კატალონიის “ბარსელონას” ურუგვაელმა ვარსკვლავმა ლუის სუარესმა “ელ კლასიკომდე” პრესასთან ისაუბრა და კიდევ ერთხელ აღნიშნა, რომ აღნიშნულ მატჩში “ბლაუგრანა” მოსაგებად გავა.
“კლასიკო” განსაკუთრებული მატჩია. ძალიან ბედნიერი ვარ, რომ “კლასიკოში” მონაწილეობის მიღების სიამოვნება მეძლევა. ეს ძალიან დიდი რამ არის, ნამდვილი სპექტაკლი გულშემატკივართათვის.
ეს შანსი აუცილებლად უნდა გამოვიყენოთ და მეტოქე დავამარცხოთ. ამისთვის ჭკვიანურად უნდა ვითამაშოთ. მთავარი მეტოქის დამარცხება ყოველთვის ჩვენ მთავარ მიზანს წარმოადგენს, გვინდა სეზონი წაუგებლად დავასრულოთ.
ყველაზე მეტად “კლასიკოში” გატანილი პირველი გოლი მახსოვს 2014/15 წლების სეზონში. მახსოვს “ბერნაბეუზე” გატანილი გოლიც. ნამდვილად განსაკუთრებული გრძნობა იყო,” – აცხადებს სუარესი.
