ჭდე: ანტონიო კონტე

ლონდონის “ჩელსის” მთავარი მწვრთნელი, ანტონიო კონტე მიმდინარე სეზონის დასრულების შემდეგ დაკავებული თანამდებობიდან გადადგომას გეგმავს. ამ ინფორმაციას საკმაოდ ავტორიტეტული ბრიტანული გამოცემა, The Telegraph ავრცელებს.

როგორც ცნობილი ხდება, 48 წლის სპეციალისტი უკმაყოფილოა კლუბის ხელმძღვანელობის ქმედებებით – ანტონიო კონტე პრეზიდენტის მხრიდან საკმარის მხარდაჭერას ვერ გრძნობს.

შეგახსენებთ, რომ კონტე ზაფხულშიც საკმაოდ სერიოზულად ფიქრობდა ლონდონიდან წასვლაზე, მიუხედავად იმისა, რომ მისი თაოსნობით “არისტოკრატები” უმაღლესი დონის ფეხბურთს თამაშობდნენ.

კონტეს “ჩელსისთან” კონტრაქტი 2019 წლამდე აკავშირებს, თუმცა რომან აბრამოვიჩთან და მარინა გრანოვსკაიასთან არსებული არც თუ ისე სახარბიელო ურთიერტობის გამო, მათი გზები დიდი ალბათობით 2018 წელს გაიყოფა.

ლონდონის “ჩელსის” მთავარი მწვრთნელი, ანტონიო კონტე გულშემატკივრებთან მიმართვისას აცხადებს, რომ წელს მისი გუნდისგან დიდი მოლოდინები არ უნდა ჰქონდეთ.

“იარაღით არავინ დამმუქრებია და არ უთქვამთ, რომ უტიტულოდ დარჩენის შემთხვევაში გამიშვებენ. ერთადერთი, რისი გარანტიც შემიძლია მოგცეთ არის ის, რომ ვიმუშავებთ და ბოლომდე ვიბრძოლებთ.

ზოგჯერ შეიძლება იგებდე, მაგრამ სამომავლოდ არანაირი პოზიტიური ნაბიჯი არ იდგმებოდეს, რაც ნამდვილად ცუდია. “ტოტენჰემი” ამ მხრივ ძალიან კარგად მუშაობს და როდესაც მათზე ვსაუბრობ, ყოველთვის დადებითად ვაფასებ პოჩეტინოს მიერ გაწეულ სამუშაოს.

შესაძლოა, ჩემპიონთა ლიგისთვის საბრძოლველად ჩვენც ამდენი დაგვჭირდეს (ოთხი წელი, როგორც პოჩეტინოს), წელს კი საერთოდ უტიტულოდ დავრჩეთ. ჩვენ ნელა ვპროგრესირებთ და მომავალზე ვაკეთებთ აქცენტს,” – აცხადებს იტალიელი სპეციალისტი.

ლონდონის “ჩელსის” მთავარი მწვრთნელი, ანტონიო კონტე მიუხედავად არსებული რესურსებით მიღწეული დიდი წარმატებისა, 2017/18 წლების სეზონის დაწყებამდე 6 ტრანსფერის განხორციელებას გეგმავს.

The independent-ის ცნობით, იტალიელმა სპეციალისტმა თვალი “საუთჰემპტონის” მცველს, ვირჯილ ვან დეიკს დაადგა და ის სიას “რეალის” ესპანელ ფორვარდთან, ალვარო მორატასთან ერთად უდგას სათავეში.

გარდა ამისა, ანტონიო კონტე გუნდში რომელუ ლუკაკუს მოყვანის აუცილებლობასაც ხედავს, რომელსაც ეს უკანასკნელი დიეგო კოშტას ჩამნაცვლებლად მოისაზრებს.

დარჩენილი სამი სამიზნის ვინაობის შესახებ კი ინგლისური გამოცემა არაფერს ამბობს.