ანრი – გვერდი 5 – Fanebi.Com – ფეხბურთი, კალათბურთი, რაგბი, სხვა

დამსახურებული დასვენება

Posted on მარტი 7, 2014მარტი 7, 2014 by Levan

ერთად გავიხსენოთ ლეგენდარული ფეხბურთელი, რომლებიც სულ მალე კარიერას დაასრულებენ და დამსახურებულ დასვენებას მოიწყობენ.

რაული

ევროუპილი ფეხბურთის გულშემატკივრებს რაული 2012 წელს დაემშვიდობა, როდესაც ყატარულ “ალ-საადთან” გააფორმა კონტრაქტი. ოფიციალურად ესპანელი კარიერის დასრულებას ზაფხულშიაპირებს, როდესაც მას 37 წელი შეუსრულდება. ასაკი მისი პოზიციის ფეხბურთელისთვის საკმაოდ სოლიდურია, თუმცა ყატარის ჩემპიონატში 47 წლის რაულიც გამორჩეული იქნებოდა. შესანიშნავი კარიერის შედეგად უამრავი ადამიანის მოპოვებული სიყვარულის შემდეგ რაული დამსახურებულ პენსიაზე გადის.

ალესანდრო დელ პიერო

რაულის მსგავსი ისტორია კიდევ ერთ ლეგენდარულ ფეხხბურთელს აქვს. 2012 წელს დელ პიერომ მშობლიური “იუვენტუსი” დატოვა და კარიერის დასამთავრებლად ავსტრალიაში გაემგზავრა, სადაც ადგილობრივი “სიდნეის” კაპიტანი და ლიდერი გახდა. იტალიელი უკვე 39 წლის არის და კარიერის დასრულების საკითხიც აქტუალური ხდება.

ტიერი ანრი

კიდევ ერთი ვეტერანი, ფრანგი ტიერი ანრი გახლავთ. საკმაოდ შთამბეჭდავი ევროპული კარიერის განმავლობაში ფეხბერთელმა ფაქტობრივად ყველა ტიტულის მოგება მოახერხა. ანრი ლონდონის “არსენალის” ლეგენდა გახდა, სადაც “რედ ბულსში” ასპარეზობის დროს დაბრუნდა კიდევაც და მეთოფეებს რთულ პერიოდში დახმარება ხელი გაუწოდა. ზაფხულში ფრანგი 37 წლის ხდება. მისი კლასიდან და ამერიკული ლიგის არც თუ ისე მაღალი დონიდან გამომდინარე ფეხბურთელს თამაში არ უნდა გაუჭირდეს. მთავარი პრობელმა მოტივაციაშია…

რაიან გიგზი

დაახლოებით 5 წელი იქნება, რაც საფეხბურთო საზოგადოება რაიან გიგზს პენსიაზე უშვებს, თუმცა უელსელს ასეთი აზრი თავში არც მოსვლია. რაიანი 40 წლის არის და გულშემატკივარს შესანიშნავი სპორტული ფორმით დღესაც ახარებს. თუმცა, საქმეს ისეთი პირი უჩანს, რომ მიმდინარე სეზონი ფეხბურთელისთვის უკანასკნელი იქნება. თანაც, მანჩესტერიდან ალექს ფერგიუსონიც წავიდა, რომლის უდიდესი დამსახურებაც იყო გიგზის მრავალწლიანი საფეხბურთო კარიერა. ვარაუდობენ, რომ მომავალი სეზონიდან გიგზი მოიესის ასისტენტი გახდება.

ხავიერ ძანეტი

გიგზის მსგავსი ისტორია კიდევ ერთ ვეტერან, ხავიერ ძანეტის აქვს, რომელიც აგვისტოში 41 წლის გახდება. ხავიერი შესანიშნავ ფორმაშია და ფორას ბევრ ახალგაზრდა მოთამაშესაც მისცემს. ფეხბურთელის დიდი სპორტიდან წასვლას 2012/13 წლების სეზონში ვარაუდობდნენ, რასაც მისი უმძიმესი ტრავმაც დაემატა. თუმცა, ძანეტიმ ყველა გააოცა, როდესაც კარიერის გაგრძელების თაობაზე გააკეთა განცხადება, ტრავმა მოიშუშა და მოედანს დაუბრუნდა.

რივალდო

აპრილში რივალდოს 42 წელი შეუსრულდება! ბრაზილიელი უკვე დიდი ხანია უმაღლეს დონეზე აღად თამაშობს. მისი ბოლო სოლიდური კლუბი ბერძნული აეკ-ი იყო, სადაც რივალდო 2007/08 წლების სეზონში თამაშობდა. ახლა ბრაზილიელი მშობლიურ “მოჟი-მირინში” თავის შვილთან, რივალდინიოსთან ერთად თამაშობს. აღსანიშნავია, რომ რივალდო “მოჟი-მირის” პრეზიდენტიც არის.

ანრი: “მესი სხვა პლანეტიდანაა”

Posted on თებერვალი 18, 2014 by -

“ნიუ იორკ რედ ბულზის” ვეტერანი ფეხბურთელი, ტიერი ანრი აცხადებს, რომ კატალონიის “ბარსელონას” არგენტინელი სუპერვარსკვლავი, ლიონელ მესი სხვა პლანეტიდანაა.

შეგახსენებთ, რომ 36 წლის ფრანგ თავდამსხმელს “ბლაგაურნას” შემადგენლობაში, მესისთან ერთად სამი სეზონის განმავლობაში უთამაშია.

“ვფიქრობ, მესის მხოლოდ ერთი სიტყვით ვერ დაახასიათებ. ჩემი აზრით, ლიონელი სრულიად სხვა პლანეტიდანაა. მასთან ერთად, “ბარსელონაში” რამდენიმე სეზონი გავატარე და შემიძლია, ვთქვა, რომ ის ჯადოქარია”, – ამბობს ანრი.

ანრი: “ველოდი, რომ ოქროს ბურთს რიბერი მოიგებდა”

Posted on იანვარი 29, 2014 by -

“ნიუ იორკ რედ ბულზის” ფრანგი ფეხბურთელი, ტიერი ანრი აცხადებს, რომ ის 2013 წლის ოქროს ბურთის თანამემამულე ფრანკ რიბერისათვის გადაცემას ელოდა.

შეგახსენებთ, რომ 2013 წლის მსოფლიოს საუკეთესო ფეხბურთელის წოდება კრიშტიანო რონალდუმ მიიღო, რომელმაც ლიონელ მესისა და ფრანკ რიბერის აჯობა.

“მე რომ მკითხოთ, ოქროს ბურთი რიბერის უნდა მოეგო და ველოდი, რომ ეს ასეც მოხდებოდა. ფრანკი ბრწყინვალე ფეხბურთელია, რომელმაც “ბაიერნთან” ერთა ყველა ტიტული მოიპოვა”, – ამბობს ანრი.

6 ყველაზე ცუდად შესრულებული პენალტი ფეხბურთის ისტორიაში

Posted on იანვარი 26, 2014იანვარი 26, 2014 by -

პორტალმა FTBPRO-მ ფეხბურთის ისტორიაში ყველაზე ცუდად შესრულებული 6 პენალტი გამოაქვეყნა, რომელსაც ჩვენ აქვე გთავაზობთ.

6. სერხიო რამოსი (“რეალი”) : “ბაიერნი”

5. ნეიმარი (ბრაზილია) – კოლუმბია

4. რობერტო ბაჯო (იტალია) – ბრაზილია

3. დევიდ ბექჰემი (ინგლისი) – პორტუგალია

2. რობერტ პირესი & ტიერი ანრი (“არსენალი”) – “მანჩესტერ სიტი”

1. ამირ საიუდი (“ალ აჰლი”) – “კიმა ასვანი”

ანრი: “ჩავიმ კარიერა “ბარსელონაში” უნდა დაასრულოს”

Posted on იანვარი 18, 2014იანვარი 19, 2014 by -

ნიუ იორკ “რედ ბულზის” თავდამსხმელი, ტიერი ანრი აცხადებს, რომ ჩავი ერნანდესი “ბარსელონაში” უნდა დარჩეს და კარიერა სწორედ ამ კლუბში დაასრულოს.

შეგახსენებთ, რომ 33 წლის ნახევარმცველს ამერიკის შეერთებული შტატების ჩემპიონატში გადაბარგებას უწინასწარმეტყველებდნენ.

“რა თქმა უნდა, ჩავის შეუძლია იქ წავიდეს, სადაც თავად სურს. მე რომ მკითხოთ, მან ფეხბურთისთვის და “ბარსელონასთვის” ძალიან ბევრი რამ გააკეთა, ამიტომ ის კატალონიურ გრანდში უნდა დარჩეს და კარიერა იქ დაასრულოს”, – ამბობს ანრი.

ანრი: “იოზილი პირესს მაგონებს”

Posted on დეკემბერი 13, 2013 by -

ლონდონის “არსენალის” ყოფილი ფეხბურთელი, ტიერი ანრი, რომელიც ახლა ამერიკის შეერთებულ შტატებში, “ნიუ იორკ რედ ბულსის” ღირსებას იცავს, აცხადებს, რომ მას “მეთოფეთან” გერმანელი ნახევარმცველი, მესუთ იოზილი რობერტ პირესს აგონებს.

შეგახსენებთ, რომ იოზილი “არსენალში” გასულ ზაფხულს, მადრიდის “რეალიდან” გადავიდა. გერმანიის ნაკრების წევრმა, ლონდონელთა შემადგენლობაში, ოთხი გოლის გატანა და შვიდი საგოლე პასის გაკეთება უკვე მოახერხა.

“მესუთის თამაშის სტილი ძალიან მხიბლავს. ის რობერტ პირესს მაგონებს. იოზილი თამაშს მშვენივრად ალაგებს, საგოლე პასებს აკეთებს და რა თქმა უნდა, გუნდისათვის დიდი წარმატება მოაქვს. ვფიქრობ, “არსენალმა” მისი შეძენით, შესანიშნავი გადაწყვეტილება მიიღო”, – ამბობს ანრი.

ეშლი კოული ანრის თანაგუნდელი გახდება

Posted on დეკემბერი 1, 2013 by Levan

სავარაუდოდ ეშლი კოული იანვარში “ჩელსის” რიგებს დატოვებს და ამერიკის შეერთებულ შტატებში, ნიუ იურკში გაემგზავრება, სადაც იქაურ “რედ ბულსთან” გააფორმებს კონტრაქტს.

ბოლო დროს, კოული “ჩელსის” შემადგენლობაში ვეღარ ხვდება, რაც მის მსოფლიო ჩემპიონატზე გამგზავრების შანსებსაც ამცირებს. მცველს რეგულარუგლი სათამაშო პრაქტიკის მიღება სურს და სწორედ ამის გამო დიდი შანსია, რომ დათანხმდეს ამერიკულ წინადადებას, სადაც მისი თანაგუნდელი ცნობილი ფრანგი ფორვარდი, ტიერი ანრი იქნება.