მოგება ძალიან სჭირდება „დილას“. გორელთა მთავარი მიზანი ეროვნულ ლიგაში დარჩენაა, ამისთვის კი, გიორგი დარასელიას გუნდს როგორც მინიმუმ, ბათუმის „დინამოსთან“ ორქულიანი უპირატესობის შენარჩუნება სჭირდება.

Eliga.ge

დედაქალაქურ დერბიში “დინამომ” გაიმარჯვა

Posted on by ცოტნე შაორშაძე

დღეს ეროვნულ ლიგაში 29-ე ტურის ბოლო შეხვედრა გაიმართა თბილისში, სადაც ერთმანეთს ადგილობრივი “დინამო” და “ლოკომოტივი” დაუპირისპირდნენ.

შეხვედრა საკმაოდ საინტერესოდ წარიმართა, მე-5 წუთზე ლაშა თოთაძის უძლიერესი საჯარიმო დარტმის შემდეგ, “ლოკომოტივის” მეკარემ, რევაზ თევდორაძემ მიუტევებელი შეცდომა დაუშვა და დინამოელები დაწინაურდნენ, ამის შემდეგ შეხვედრა ორმხრივ შეტევებში წარიმართა და მაყურებელმა საკმაოდ კარგი სანახაობა იხილა. 44-ე წუთზე ვატო არველაძის გარღვევის შემდეგ კუთხური დაინიშნა, სტანდარტულიდან ჩამოწოდებულ ბურთზე კი, პირველი გიორგი რეხვიაშვილმა ითამაშა და ანგარიში გაათანაბრა. ბურთის გათამაშების შემდეგ, ბექა ქავთარაძემ სისწრაფეში გოლის ავტორი რეხვიაშვილი დაჯაბნა და გადაცემა ბექა მიქელთაძეს გაუკეთა, რომელსაც თითქმის ცარიელ კარში გოლის გატანა აღარ გასჭირვებია. მეორე ტაიმში კი, რკინიგზელები უფრო მოტივირებულები იყვნენ და ცდილობდნენ შეხვედრის გადარჩენას, მაგრამ როგორც ჩანს კახა კაჭარავას ფეხბურთელებმა იპოვეს თავიანთი თამაში და მეტოქეს არავითარი შანსი არ დაუტოვეს. საბოლოო წერტილი შეხვედრაში, შეცვლაზე შემოსულამ ლაშა ქოჩლაძემ დასვა, 94-ე წუთზე მან რევაზ თევდორაძის კარი დალაშქრა და “დინამომ” 3-1 გაიმარჯვა.

“დინამოს” სასტარტო შემადგენლობა: 1. სერგი ლიტოვჩენკო, 3. ლაშა თოთაძე, 5. ლევან გეგეჭკორი, 6. ბაქარ ქარდავა, 7. გიორგი ზარია (ლაშა ქოჩლაძე 79) 8. ოთარ კიტეიშვილი (C), 9. ბექა მიქელთაძე, 11. აკაკი შულაია (გიორგი კუცია 88) 20. ლაშა სალუქვაძე, 24. დავით კობოური, 31. ბექა ქავთარაძე (ზურაბ დავითაშვილი 92).

სათადარიგო შემადგენლობა: 29. ნუკრი რევიშვილი, 2. ბოგდან მიშენკო, 18. ხვიჩა კვარაცხელია, 25. მოჰამედ ალიუ.

“ლოკომოტივის” სასტარტო შემადგენლობა: 25. რევაზ თევდორაძე, 7. ირაკლი სიხარულიძე, 8. ნოდარ ქავთარაძე, 10. გიორგი დიასამიძე, 13. ლაშა გვალია (ლევან ქურდაძე 87), 21. თეიმურაზ ღონღაძე (რევაზ ჩიტეიშვილი 38), 24. ვატო არველაძე (გიორგი გოროზია 53), 30. მამუკა კობახიძე, 50. გიორგი რეხვიაშვილი, 80. დავით უბილავა (C), 88. დავით სამურკასოვი.

სათადარიგო შემადგენლობა: 77. ბექა ქურდაძე, 4. ნიკა ჭანტურია, 16. გიორგი ხიდეშელი, 27. გიორგი გაბაძე,