“ბარსელონამ” ახალი სეზონისთვის ახალი კაპიტანი აირჩია. გუნდის კაპიტნის სამკლავურს ჩავი ერნანდესი მოირგებს.
ვიცე-კაპიტანი ანდრეს ინიესტა იქნება, მესამე კაპიტანი – ლიონელ მესი, მეოთხე კი – სერხიო ბუსკეტსი.
შეგახსენებთ, რომ ბოლო ექვსი წლის განმავლობაში ჩავი გუნდის ვიცე-კაპიტანი იყო და საჭიროების შემთხვევაში, კარლეს პუიოლს ცვლიდა, რომელმაც გასული სეზონის ბოლოს კარიერა დაასრულდა.
„მარკას“ ცნობით, 2014 წლის მსოფლიოს ჩემპიონატის ჯგუფურ ეტაპზე ესპანეთისა და ჩილეს ნაკრებებს შორის გამართული შეხვედრის (0:2) შემდეგ ჩაბი ალონსოს მიერ გაკეთებულ კომენტარს „ლა როხას“ წევრების მხრიდან მკვეთრად უარყოფითი რეაგირება მოჰყვა.
ბასკმა ნახევარმცველმა ერთ-ერთ ინტერვიუში განაცხადა, რომ ესპანელი ფეხბურთელები გამარჯვებისკენ სწრაფვით დაიღალნენ და გუნდი მუნდიალს ფსიქოლოგიურად მზად ვერ შეხვდა.
ესპანეთის ნაკრების დანარჩენი წევრები თვლიან, რომ ალონსოს მხოლოდ საკუთარი შეხედულება უნდა გამოეხატა და მთელი გუნდის სახელით არ უნდა ესაუბრა. ანდრეს ინიესტამ და დიეგო კოსტამ მადრიდის „რეალის“ ნახევარმცველს თავიანთი პრეტენზიები წაუყენეს. გარდა ამისა, კომენტარები გააკეთეს იმ მოთამაშეებმაც, რომლებსაც შედარებით ნაკლები სათამაშო დრო ეძლევათ.
შეგახსენებთ, რომ ესპანეთის ნაკრებმა მსოფლიოს ჩემპიონატის ჯგუფური ეტაპის დაძლევის თეორიული შანსიც დაკარგა.
2014 წლის მსოფლიოს ჩემპიონატი მოქმედი ჩემპიონის კრახით დაიწყო. „ფურია როხა“ ჰოლანდიის ნაკრებთან ანგარიშით 1:5 განადგურდა და საქმე მნიშვნელოვნად გაირთულა, თუმცა ესპანელთა გამოცდილი ნახევარმცველი ანდრეს ინიესტა დარწმუნებულია, რომ მისი გუნდი დარჩენილ ორ შეხვედრას გამარჯვებით დაასრულებს და ჯგუფიდანაც გავა.
„ვალდებულნი ვართ, დარჩენილ ორ მატჩში გავიმარჯვოთ. მცირე დეტალები წონასწორობას გვაკარგვინებს. დღეს ძალიან მძიმე საღამო გვქონდა.
ყველაფრისთვის მზად ვართ. მუშაობას გავაგრძელებთ, თუმცა დღევანდელ მარცხს არ დავივიწყებთ“, – ინიესტას სიტყვებს Football Espana ციტირებს.
ესპანელები დარჩენილ ორ შეხვედრას ჩილესა (18 ივნისი) და ავსტრალიის (23 ივნისი) ნაკრებების წინააღმდეგ ჩაატარებენ.
„მანჩესტერ იუნაიტედის“ კიპერი დავიდ დე ხეა ამბობს, რომ ინგლისური კლუბისთვის „ბარსელონას“ ნახევარმცველ ანდრეს ინიესტას შეძენა კარგი არჩევანი იქნებოდა. ესპანელი მეკარე იქვე ამატებს, რომ ამ ტრანსფერის გაჩარხვას დიდი თანხა სჭირდება.
„მილიონები რომ მქონდეს, ინიესტას ვიყიდიდი. ის მსოფლიოს მასშტაბით ერთ-ერთი საუკეთესო ფეხბურთელია. ინიესტა ოსტატობით გამოირჩევა. მას ფეხბურთელისთვის საჭირო ყველა უნარი აქვს“, – ციტირებს დე ხეას სიტყვებს Movistar-ი.
მადრიდის „რეალისა“ და პორტუგალიის ნაკრების ლიდერი კრიშტიანუ რონალდუ ფეხბურთის სამყაროში კომერციულად ყველაზე მიმზიდველ მოთამაშედ დასახელდა.
აღნიშნულ რეიტინგში შარშან პირველი ადგილი „ბარსელონას“ თავდამსხმელ ლიონელ მესის ეკავა.
რეიტინგის პირველი ათეული შემდეგნაირად გამოიყურება:
1. კრიშტიანუ რონალდუ – 79,49 ქულა/ 83,87%* / 82 მლნ** / 26 მლნ***
2. ლიონელ მესი – 75,87 / 76,07% / 57 მლნ/ 2 მლნ
3. ხერარ პიკე – 62,90 / 58,08% / 12 მლნ/ 8 მლნ
4. ფერნანდო ტორესი – 62,69 / 59,64% / 3 მლნ/ 2 მლნ
5. უეინ რუნი – 59,47 / 55,82% / 20 მლნ/ 9 მლნ
6. ანდრეს ინიესტა – 59,47 / 52,82% / 20 მლნ/ 9 მლნ
7. ნეიმარი – 59,36 / 53,33% / 22 მლნ/ 11 მლნ
8. იკერ კასილასი – 59,09 / 49,43% / 18 მლნ/ 1 მლნ
9. ზლატან იბრაჰიმოვიჩი – 59,07 / 55,81% / 15 მლნ/ 1 მლნ
10. ტიერი ანრი – 57,56 / 51,62% / 16 მლნ/ 300 ათასი.
* – ცნობადობა მსოფლიოს მასშტაბით
** – Facebook-ის გვერდზე მოწონებების რაოდენობა
*** – Twitter-ის მიკრობლოგზე მიმდევრების რაოდენობა
ბექა დოგრაშვილი
„ლივერპულის“ ურუგვაელმა თავდამსხმელმა ლუის სუარესმა ლიონელ მესი და კრიშტიანუ რონალდუ დაახასიათა, თუმცა მათ შორის უკეთესი ვერ აარჩია.
„მესი და რონალდუ სრულიად განსხვავებული ტიპის მოთამაშეები არიან. ვერ გეტყვით, რომელია მათ შორის უკეთესი. მესი ლამაზი ტექნიკით გამოირჩევა, ბევრ გოლს იტანს, დაბალი სიმაღლის წყალობით დრიბლინგიც გამოსდის. რონალდუ მანქანას მაგონებს. მასში ძალა და საფეხბურთო ინტელექტი ერთიანდება. ბურთს ყოველთვის იდეალურად არტყამს. ისინი ერთ დონეზე დგანან.
აქვე უნდა აღვნიშნო, რომ ანდრეს ინიესტაც ძალიან მომწონს. ის იმ ფეხბურთელთა კატეგორიას მიეკუთვნება, რომლებიც სხვებზე სწრაფად ფიქრობენ და წარმოუდგებელ გადაცემებს იძლევიან. ანდრესი აკეთებს იმას, რასაც არ მოელი. მის მსგავსად მოედანს ვერავინ ვერ ხედავს. ეს მისი სათამაშო სტილია, თუმცა ინიესტას ცხოვრების გზაც გამორჩეულია. ის ყოველთვის წყნარია“, – სუარესის სიტყვები Goal.com-მა გამოაქვეყნა.
ბექა დოგრაშვილი
კატალონიის “ბარსელონას” ფეხბურთელმა ანდრეს ინიესტამ გულშემატკივართან ერთად ფეხბურთი ითამაშა.
კატალონიის „ბარსელონას“ ნახევარმცველმა ანდრეს ინიესტამ მადრიდის „რეალთან“ მოახლოებული მატჩის შესახებ ისაუბრა.
„სანტიაგო ბერნაბეუზე“ ყოველთვის მაღალი დონის ფეხბურთს უნდა ვაჩვენებდეთ. ამჯერად კი, ჩვენ კიდევ უფრო მეტი მოგვეთხოვება.
არაფერმა არ უნდა შეგვაშინოს. გარდა ამისა, ბურთის მუდმივი კონტროლია საწირო. თუ ეს ვერ გამოვა, მაშინ უსიამოვნება გველის. ეს ის სტადიონია, სადაც ფეხბურთელებისგან ბევრს ითხოვენ.
არ მსურს, დავიჯერო, რომ ჩვენი გულშემატკივრების ნაწილს საყვარელი გუნდის მოგების არ სჯერა. როდესაც საქმე არც ისე კარგად მიდის, კრიტიკა – ჩვეულებრივი მოვლენაა. თუმცა, ვფიქრობ, არ ღირს იმის გაფიქრება, რომ „რეალი“ ადვილად დაგვამარცხებს.
კარგი თამაშის ჩატარებას ვგეგმავთ. ლიდერს 20 ქულით არ ჩამოვრჩებით, ამიტომაც პირველ ადგილზე დაბრუნების შანსებს ვინარჩუნებთ“, – განაცხადა „ბლაუგრანასის“ შუახაზელმა.
ალექსანდრე მატევოსოვი
შობის დღეს, კატალონიის „ბარსელონასა“ და ესპანეთის ნაკრების ერთ-ერთმა ლიდერმა ანდრეს ინიესტამ ახალი ამპლუა მოირგო. ის საზოგადოებას სმარტფონების გამყიდველად მოევლინა.
ქვემოთ მოცემულ ვიდეოში ვნახოთ, როგორ გამოუვიდა მას ამ პროფესიის ათვისება. მოქმედების ადგილი ბარსელონაში მდებარე „სონის“ ერთ-ერთი მაღაზიაა.
ესპანეთის ნაკრების მთავარმა მწვრთნელმა ვისენტე დელ ბოსკემ გაამჟღავნა, თუ ვის მისცა ხმა „ოქროს ბურთის“ გამოკითხვაში. ფეხბურთის ესპანელმა სპეციალისტმა უპირატესობა თავის ფეხბურთელებს მიანიჭა.
„ხმა ჩავის და ინიესტას მივეცი. ისინი პრეტენდენტთა შორის იყვნენ და უბრალოდ არ შემეძლო, რომ სხვა ფეხბურთელები დამესახელებინა. მესამე მოთამაშე, რომელსაც ხმა მივეცი, ეს ფრანკ რიბერი გახლავთ. იგი ლოგიკური მიზეზით ავირჩიე: „ბაიერნთან“ ერთად მოიგო გერმანიის ჩემპიონატი, ქვეყნის თასი და ჩემპიონთა ლიგა. გარდა ამისა, მან საფრანგეთის ნაკრებთან ერთად 2014 წლის მსოფლიოს ჩემპიონატზე თამაშის უფლება მოიპოვა“, – დელ ბოსკეს სიტყვებს Football Espana ციტირებს.
შეგახსენებთ, რომ „ოქროს ბურთის“ დაჯილდოების ცერემონიალი 2014 წლის 13 იანვარს, ციურიხში შედგება.
ბექა დოგრაშვილი
როგორც ჩანს, კატალონიური გრანდის 29 წლის ნახევარმცველი საკუთარი კარიერის დასრულებას სწორედ “ბარსელონაში” აპირებს.
“ბლაუგრანასის” ხელმძღვანელობის განცხადებით, ახალ კონტრაქტთან დაკავშირებით მოლაპარაკებები წარმატებით მიმდინარეობს და მოსალოდნელია, რომ მხარეები ხელშეკრულებას უახლოეს მომავალში გააფორმებენ.
კატალონიელებს სჯერათ, რომ ანდრეს ინიესტა ხუთწლიან კონტრაქტზე ხელმოწერას დათანხმდება. მიმდინარე ხელშეკრულება კი 2015 წლის ზაფხულამდეა ძალაში.
სანდრო საპანაძე
