მსოფლიოს ჩემპიონატის ნახევარფინალში ერთმანეთს ხორვატია და ინგლისი დაუპირისპირდნენ. საკმაოდ დაძაბული შეხვედრის 90 წუთი ფრედ, 1-1 დასრულდა. გამარჯვების გოლის გატანა 109-ე წუთზე მარიო მანჯუკიჩმა შეძლო.
მატჩის შემდეგ საუკეთესო ფეხბურთელმა, ივან პერიშიჩმა ჟურნალისტებთან ისაუბრა.
“ძალიან რთული თამაში იყო. ვიცოდით, რა იდო სასწორზე და კარგად ვაცნობიერებდით, რას ნიშნავს მსოფლიოს ჩემპიონატის ნახევარფინალი ისეთი პატარა ქვეყნისთვის, როგორიც ხორვატიაა. ნელ ტემპში დავიწყეთ, თუმცა შემდეგ ჩვენი ხასიათი გამოვავლინეთ. ეს ისე გავაკეთეთ, როგორც წინა ორი მატჩი, როცა ორივეგან ერთი გოლით ვმარცხდებოდით.
ოცი წლის წინ ჩემს მშობლიურ ქალაქ ომისში დავბრუნდი. ხორვატია ჩემი ფესვებია, ამ ქვეყნის საფეხბურთო ნაკრების მაისურით გავიზარდე. აქამდე მხოლოდ ოცნება შემეძლო იმაზე, რომ ამ გუნდისთვის გოლი გამეტანა, რომელიც ერთ-ერთი გადამწყვეტი იქნებოდ აფინალში გასასვლელად,” – ამბობს პერიშიჩი.
