ჭდე: ტეო ერნანდესი

ტეო ერნანდესს, სავარაუდოდ, ესპანურ კლუბში გაანათხოვრებენ

Posted on by იაკობ კაპანაძე

ტეო ერნანდესის პირველი ნაბიჯები “სანტიაგო ბერნაბეუზე” არც ისე წარმატებული და პროდუქტიული აღმოჩნდა, როგორც ამას მადრიდელები ვარაუდობდნენ. შესაბამისად, “ბლანკოსი” მის განათხოვრებაზე ფიქრობს.

ცნობილი ესპანური გამოცემა As ირწმუნება, რომ ტეო ერნანდესი მომავალ სეზონს “რეალ სოსიედადში” გაატარებს არენდის წესით, თუმცაღა მათ ერნანდესის კონტრაქტის გამოსყიდვის უფლება არ ექნებათ.

შეგახსენებთ, რომ 20 წლის ტეო ერნანდესი “რეალში” “ატლეტიკოდან” გადავიდა გასულ წელს. ევროპის ზედიზედ სამგზის ჩემპიონს ეს ტრანსფერი 28 მილიონი ევრო დაუჯდა.

ტეო ზიდანის შესანიშნავი გოლი (ვიდეო)

Posted on by ცოტნე შაორშაძე

მადრიდის “რეალის” ლეგენდის ზინედინ ზიდანის შვილი, ტეო ზიდანი მადრიდელთა აკადემიაში ირიცხება და ერთ-ერთი გამორჩეული ფეხბურთელიცაა.

ტეოს ხშირად ადარებენ მამას, მისი შესანიშნავი მოძრაობებისა და გააზრებული თამაშის გამო. რამდენიმე დღის წინ კი, მან მადრიდელთა ახალგაზრდულ გუნდში საოცარი გოლი გაიტანა, რომელიც “რეალის” კვირის საუკეთესო გოლებს შორის არის ნომინირებული.

ტეო ერნანდესმა საფრანგეთის 21-წლამდელებთან ვარჯიშს ზღვის სანაპიროზე გართობა არჩია

Posted on by იაკობ კაპანაძე

ტეო ერნანდესის სანაკრებო მომავალი დიდი კითხვის ნიშნის ქვეშ დგება მას შემდეგ, რაც “ალავესის” ფეხბურთელი ურჩობაში ამხილეს.

როგორც ცნობილი ხდება, ტეო ერნანდესმა საფრანგეთის 21-წლამდელთა მწვრთნელის დავალება არ შეასრულა და ნაცვლად იმისა, რომ გუნდთან ერთად ევარჯიშა, გადაწყვიტა თავის თანაგუნდელთან ერთად პლაჟზე წასულიყო გასართობად.

მართალია, ტეოს სურდა, ეს საიდუმლოდ დარჩენილიყო, მაგრამ მისმა თანაგუნდელმა, კარლოს ვიგარაიმ ყველაფერი სოციალური ქსელის მეშვეობით გაასაჯაროვა:

“ახლა არაფრის თქმა არ შემიძლია. ამ ყველაფერს გავითვალისწინებ. სავარაუდოდ, მას რამდენიმე კვირაში კვლავ გამოვიძახებ,” – აცხადებს ახალგაზრდული ნაკრების თავკაცი, სილვიან რიპოლი.

“ბარსელონა” ზაფხულში 5 ფეხბურთელის გადაბირებას შეეცდება

Posted on by იაკობ კაპანაძე

ესპანური საკმაოდ გავლენიანი გამოცემა, Mundo Deportivo ირწმუნება, რომ “ბლაუგრანას” ხელმძღვანელებმა იმ ფეხბურთელების სია შეადგინეს, რომელთა გადაბირების წყალობითაც იმედოვნებენ საკუთარი გუნდის გაძლიერებას.

როგორც ცნობილი ხდება, სიის სათავეში ლონდონის “არსენალის” მცველი, ექტორ ბელერინი იმყოფება. 22 წლის ბელერინს, რომელიც ახლაც უმაღლეს დონეზე თამაშობს, დანი ალვეშის შემცვლელად მოისაზრებენ.

“კამპ ნოუზე” გადასვლასთან ძალიან ახლოს არის “ატლეტიკოს” მცველი, ტეო ერნანდესიც, რომლის გადაბირებითაც მადრიდის “რეალიც” დაინტერესებული გახლავთ. ამჟამად 19 წლის ფეხბურთლი არენდის წესით “ალავესში” იმყოფება.

სიაში მოხვდა “პარი სენ-ჟერმენის” იტალიელი ნახევარმცველი, მარკო ვერატიც, რომელსაც მობეზრდა ლიგა 1-ში თამაში და მზადაა ჩემპიონთა ლიგისთვის საბრძოლველად კლუბიც გამოიცვალოს.

მეოთხე ფეხბურთელი კი “მილანში” მოთამაშე ჯერარდ დეულოფეუ გახლავთ, რომელიც “ევერტონის” კუთვნილებაში იმყოფება.

მეხუთე კი მერსესაიდული “ლივერპული” ბრაზილიელი შემტევი, ფილიპე კოუტინიო გახლავთ, რომელიც აქამდეც არაერთხელ დაუკავშირებიათ კატალონიურ გრანდთან.

ტეო ერნანდესს “რეალში” უნდა, “ბარსელონა” არ ნებდება

Posted on by იაკობ კაპანაძე

ესპანურ პრესაში გავრცელებული ინფორმაციის მიხედვით, “ბარსელონას” ხელმძღვანელები კიდევ ერთხელ შეხვდნენ ტეო ერნანდესის წარმომადგენლებს და მათ ახალი წინადადება შესთავაზეს – 6-წლიანი კონტრაქტი და 3.5 მილიონი ევრო თითო სეზონში.

თუმცა, აგენტმა “ბლაუგრანას” განუცხადა, რომ თავისმა კლიენტმა უკვე მიაღწია სიტყვიერ შეთანხმებას “რეალთან”, რომელიც 5-წლიან კონტრაქტს და საერთო ჯამში 35 მილიონი ევროს სთავაზობს ხელფასის სახით.

თუმცა არის ერთი ფაქტორი, რაც ტეოს აფიქრებს – “რეალს” მარცხენა ფლანგზე მარსელო ჰყავს, რომელიც ბრწყინვალე სეზონს ატარებს განსხვავებით “ბარსელონასა”, რომლის მარცხენა მცველიც (ხორდი ალბა) კლუბს დიდი ალბათობით სეზონის ბოლოს დატოვებს.

ტეო ერნანდესი “ბარსელონაში” გადასვლასთან ძალიან ახლოსაა

Posted on by იაკობ კაპანაძე

Sport.es-ის მიერ გავრცელებული უახლესი ინფორმაციის მიხედვით, კატალონიურმა “ბარსელონამ” მადრიდის “რეალს” კიდევ ერთი ბრძოლა მოუგო.

საქმე მადრიდული “ატლეტიკოს” მცველის, ტეო ერნანდესის ტრანსფერს ეხება, რომელიც ამჟამად არენდის წესით “ალავესის” რიგებში ასპარეზობს.

როგორც ცნობილი ხდება, 19 წლის ფეხბურთელის გადაბირებით აქტიურად ინტერესდებოდა მადრიდის “რეალი”, თუმცა მან არჩევანი “ბარსელონაზე” გააკეთა.

აღსანიშნავია, რომ ამ დროისთვის ერნანდესის გამოსასყიდი თანხა 24 მილიონს შეადგენს. გასულ წელს კი მისი გადაბირებისთვის სულ რაღაც 10 მილიონიც საკმარისი იყო, მაგრამ მაშინ “ბარსელონას” პრეზიდენტმა გარისკვა ვერ გაბედა.