კოპა ამერიკაზე მესამე მეოთხედფინალური შეხვედრა შედგა, რომელშიც არგენტინის ნაკრემა კოლუმბიას სძლია.
გამარჯვებული გამოსავლენად 120 წუთი საკმარისი არ გამოდგა და ნახევარფინალის საგზური გუნდებმა პენალტების სერიაში გაითამაშეს, სადაც უფრო ზუსტები არგენტინელები აღმოჩნდნენ.
ამრიგად, მარტინოს გუნდი ნახევაფინალში გავიდა და მეტოქეს ელის, რომელიც დღეს ბრაზილიისა და პარაგვაის ნაკრებების შეხვედრაში გამოვლინდება.
27 ივნისს, კოპა ამერიკის მეოთხედფინალში, არგენტინისა და კოლუბმიის ნაკრებებს შორის გამართულ მატჩში, ლიონელ მესიმ თავის სტილში რამდენიმე მეტოქე ჩამოიშორა.
არგენტინის ნაკრების ნახევარმცველმა ანხელ დი მარიამ ლეო მესის შესახებ ისაუბრა. ორივე ფეხბურთელი ამჟამად ჩილეში იმყოფებიან, სადაც კოპა ამერიკაზე არგენტინის ნაკრების ღირსებას იცავენ. ტურნირის მეოთხედფინალში არგენტინის ნაკრები კოლუმბიას შეხვდებს.
“მესისთან ერთად თამაში ძალიან მიხარია. ის საუკეთესო ფეხბურთელია. სასიამოვნოა, რომ მე მისი მეგობარი მქვია. მესისთან გატარებული დრო ჩემთვის შეუფასებელია” – განაცხადა დი მარიამ.
არგენტინელმა მსახიობმა მარტინ ბოსიმ “ბარსელონასა” და არგენტინის ნაკრების ლიდერის, ლიონელ მესის პაროდია გააკეთა. ვიდეოში “მესი” საკუთარ შვილზე საუბრობს, მღერის სიმღერებსა და განასახიერებს წიწილას.
გთავაზობთ ამ სახალისო ვიდეოს.
21 ივნისს, კოპა ამერიკის გათამაშებაში, არგენტინისა და იამაიკის ნაკრებებს შორის გამართულ მატჩში (1:0), მარკოს როხომ ერთ-ერთ ეპიზოდში ბურთი საჯარიმოში ორიგინალურად ჩააწოდა.
ეს შეხვედრა არგენტინელთა ლიდერისთვის ლიონელ მესისთვის საიუბილეო გამოდგა – „ბარსას“ მოთამაშემ თავისი ეროვნული ნაკრების შემადგენლობაში მე-100 მატჩი ჩაატარა.
ცნობისთვის, ლეოს სანაკრებო დებიუტი 2005 წლის აგვისტოში, უნგრეთთან ამხანაგურ მატჩი შედგა, რომლის 64-ე წუთზე მან ლისანდრო ლოპესი შეცვალა, მოედანზე შემოსვლის შემდეგ 45 წამში კი გოლის გატანა შეძლო.
არგენტინის ნაკრების შემტევი, ლეო მესი ნეიმარის დისკვალიფიკაციას გამოეხმაურა. შეგახსენებთ, რომ ბრაზილიელთა ლიდერი კოლუმბიასთან მომხდარი ინციდენტის გამო 4 მატჩით დასაჯეს, რაც იმას ნიშნავს, რომ მისთვის ტურნირი დასრულებულია.
“ნეიმარი ჩემი მეგობარია, ასე რომ, მისი დისკვალიფიკაცია ძალიან მეწყინა. ბრაზილიისთვის ის მნიშვნელოვანი მოთამაშეა და ახლა ამ ვითარებას ძალიან განიცდის. პირადად მე მსურდა, რომ ის გუნდში დარჩენილიყო, თუმცა ჩემთვის რთული სათქმელია იმსახურებდა ის ასეთ საასჯელს თუ არა” – განაცხადა მესიმ.
„კოპა ამერიკას“ ჯგუფური ეტაპის ბოლო ტურის მატჩში არგენტინის ნაკრები იამაიკას შეხვდა. ხერარდო მარტინოს გუნდმა მე-11 წუთზე გონსალო იუგიაინის მიერ გატანი გოლით, მინიმალური სხვაობით, 1:0 მოიგო.
ამ გამარჯვებით არგენტინელებმა 7 ქულა დააგროვეს და B ჯგუფში პირველი ადგილი დაიკავეს.
არგენტინა – იამაიკა 1:0
გოლი: იგუაინი 11′
არგენტინა: რომერო; როხო, დემიკელისი, გარაი, საბალეტა; ბილია, მასკერანო, პასტორე (პერეირა 59′); დი მარია (ლამელა 84′), იგუაინი (ტევესი 72′), მესი
იამაიკა: მილერი; ლოურენსი, მორგანი, ჰექტორი (ტეილორი 71;), მარიაპა; ლეინგი (დოუკინსი 71′), უოტსონი, ოსტინი, მაკლირი; მაკანუფი; ბრაუნი (ბარნსი 78′)
გაფრთხილებები: პასტორე, საბალეტა – ლეინგი, ოსტინი, ჰექტორი
“მანჩესტერ იუნაიტედისა” და არგენტინის ეროვნული ნაკრების ფეხბურთელი ანხელ დი მარია აცხადებს, რომ მას მსოფლიოს ორ უძლიერეს ფეხბურთელთან ერთად უთამაშია.
შეგახსენებთ, რომ დი მარია რამდენიმე სეზონის განმავლობაში, მადრიდის “რეალში” კრიშტიანო რონალდუს თანაგუნდელი იყო, ხოლო წლებია, მესისთან ერთად არგენტინის ნაკრების ღირსებას იცავს.
“მე მსოფლიოს ორ უძლიერეს ფეხბურთელთან ერთად მითამაშია და ამის თქმა ძალიან ცოტა ადამიანს შეუძლია. რონალდუც და მესიც გამორჩეულები არიან. თუმცა, ჩემი და ლეოს მეგობრობა ყველაფერზე მნიშვნელოვანია”, – ციტირებს დი მარიას სიტყვებს Goal-ი.
არგენტინის ნაკრების მთავარმა მწვრთნელმა ხერარდო მარტინომ მიმდინარე სამხრეთ ამერიკის თასზე თავისი გუნდის ფიზიკური მდგომარეობა დაიწუნა.
„ჩვენი ფიზიკური ფორმა იდეალურ მდგომარეობაში არაა, ამიტომაც მატჩების ბოლოს გვიჭირს. ბევრმა ჩვენმა მოთამაშემ განვლილ სეზონში 50-70 შეხვედრა ჩაატარა. ტურნირისთვის მოსამზადებლად მას მხოლოდ ერთი კვირა ჰქონდათ, ამიტომაც, ამ სიტუაციაში ბევრი რამ ვერ გამოგვდის“, – აცხადებს მარტინო.
შეგახსენებთ, რომ ტურნირის ჯგუფური ეტაპის პირველ მატჩში არგენტინელებმა პარაგვაისთან გამარჯვება ხელიდან გაუშვეს, როდესაც ანგარიშით 2:0-ს იგებდნენ. მეორე შეხვედრაში კი მათ ურუგვაი დიდი გაჭირვებით, ანგარიშით 1:0 დაამარცხეს.
არგენტინის ნაკრების ნახევარმცველმა ხავიერ მასკერანომ თანაკლუბელი ნეიმარი დაიცვა, რომელმაც კოლუმბიის ნაკრებთან „კოპა ამერიკას“ ჯგუფური ეტაპის მე-2 ტურის მატჩში წითელი ბარათის გამო ოთხმატჩიანი დისკვალიფიაკცია მიიღო.
„ნეიმარს ფეხებში ოცჯერ ჩაარტყეს, ერთი ყვითელი ბარათი კი მან ხელით თამაშისთვის მიიღო. ასეთი ტიპის ნიჭიერ ფეხბურთელებს თამაშის საშუალებას არ აძლევენ. მათ დასაცავად მეტის გაკეთებაა საჭირო. მის წინააღმდეგ უხეშობამ მოთამაშის მორალურ მდგომარეობაზე იმოქმედა. ნეიმარი – ნეიმარია, ის მხოლოდ 23 წლისაა. ბრაზილიამ ამით ბევრი დაკარგა“, – განაცხადა არგენტინელმა.
ინტერნეტ-სივრცეში გავრცელდა ვიდეო, რომელშიც აღბეჭდილია, თუ რა გააკეთა არგენტინის ნაკრების ვარჯიშზე ანხელ დი მარიამ.
