ავტორიტეტული იტალიელი ჟურნალისტი ნიკოლო სკირა იუწყება, რომ “ბარსელონამ” “მანჩესტერ სიტის” ნახევარმცველ ბერნარდუ სილვასთან შეთანხმებას მიაღწია. წყაროს ცნობით, მხარეებს შორის ოთხწლიანი შრომითი ხელშეკრულება გაფორმდება.
“ბარსელონა” “მანჩესტერ სიტის” ოფიციალური წინადადებით უახლოეს მომავალში მიმართავს და პორტუგალიელი ფეხბურთელის სანაცვლოდ 60 მილიონ ევროს შესთავაზებს. კატალონიურ კლუბში დარწმუნებულნი არიან, რომ სილვა “ბლაუგრანაში” მიმდინარე სატრანსფერო პერიოდის დასრულებამდე გადავა.
შეგახსენებთ, რომ “მანჩესტერ სიტიმ” ბერნარდუ სილვას კონტრაქტი 2017 წელს 50 მილიონ ევროდ გამოისყიდა. პორტუგალიელმა ფეხბურთელმა “ქალაქელთა” რიგებში 248 მატჩი ჩაატარა, 48 გოლი გაიტანა და 50 შედეგიანი გადაცემა მიითვალა. მან ინგლისურ გუნდთან ერთად 11 ტიტული დაისაკუთრა.
