ბრაზილიური “კორინთიანსის” მოთამაშეები, ფანებთან მომხდარი ინციდენტის გამო გაფიცვას აპირებენ და საგანგებო განცხადებას ავრცელებენ. შეგახსენებთ, რომ გუშინ კლუბის ბაზას გულშემატკივრები თავს დაესხნენ.
“ჩვემ, “კორინთიანსის” მოთამაშეები უსაფრთხოების გარანტიებს ვითხოვთ, რათა მშვიდ ვითარებაში შეგვეძლოს მომზადება. წინააღმდეგ შემთხვევაში პროტესტის უკიდურეს ფორმებს მივმართავთ” – ნათქვამია ფეხბურთელების განცხადებაში.
ესპანეთის ნაკრების ნახევარმცველი ჩავი ერნანდესი იმედს გამოთქვამს, რომ 2013 წლის კონფედერაციის თასის ფინალურ მატჩში დამარცხებისთვის ბრაზილიასთან რევანშს უახლოეს პერიოდში აიღებს. შეგახსენებთ, რომ იმ მატჩში „ფურია როხა“ ანგარიშით 0:3 განადგურდა.
„შურისძიების იმედი გვაქვს. მსოფლიოს ჩემპიონატზე ყველაფერი შეიძლება მოხდეს, თუნდაც ბრაზილიელებთან ფინალში შეხვედრა. რთულ ჯგუფში მოვხვდით, თუმცა არც ბრაზილიელებს ჰყავთ იოლი მეტოქეები.
კონფედერაციის თასის ფინალში ყველაფერი ჩვენს წინააღმდეგ იყო. იმ დღეს ბრაზილიის ნაკრები უბრალოდ უკეთესი გუნდი იყო. იმედი მაქვს, რომ ეს გამოცდილება მსოფლიოს ჩემპიონატზე წაგვადგება. ახლა უკვე ვიცით, როგორ უნდა ვითამაშოთ იმ ამინდში, რომელიც ბრაზილიაში იქნება“, – ციტირებს ჩავის სიტყვებს Goal.com-ი.
ბექა დოგრაშვილი
ბრაზილიაში, ახალგაზრდული გუნდების ჩემპიონატის ერთ-ერთ მატჩში, საშინელი უხეშობა მოხდა.
ლეგენდარულმა ზინედინ ზიდან 2014 წლის მსოფლიო ჩემპიონატის შესახებ ისაუბრა და ტურნირის ფავორიტებიც დაასახელა.
“ვფიქრობ, რომ ბრაზილიის, არგენტინის და გერმანიის ნაკრებ გუნდებს მუნდიალის მოგების კარგი შანსი აქვთ. აღნიშნული გუნდები სხვა ფავორიტებზე გაცილებით მაღალი დონის ფეხბურთს თამაშობენ. დასახელებული ნაკრებებიდან ბრაზილიას გამოვარჩევდი, ვინაიდან მათ საკუთარი გულშემატკივარიც აქტიურად დაუჭერს მხარს” – განაცხადა ზიდანმა.
“მილანის” ნახევარმცველი კაკა მუნდიალზე თამაშის დიდი სურვილს გამოთქვამს. მაგრამ, ფეხბურთელი იმასაც აღნიშნავს, რომ ეს საკმაოდ რთული მიზანია, რასაც დიდი კონკურენციით ხსნის.
“უკანასკენლად სკოლარის იტალიასას და რუსეთთან გასამართი მატჩების წინ ვესაუბრე. მას მერე კონტაქტი არ გვქონია. დიდი იმედი მაქვს, რომ მსოფლიო ჩემპიონატზე მონაწილეობას მივიღებ. გუნდში მოხვედრა ძალიან რთულია. მე ჩემ მაქსიმუმ გავაკეთებ. სკოლარის განცხადება იმის შესახებ, რომ შანსი ყველას ექნება, ჩემთვის დამატებითი მოტივაციაა” – განაცხადა კაკამ.
ეს ფეხბურთია! ფეხბურთში კი ყველაფერი შესაძლებელია,მაგრამ ლოგიკურად თუ ვიმსჯელებთ ბრაზილა-2014-ზე შეიძლება სამი ფავორიტი გუნდის ჩამოწერა.
ალბათ ეჭვიც არავის ეპარება რომ ბრაზილიაში 2014 წელს ფეხბურთი იზეიმებს და დაუვიწყარი სანახაობის მომსწრენი გავხდებით.ახლა კი ვისაუბროთ,იმ სამ გუნდზე რომლებსაც ყველაზე მეტი შანსი აქვთ მსოფლიოს ჩემპიონობის.
1.ჩემპიონატის მასპინძელი ბრაზილია(ფიფას რეიტინგში 10-ე ადგილი)
პირველი ფაფორიტი ალბათ ბევრი დამეთანხმება არის ბრაზილია.პირველ რიგში ბრაზილიის ნაკრები საკუთარ სამშობლოში წარდგება,ისინი დიდი წნეხის ქვეშ იქნებიან,მაგრამ საკუთარ კედლებში თამაში მაინც გადანმწყვეტი შეიძლება აღმოჩნდეს.ასე თუ ისე ბრაზილია ბოლო წლებში ძალიან კარგად გამოიყურება,ყავთ შესანიშნავი მწვრთნელი პილიპე სკოლარი,რომელიც მხოლოდ და მხოლოდ ერთი წელია წვრთნის ბრაზილიას და უკვე შეძლო და მოიგო კონფედერაციათა თასი,დაუმარცხებალდ და აქამდე უძლეველი ესპენეთის ნაკრებიც ფინალში 3-0 დაამარცხა.
2.ესპანეთი(ფიფას რეიტინგში პირველი ადგილი)
ესპანეთის ეროვნული ნაკრები,ბოლო წლების “ფეხბურთის მეფე”. თავისი განსაკუთრებული მწვრთნელით ვისენტე დელ ბოსკე,რომელმაც ესპანეთის ნაკრებს თავისი მრავალწლიანი ისტორიის მანძილზე პირველად მოაგებინა მსოფლიოს ჩემპიონატი,2010 წელს ჰოლიანდიის ნაკრების წინააღმდეგ,მოიგო ევროპის 2012 წლის ჩემპიონატი,30 მატჩზე მეტი მომგებების სერიით და ბევრი დამსახურებით.ვისენტე დელ ბოსკე მართლაც ჩაიწერება ესპანეთის ნაკრების ისტორიაში როგორც ლეგენდა და თუ ზედიზედ მეორედ მოიგო მსოფლიოს ჩემპიონატი ეს დააგვირგვინებს მის დიდებას.
3.გერმანია(ფიფას რეიტინგში მეორე ადგილი)
გერმანია მძლავრი ევროპული გუნდი,რომელშიც თამაშობს ძალიან ნიჭიერი ახალგაზრდა თაობა და თამაშობს ისეთი ფეხბურთელები რომლებიც თავის კარიერის პიკში იმყოფებიან.რა თქმა უნდა იმას რომ მსოფლიოს ჩემპიონატზე მონაწილე ნებმიერი ნაკრების,ნებისმიერი ფეხბურთელი მოედანზე გავა და ყველაფერს დადებს იმისათვის რომ თავის გუნდს წარმატება მოუტანოს, მაგარმ გერმანიის ნაკრების ბირთვი შედგება მიუხენის ბაიერნის ფეხბურთელებისგან,რომლბმაც მოიგეს ყველაფერი რისი მოგებაც შეიძლებოდა და მსოფლიოს ჩემპიონატზე უაღრესად მოტივირებულები გამოვლენ.
ბრაზილიაში, “ტუპასა” და “მარილიას” შორის გამართული ამხანაგური მატჩი იმის გამო შეწყდა, რომ გუნდებს შორის ჩხუბი დაიწყო.
დაახლოებით ხუთ თვეში ბრაზილიის მსოფლიოს ჩემპიონატი აიღებს სტარტს, თუმცა სამხრეთ ამერიკიდან საგანგაშო ცნობები ვრცელდება. 2013 წლის ბოლოს ქვეყანას ტურნირის მასპინძელი ყველა სტადიონი უნდა ჩაებარებინა, თუმცა ამ დროისთვის სამუშაოები არენათა საერთო რაოდენობის მხოლოდ ნახევარზეა დასრულებული.
შექმნილი მდგომარეობის გამო, ფიფას პრეზიდენტი იოზეფ ბლატერი ტურნირის მასპინძელი მხარის გაკრიტიკებას არ მოერიდა.
„ბრაზილია ახლაღა მიხვდა, რა არის მსოფლიოს ჩემპიონატის ორგანიზება. იმ დროიდან მოყოლებული, რაც მე მსოფლიოს ფეხბურთის მმართველ ორგანოს ვხელმძღვანელობ, ფიფა საქმის ასეთი გაჯანჯლების წინაშე არასდროს დამდგარა. მათ მუშაობა გაცილებით გვიან დაიწყეს. არადა, ბრაზილია ფეხბურთის ისტორიაში პირველი ქვეყანაა, რომელსაც ტურნირის მოსამზადებლად მთელი შვიდი წელიწადი მიეცა“, – შვეიცარიული გამოცემა „24 საათისთვის“ მიცემულ ინტერვიუში სწორედ ამ სიტყვებით გააკრიტიკა ფიფას პრეზიდენტმა ტურნირის ორგანიზატორები.
გარდა ამისა, ზეპ ბლატერმა არ გამორიცხა იმის შესაძლებლობა, რომ ბრაზილიის უკმაყოფილო მოსახლეობის პროტესტმა კვლავ მოიცვას ქვეყნის სხვადასხვა ქალაქები, როგორც ეს 2013 წელს გამართული კონფედერაციის თასის გათამაშების მიმდინარეობის დროს მოხდა.
„ახალი დემონსტრაციებისა და საპროტესტო აქციების მოლოდინში ვართ, მაგრამ მე ამაზე არ ვნერვიულობ. მჯერა, რომ ბრაზილიელები ფეხბურთს თავდასხმის სამიზნედ არ აირჩევენ. ფეხბურთი მათთვის რელიგიაა“, – აღნიშნა ფიფას პრეზიდენტმა.
ბექა დოგრაშვილი
იტალიური “მილანის” ბრაზილიელი ფეხბურთელი რობინიო არდადეგებს თავის სამშობლოში ატარებს, სადაც მეგობრებთან ერთად ამახანაგურ მატჩში მიიღო მონაწილეობა.
გასულ დღეებში, ბრაზილიაში ამხანაგური მატჩი გაიმართა, რომელშიც ერთმანეთს ნეიმარი & მისი მეგობრები კარტონ ლეონარდო & მის მეგობრებს დაუპირისპირდნენ.
აღნიშნულ შეხვედრაში, კატალონიის “ბარსელონას” თავდამსხმელმა ხუთი გოლის გატანა მოახერხა.
ბრაზილიური ტელეკომპანია SporTV-ის კომენტატორი ანდრე ლოფრედუ თვლის, რომ „ატლეტიკო მინეიროს“ ნახევარმცველ რონალდინიოს ბრაზილიის ერვნულ ნაკრებში დაბრუნების შანსი აღარ აქვს. ცნობილი კომენტატორის თქმით, საკლუბო მსოფლიოს ჩემპიონატის ფინალურ მატჩში ვერგასვლით რონალდინიომ 2014 წლის მუნდიალზე თამაშის იმედი დაკარგა.
„მიუხედავად იმისა, რომ ლუიშ ფელიპე სკოლარი ჯერ კიდევ მოედნის ცენტრში მოთამაშე ფეხბურთელების ძიებაშია, რონალდინიოს ბრაზილიის ნაკრებში კვლავ თამაშის იმედი აღარ აქვს. მას „სელესაოს“ რიგებში დაბრუნების შესანიშნავი შანსი ჰქონდა, ამისთვის კი საკლუბო მსოფლიოს ჩემპიონატის თასი უნდა მოეგო ან ფინალურ მატჩში მიუნხენის „ბაიერნის“ წინააღმდეგ კარგი თამაში ეჩვენებინა, თუმცა არც ერთი მოხდა და არც მეორე“, – განაცხადა ლოფრედუმ სატელევიზიო ეთერში.
ბექა დოგრაშვილი
ბლოგმა Todos Sobre Camisetas ინტერნეტ-სივრცეში ბრაზილიის ნაკრების ახალი, მესამე ფორმის ფოტოები გაავრცელა. ამ მაისურებით “სელესაოს” ფეხბურთელები მსოფლიოს 2014 წლის ჩემპიონატზე იასპარეზებენ.
