საფეხბურთო პორტალმა FTBPRO-მ ინგლისის პრემიერ ლიგის ათი ყველაზე მაღალანაზღაურებადი ფეხბურთელი დაასახელა.
* თანხები მოცემულია ფუნტ სტერლინგის სახით
10. ჯონ ტერი – 175 000 კვირაში
9. მესუთ იოზილი 180 000 კვირაში
8. ედენ აზარი – 185 000 კვირაში
7. სესკ ფაბრეგასი- 200 000 კვირაში
6. სერხიო აგუერო – 225 000 კვირაში
5. რობინ ვან პერსი – 225 000 კვირაში
4. იაია ტურე – 240 000 კვირაში
3. რადამელ ფალკაო – 265 000 კვირაში
2. ანხელ დი მარია – 280 000 კვირაში
1. უეინ რუნი – 300 000 კვირაში
ანხელ დი მარიას ტრანსფერის მორიგი დეტალები ცნობილი გახდა. ინგლისური პრესის ცნობით იმ შემთხვევაში, თუ არგენტინელი ფეხბურთელი ოქროს ბურთს მიიღებს, “მანჩესტერ იუნაიტედი” მადრიდ “რეალს” 4 მილიონ გირვანქას გადაუხდის.
შეგახსენებთ, დი მარია მადრიდული კლუბიდან “მანჩესტერში” 26 აგვისტოს, ინგლისური კლუბისთვის სარეკორდო თანხის სანაცვლოდ გადავიდა. ფეხბურთელმა “იუნაიტედთან” ხუთ წლიანი კონტრაქტი გააფორმა.
“მანჩესტერ იუნაიტედის” და არგენტინის ნაკრების ფეხბურთელმა ანხელ დი მარიამ “რეალიდან” წასვლის მიზეზებზე ღიად ისაუბრა.
“მსოფლიო ჩემპიონატის ფინალური მატჩის დღეს “რეალიდან” წერილი მივიღე, რომელშიც მთხოვდნენ, რომ ტრავმის გართულების თავიდან ასაცილებლად ფინალში არ მეთამაშა.
გადამწყვეტი მატჩისთვსი საგანგებოდ ვემზადებოდი და ისიც ვიცოდი, რომ შეიძლება ჯანმრთელობისთვის ზიანი მიმეყენებინა. ის წერილი წაკითხვის შემდეგ უბრალოდ დავხიე.
პირადად მე “რეალიდან” წასვლის სურვილი არასდროს გამომითქვამს. კლუბმა ახალი მოთამაშეების შეძენა გადაწყვიტა. თანაგუნდელებთან ყოველთვის კარგი ურთიერთობა მქონდა” – განაცხადა დი მარიამ.
მადრიდის “რეალის” პრეზიდენტი, ფლორენტინო პერესი აცხადებს, რომ იგი მზად იყო ანხელ დი მარია მეორე ყველაზე მაღალანაზღაურებად ფეხბურთელად ექცია, მაგრამ არგენტინელს ეს ეცოტავა.
დი მარიასთან შეთანხმების ვერ მიღწევის შემდეგ პერესმა “მანჩესტერ იუნაიტედს” 59.7 მლნ. ფუნტად მიჰყიდა არგენტინელი. პერესის თქმით, არავის უცდია ანხელის გაგდება.
“აქ 2000 წლიდან ვარ. ამ პერიოდში ბევრი ფეხბურთელი მოვიდა და წავიდა. ჩემი გამოცდილება მეუბნება, რომ წასულებს აფასებენ, მოსულებში კი ეჭვი ეპარებათ.”
“დი მარიას ყველა შესაძლო ვარიანტიდან საუკეთესო შევთავაზეთ, მაგრამ არ მიიღო. ამის გამო ხამეს როდრიგესი მოვიწვიეთ – მსოფლიო ჩემპიონატის ერთ-ერთი საუკეთესო ფეხბურთელი და ოქროს ბუცის მფლობელი.”
“დი მარია, როგორც ყველა წასული ჩვენი პატივისცემითა და მადლიერებით სარგებლობდა. მოთამაშე, რომელსაც კონტრაქტი აქვს მიდის იმის გამო, რომ მას ასე სურს. “რეალი” პატივს სცემდა კონტრაქტებს.”
“დი მარიას ფინანსური მიზნები ჰქონდა, რომელსაც მართებულად მივიჩნევ, მაგრამ მისი დაკმაყოფილება არ შეგვეძლო. გავიმეორებ – მას ყველა შესაძლო ვარიანტიდან საუკეთესო შევთავაზეთ. დი მარია “რეალის” ყველაზე მაღალანაზღაურებადი ფეხბურთელი იქნებოდა კრიშტიანუს შემდეგ.”
“მის ფინანსურ მოთხოვნილებებს რომ დავთანხმებოდით, მივიღებდით დაუბალანსირებელ მიდგომას, რომელიც სტაბილურობას არევდა.”
“დი მარია “მანჩესტერში” წავიდა თანხის სანაცვლოდ, რომელიც შესაფერისად მივიჩნიეთ და ტრანსფერიც შედგა. წარმატებებს ვუსურვებთ დი მარიას პროფესიონალურ და პირად საკითხში.” – ციტირებს პერესის სიტყვებს Manchester Evening News.
პერესმა ისიც აღიარა, რომ “რეალი” მართლაც დაინტერესებული იყო რადამელ ფალკაოთი.
“ფალკაოს შესყიდვაზე ვფიქრობდით. მაგრამ ეს კლუბი სპორტულ-ეკონომიკურ მიზანდასახულობით სარგებლობს, რაც ბერნაბეუმ (ყოფილმა პრეზიდენტმა) გვასწავლა, რის გამოც გადავწყვიტეთ არ მოგვეყვანა იგი. მნიშვნელოვანი როლი ითამაშა მწვრთნელის აზრმაც, რომელსაც არ სურდა მისი მოყვანა.”
წყარო: მანჩესტერ იუნაიტედის ქართული ფან-კლუბი – http://redarmy.ge/
მადრიდის “რეალის” მთავარმა მწვრთნელმა კარლო ანჩელოტიმ მიანიშნა, რომ ანხელ დი მარია “სამეფო კლუბიდან” “მანჩესტერ იუნაიტედში” მხოლოდ უკეთესი ფინანსური შემოთავაზების გამო გადავიდა.
“ზოგ ფეხბურთელს ბრძოლა უყვარს, ზოგს კი მეტი თანხის გამომუშავება ურჩევნია. თუ მოთამაშეს მსოფლიოს საუკეთესო კლუბში სათამაშოდ მოტივაცია სჭირდება, პრობლემას ვერ ვხედავ, რომ ის სხვა გუნდში გავუშვა”, – ციტირებს ანჩელოტის სიტყვებს “ევროსპორტი”.
შეგახსენებთ, რომ დი მარიამ “წითელ ეშმაკებთან” ხუთწლიანი კონტრაქტი გააფორმა. ინგლისურმა კლუბმა მის სანაცვლოდ 59.7 მილიონი ფუნტ სტერლინგი გაიღო.
მადრიდის “რეალის” შემტევმა კრიშტიანუ რონალდუმ ყოფილი თანაგუნდელის ანხელ დი მარიას “მანჩესტერ იუნაიტედში” გადასვლაზე მცირე კომენტარი გააკეთა.
“დი მარიასთვის ეს კარგი ნაბიჯია. “მანჩესტერ იუნაიტედი” პლანეტის ერთ-ერთი საუკეთესო გუნდია და ანხელს ინგლისურ კარიერაში წარმატებას ვუსურვებ” – განაცხადა რონალდუმ.
საინტერესოა, რომ დი მარია ინგლისურ კლუბში 7-ნომრიანი მაისურით იასპრეზებს, რომელიც წლების წინ სწორედ რონალდუს ეცვა.
მადრიდის “რეალის” ნახევარმცველი ანხელ დი მარია მანჩესტერში ჩავიდა რათა კონტრაქტთან დაკავშირებული უკანასკნელი ფორმალობები მოაგვაროს.
კლუბებმა სატრანსფერო ფასზე უკვე მოილაპარკეს და გავრცელებული ინფორმაციით 26 წლის არგენტინელში მანჩესტერელები “რეალს” 80 მილიონ ევროს გადაუხდიან.
ესპანური პრესისი ცნობით დი მარია სამედიცინო შემოწმებას დღეს გაივლის, რის შემდეგაც ხელშეკრულებას ოფიციალურად გააფორმებს.
25 აგვისტონ ანხელ დი მარია მანჩესტერში ჩავა და “იუნაიტედთან” კონტრაქტს გააფორმებს. ესპანური პრესის ცნობით, “მანჩესტრში” ხელფასის სახით არგენიტნელი წელიწადში 8 მილიონ ევროს მიიღებს.
სატრანსფერო ფასზე კლუბებმა უკვე მოილაპარკეს. მანჩესტერელები “რეალს” ტრასნფერში 75 მილიონ ევროს გადაუხდიან. გარდა ამისა, კონტრაქტში ჩაწერილი ბონუსებით მადრიდელებს კიდევ 15 მილიონის მიღება შეუძლიათ.
მადრიდის “რეალის” მცველის მარსელო ტვიტერის მეშვებოდი ანხელ დი მარიას დაემშვიდობა.
“დიდი მადლობა ყველაფერისთვის, რაც მადრიდისთვის გააკედა. მიყვარხარ” – წერს მარსელო, რომელმაც აღნიშნულ პოსტს ანხელ დი მარიას სურათიც დაურთო.
მადრიდის “რეალიდან” ანხელ დი მარიას “მანჩესტერ იუნაიტედში” ტრასნფერი შესაძლოა ჩაიშალოს.
შაბათს გავრცელებული ინფორმაციით მადრიდელები არგენტინელში 56 მილიონ გირვანქას ითხოვდნენ, თუმცა ბრიტანული პრესისი ცნობით “სამეფო კლუბის” ხელმძღვანელებმა დღეს ფასი მნიშნველოვნად, 75 მილიონამდე გაზარდეს.
ბრიტანელი ჟურნალისტეი იუწყებიან, რომ ფასის გაზრდა ფლორენტინო პერესს “მონაკოდან” რადამელ ფალკაოს შესაძენად დასჭირდა.
ჯერჯერობით უცნობია, თუ რას გადაწყეტენ მანჩესტერული კლუბის მესვეურები.
მადრიდის “რეალის” ნახევარმცველ ანხელ დი მარიას გუნდის დღევანდელ ვარჯიშში მონაწილეობა არ მიუღია. ბრიტანულ პრესაში გუშინ გავრცელებული ინფორმაციით თანახმად, არგენტინელი მომდევნო კვირის დასაწყისში “მანჩესტერის” ფეხბურთელი გახდება.
დღეს, მადრიდსი “რეალი” პრიმერას პირველი ტურის მატჩში “სანტიაგო ბერნაბეუზე” “კორდობას” უმასპინძლებს.
მადრიდის “რეალის” და არგენტინის ნაკრების ნახევარმცველი ანხელ დი მარია მომდევნო კვირის დასაწყისში “მანჩესტერ იუნაიტედში” გადავა. Sky Sport-ის ცნობით მხარეებმა შეთანხმებას მიაღწიეს და ინგლისელები ფეხბურთელში დაახლოებით 60 მილიონ ევროს გადაიხდიან. თავად დი მარია ხელფასის სახით წელიწადში 8 მილიონ ევროს მიიღებს. არგენტინელს სურს, რომ მანჩესტერული კლუბის ღირსება 7-ნომრიანი მაისურით დაიცვას.
გასულ სეზონში პრიმერაში დი ამრიამ 34 შეხვედრაში მიიღო მონაწილეობა და 4 გატანილ გოლთან ერთად 17 საგოლე გადაცემა შეასრულა.
