ჭდე: ატლეტიკო

ლონდონის “ჩელსის” ფეხბურთელები უკვე დაუბრუნდნენ სამუშაოს და დაიწყეს წინასასეზონო მზადება.

აღსანიშნავია, რომ “არისტოკრატთა” პირველ ვარჯიშზე გუნდის ესპანელი თავდამსხმელი, დიეგო კოშტა არ გამოცხადდა, რომელსაც დიდი ხანია, რაც კლუბიდან წასვლას უწინასწარმეტყველებენ.

როგორც იცით, დიეგო კოშტას გადაბირებასთან ყველაზე ახლოს მადრიდის “ატლეტიკო” იმყოფება. თუმცა ამ ტრანსფერს მადრიდული კლუბის სატრანსფერო დისკვალიფიკაცია აფერხებს, რომლის გამოც კოშტა “როხიბლანკოს” რიგებში თამაშს იანვრის თვემდე ვერ შეძლებს.

დიდია შანსი, რომ დიეგო კოშტა მაინც შეიძინონ ესპანელებმა და ზამთრამდე “ბეშიქთაშში” გაანათხოვრონ. Goal-ის ცნობით, კოშტას მომავალი მომდევნო 48 საათში უნდა გადაწყდეს.

ბრიტანული The Telegraph-ის მიერ გავრცელებულ ინფორმაციას თუ დავუჯერებთ, მადრიდის “ატლეტიკოს” ხელმძღვანელები გუნდში ესპანელი თავდამსხმელის, დიეგო კოშტას დაბრუნებას აპირებენ მიუხედავად იმისა, რომ მადრიდელებს უეფამ სატრანსფერო დისკვალიფიკაცია მიუსაჯა.

ესპანური წყაროები კი ირწმუნებიან, რომ “როხიბლანკოს” კოშტას ტრანსფერთან საათები აშორებს, თუმცა მხარეები ჯერ ტრანსფერის ფასზე არ შეთანხმებულან. თუ “ატლეტიკო” თანახმა იქნება 40 მილიონი ფუნტის გადახდაზე, მაშინ ტრანსფერი ძალიან სწრაფად განხორციელდება.

შეგახსენებთ, რომ ანტონიო კონტემ დიეგო კოშტას სეზონის დასრულებისთანავე განუცხადა, რომ ის იტალიელი სპეციალისტის სამომავლო გეგმებში არ შედიოდა.

დიეგო კოშტამ კატეგორიულად უარყო ინფორმაცია ჩინურ ან ამერიკულ კლუბებში გადასვლის შესახებ და აღნიშნა, რომ “ჩელსის” მხოლოდ მისი ყოფილი კლუბის, “ატლეტიკოს” გამო თუ დატოვებს.

“ვიცი, რომ “ჩელსი” ფეხბურთელების გაყიდვას აპირებს. მე მათ უკვე ველაპარაკე ამ თემასთან დაკავშირებით. კონტრაქტის მიხედვით ორი წელი მაქვს დარჩენილი და არ ვაპირებ სადმე სხვაგან წავიდე, მხოლოდ იმიტომ, რომ მათ ასე უნდათ. მე მხოლოდ ევროპულ კლუბში თუ გავცვლი “ჩელსის”. სხვა შემთხვევაში კი კონტრაქტს არ გავწყვეტ.

კლუბთან კონტრაქტი მაკავშირებს და აქიდან წასვლის არანაირი სურვილი არ მაქვს. თუ მწვრთნელს ჩემდამი ნდობა გაუქრება, ან სხვა თავდამსხმელს მისცემს ადგილს, კლუბიდან წასვლა მომიწევს. მაგრამ მე მხოლოდ იქ წავალ, სადაც მინდა.

ყველამ ძალიან კარგად იცის, რომელია ჩემი საყვარელი კლუბი, აქ დასამალი არაფერია.

არ მინდა ესპანეთის გარდა სხვა ქვეყანაში თამაში, ამას მირჩევნია აქ დავრჩე. თუ კლუბი ჩემს გაშვებს გადაწყვეტს, იციან სადაც მინდა თამაში,” – აცხადებს კოშტა.