იტალიური “ფიორენტინას” ნახევარმცველი, ალბერტო აკვილანი აცხადებს, რომ მას მსოფლიოს 2014 წლის ჩემპიონატზე თამაში სურს.
“ჩემი მთავარი მიზანი ისაა, რომ მსოფლიოს 2014 წლის ჩემპიონატზე მოვხვდე. შესაძლოა, ეს ჩემი ბოლო მუნდიალი იყოს. ვიცი, რომ იტალიის ნაკრების მთავარი მწვრთნელი, ჩეზარე პრანდელი ჩემგან უფრო მეტს ელის, ამიტომ თავი არ უნდა დავზოგო” , – ამბობს 29 წლის ნახევარმცველი.
იტალიური “ფიორენტინას” ნახევარმცველი, ალბერტო აკვილანი აცხადებს, რომ თუ ის “იუვენტუსის” კარში გოლის გატანას მოახერხებს, მას აუცილებლად აღნიშნავს.
შეგახსენებთ, რომ 20 ოქტომბერს, იტალიის სერია A-ს მერვე ტურში, “ფიორენტინა” საკუთარ მოედანზე “იუვენტუსს” მიიღებს.
“ჩვენს გულშემატკივრებს სურთ, რომ მატჩი მოვიგოთ. რა თქმა უნდა, ბოლომდე დავიხარჯებით და მათ გასახარებლად ყველაფერს გავაკეთებთ. თუ “იუვენტუსის” კარში გოლს გავიტან, მას აუცილებლად ავღნიშნავ”, – ამბობს აკვილანი.
