ჩვენთვის, ყველასათვის საყვარელი პროექტი – ვებ-გვერდი Fanebi.Com დღეს 9 წლის გახდა.
Fanebi.Com-მა მუშაობა 2008 წლის 15 მარტს დაიწყო. ეს იყო ერთ-ერთი პირველი ქართული სპორტული გამოცემა (თუ არა პირველი). ჩვენ დღემდე ვცდილობთ, სპორტის მოყვარულებს სანდო ინფორმაცია მივაწოდოთ.
ამ ცხრა წლის განმავლობაში არაერთი საინტერესო და ინოვაციური პროექტი შემოგთავაზეთ. ჩვენი ამომავალი წერტილი ყოველთვის ჩვენი მოხმარებელი იყო. Fanebi.Com ყოველთვის აფასებდა და აფასებს საკუთარ მომხმარებელს, გვსურს მათ შევუქმნათ სასიამოვნო და კომფორტული გარემო, სადაც შეძლებენ მიიღონ მიმდინარე სპორტული მოვლენების შესახებ ამომწურავი ინფორმაცია და ამასთანავე მაქსიმალურად გაერთონ.
ცხადია, ვიცით, რომ ხარვეზები გვაქვს, რომელთა გამოსწორებასაც აუცილებლად შევეცდებით. ჩვენ ყოველთვის მზად ვართ, თქვენი რჩევები და შენიშვნები გავითვალისწინოთ.
მადლობა ყველა იმ ადამიანს, ვინც ჩვენს პროექტს გულშემატკივრობდა და გულშემატკივრობს. ასევე, მადლობა ჩვენს პარტნიორ კომპანიებს, რომლებიც ამ ხნის განმავლობაში გვერდში გვედგნენ.
გილოცავთ კიდევ ერთხელ, Fanebi.Com – 9 წელი თქვენთან ერთად!
Fanebi.Com-ის იუბილესთან დაკავშირებით, დღეს Facebook-ში, ჩვენს გვერდზე საფეხბურთო კლუბის ან ნაკრების მაისურს გავათამაშებთ.
