პორტუგალიის პრიმეირაში ავთო ებრალიძის “ჟილ ვისენტემ” “ბენფიკას” უმასპნიძლა და ხუთი უპასუხო გოლი მიიღო. მასპნიძელთა სასტარტოში იყო ავთანდილ ებრალიძე, რომელმაც მოედანზე 54 წუთი გაატარა.
გამარჯვება ვერ მოიპოვა პრიმერაში გადასვლისთვის მებრძოლმა “ფეირენშემ”, რომლის ღირსებას გიორგი მაკარიძე იცავს, თუმცა გასულ ტურში ქართველი კიპერი სათადარიგოთა შორის აღმოჩნდა. მისი გუნდი კი უშუალო კონკურენტ, “სპორტინგ კოვილიას” დაუზავდა, თუმცა კლასში დაწინაურების კარგ შანსს მაინც ინარჩნებს.
პორტუგალიის პრიმეირა ლიგის 24-ე ტურში ავთო ებრალიძის “ჟილ ვისენტე” “ეშტორილს” ესტუმრა და კონკურენთან შეხვედრაში ქულა მოიპოვა. მატჩი ფრედ, 1:1 დასრულდა.
საქართველოს ნაკრების შემტევი ტრავმის შემდეგ მოედანს დაუბრუნდა და შეხვედრაში 62-ე წუთზე ჩაერთო, როდესაც მისი გუნდი მარცხდებოდა.
24 ტურის შემდეგ “ჟილ ვისენტეს” აქტივში 19 ქულაა და გუნდის ადგილის შესანარჩუნებლად იბრძვის.
პორტუგალიის პრიმერა ლიგის 23-ე ტურში “ჟილ ვისენტე” საკუთარ მოედანზე “ბოავიშტას” დაუზავდა – 1:1. ქულის გადარჩენა ბარსელოსელებმა მსაჯის მიერ კომპენსირებულ წუთებზე მოახერხეს.
ჩვენთვის ეს შეხვედრა იმით არის საინტერესო, რომ ტრავმის მოშუშების შემდეგ მასპინძელთა განაცხადს საქართველოს ნაკრების შემტევი, ავთო ებრალიძე დაუბრუნდა. 23 წლის ფეხბურთელი სათადარიგოთა სკამზე იყო და მას თამაშის საშუალება არ მისცემია.
23 ტუის შემდეგ “ჟილ ვისენტე” 18 ქულით მე-17 პოზიციაზეა. ებრალიძემ კი მიმდინარე სეზონში მხოლოდ 6 შეხვედრაში მიიღო მონაწილეობა.
ესპანეთში გამგზავრებამდე ერთი დღით ადრე, საქართველოს ეროვნული ნაკრების შემადგენლობაში ცვლილებები მოხდა. თუმცა, ყველაზე საინტერესო ამბავი ისაა, რომ „ჯვაროსნებში“ დებიუტანტია – პორტუგალიური „ჟილ ვისენტეს“ 22 წლის ქართველი შემტევი – ავთანდილ ებრალიძე.
ახალგაზრდა ქართველი ფეხბურთელი პორტუგალიაში მშობლებთან ერთად ცხოვრობს. მისი პირველი პორტუგალიური გუნდი „ლაგოს დე ესპერანსა“ იყო. შემდეგ, ის „ხეტაფეს“ ახალგაზრდულ გუნდში, „ჟუვენტუდ ევორასა“ და „ოლივეირენსეში“ თამაშობდა. ამჟამად კი, როგორც უკვე ვთქვით, „ჟილ ვისენტეს“ ღირსებას იცავს.
ახლა კი, სხვა ცვლილებების შესახებაც: ტრავმის გამო, ესპანეთში ვერ გაემგზავრება ალექსანდრე ამისულაშვილი. ხოლო მწვრთნელის გადაწყვეტილებით, სიაში აღარაა ირაკლი მაისურაძე. ესპანეთში წამსვლელებს კი, ალექსანდრე კვახაძეც დაემატა.
საქართველოს ნაკრებისა და დელეგაციის ნაწილი ესპანეთში ხვალ გაემგზავრება. ლეგიონერების ძირითადი ბირთვი პირდაპირ ალბასეტეში ჩავა და გუნდი მზადებას დაიწყებს. 11 ოქტომბერს, ქეცბაიას განკარგულებაში უკვე ყველა ფეხბურთელი იქნება.
სფფ-ის პრესსამსახური
პორტუგალიის ჩემპიონატის მორიგ ტურში, რომლის რიგებშიც ქართველი თავდამსხმელი, ავთანდილ ებრალიძე გამოდის, “სეტუბალს” ესტუმრა და ფრედ, 2:2 ითამაშა.
სტუმრები ორჯერ აგებდნენ, თუმცა ებრალიძის შესანიშნავი დრიბლინგისა და საგოლე გადაცემის შემდეგ ანგარიში გაათანაბრეს და ქულა მოიპოვეს. ავთო მთელი შეხვედრის მანძილზე ძალიან აქტიური გახლდათ და ბევრი პორტუგალიური გამოცემა მას მატჩის საუკეთესო მოთამაშედ ასახელებს. ებრალიძე 78-ე წუთზე შეცვალეს.
შეგახსენებთ, რომ 21 წლის ებრალიძემ ახალგაზრდული კარიერა თბილისის “დინამოში” დაიწყო, თუმცა ჯერ კიდევ ბავშვობის ასაკში პორტუგალიაში გადავიდა და მეოთხე დივიზიონში დებიუტის შემდეგ წლევანდელი სეზონიდან “ჟილ ვისენტეს” 11 ნომრიანი მაისური მოირგო.
“ჟილ ვისენტეს” პორტუგალიის ლიგაში 6 ჩატარებული მატჩის შემდეგ 8 ქულა აქვს და მე-7 ადგილზე იმყოფება, საერთოდ კი, ევროთასებზე მოსახვედრად იბრძვის და წესით, წელს ამის გაკეთება არ უნდა გაუჭირდეს.
