“ლივერპულის” მწვრთნელმა ბრენდან როჯერსმა გუნდში არსებულ ვითარებაზე ისაუბრა.
“პრესაში გუნდში არსებულ ვითარებაზე ბევრი იწერება, თუმცა მინდა გითხრათ, რომ კოლექტივში ყველაფერი ნორმალურადაა.
უბრალოდ, გასულ სეზონში ეს ფეხბურთელები ჩემპიონატის მოგებასთან ძალიან ახლოს იყვნენ, ამიტომ წელს არსებული მდგომაროება მათ არ მოსწონთ.
საკუთარ თავში ძალებს მოვძებნით და სეზონის მეორე ნახევარს მაღალ დონეზე ჩავატარებთ” – განაცხადა როჯერსმა.
„ლივერპულის“ მთავარმა მწვრთნელმა ბრენდან როჯერსმა „მანჩესტერ იუნაიტედთან“ 0:3 წაგებულ მატჩზე ისაუბრა.
„ჩემი აზრით, მოსაგებად დღეს საკმარისი გავაკეთეთ. ეს მატჩი სეზონში ერთ-ერთი დასამახსოვრებელი უნდა იყოს, ჩვენ ბევრი საგოლე მომენტი შევქმენით, დავიდ დე ხეა კი მატჩის გმირი გახდა.
სეზონში ესპანელმა უკვე მეხუთე ასეთი მატჩი ჩაატარა. დავიდი უმაღლესი დონის მეკარეა და მას არამხოლოდ ბურთების მოგერიება შეუძლია. იგი კარგ მოკლე პასებს აკეთებს და იცის, თუ როგორ მოიშოროს ბურთი.
თანაც, ჩვენ დაცვაში ვცდებოდით, რაც შედეგზე აისახა. მუშაობის გაგრძელებაღა დაგვრჩა. ვიცით, თუ როგორ მოვაგვაროთ ეს პრობლემები. იმედია, თავდაჯერებულობა დაგვიბრუნდება“, – განაცხადა როჯერსმა.
„ლივერპულის“ მთავარმა მწვრთნელმა ბრენდან როჯერსმა ზაფხულის სატრანსფერო ფანჯრის დროს მარიო ბალოტელის ტრანსფერზე ისაუბრა.
„ვგრძნობდით, რომ იმ მომენტისთვის ბალოტელის დამატება ყველა პრობლემის მოვარებას ნიშნავდა. ზაფხულში ლამბერტი გვყავდა, ბორინი წასვლას აპირებდა, სტარიჯი კი კარიერის განმავლობაში ტრავმებს ხშირად იღებს.
თუ სეზონის სტარტზე ამ პოცზიციაზე არავინ გვეყოლებოდა, ძალიან გაგვიჭირდებოდა. მაშინ მხოლოდ 32 წლის ლამბერტი გვყავდა.
ბალოტელის ტრანსფერი რისკი იყო, მაგრამ მის მოწვევაზე უარის თქმა არ შეგვეძლო. ამის გამო არც ვნანობთ“, – განაცხადა მერსესაიდელთა თავკაცმა.
შეგახსენებთ, რომ ბალოტელის სანაცვლოდ „ლივერპულმა“ „მილანს“ 20 მილიონი ევრო გადაუხადა.
“ლივერპულის” მთავარმა მწვრთნელმა ბრენდან როჯერსმა ინგლისის პრემიერლიგის XV ტურში “სანდერლენდთან” შინ ნათამაშები მატჩი (0:0) შეაფასა.
“ფეხბურთელები სრულად დაიხარჯნენ. მეორე ტაიმში ისე ჩანდა, თითქოს შეგვეძლო გარღვევა, თუმცა “სანდერლენდმა” ამ სეზონში უკვე დაამტკიცა, რომ მისი დამარცხება რთულია. ფეხბურთელებს ვერაფერში დავდანაშაულებ.
ცოტაოდენ უნდა გაგვმართლებოდა. თუ ვერ იგებ, ის მაინც უნდა მოახერხო, რომ არ წააგო. ამ კვირაში შესაძლო ცხრა ქულიდან შვიდი ავიღეთ, რაც კარგი შედეგია”, – ციტირებს როჯერსის სიტყვებს BBC.
„ლივერპულის“ ხელმძღვანელობამ სტივენ ჯერარდს ახალი კონტრაქტი შესტავაზა, თუმცა „წითლების“ კაპიტნის პასუხი ჯერჯერობით უცნობია.
34 წლის ფეხბურთელს მოქმედი კონტაქტი 2015 წლამდე აკავშირებს. გავრცელებული ინფორმაციით, მასთან ხელშეკრულების გაფორმება „მანჩესტერ სიტისა“ და „ინტერს“ სურთ.
„ჯერარდს ახალი კონტრაქტი შესთავაზეს. საქმე ფულში არაა. მე ჯერარდს არაერთხელ ვესაუბრე. სეზონის ბოლომდე გადაწყვეტილების მისაღებად მას საკმარისი დრო აქვს“, – ციტირებს როჯერსს ВВС.
„ლუდოგორეცთან“ მატჩის დროს „ლივერპულის“ ბულგარელმა გულშემატკივრებმა ერთ-ერთ ბარში საყვარელი გუნდის ამჟამინდელ მთავარ მწვრთნელს მხარი დაუჭირეს და სიმღერა მიუძღვნეს.
“ლივერპული” ხელმძღვანელობა ბრენდან როჯერსის შემცლელის ძებნას იწყებს. უცხოური პრესის ცნობით მერსისაიდელთა წარმომადგენლები რამდენიმე სპეციალისტს უკვე დაუკავშირდნენ.
12 ტურის შემდეგ “ლივერპული” პრემიერლიგაში 14 ქულით მე-12 ადგილზეა. წითლები შესაძლოა ჩემპიონთა ლიგის პლეი-ოფშიც ვერ გავიდნენ. ბოლო ტურში ლივერპულელებს მხოლოდ გამარჯვება სჭირდებათ.
როჯერსმა “ლივერპული” 2012 წელს ჩაიბარა და გასულ სეზონში მეორე ადგილზე გაიყვანა.
ცუდი შედეგების მიუხედავად, “ლივერპულის” ხელმძღვანელობა კლუბის მთავარი მწვრთნელის პოსტიდან ბრენდან როჯერსის გათავისუფლებას არ აპირებს.
მერსისაიდული კლუბის ადმინისტრაცია როჯერსს სრულ ნდობას უცხადებს და გუნდის განვითარების გრძელვადიან გეგმას სწორედ ჩრდილოირლანდიელ სპეციალისტს უკავშირებს.
აღსანიშნავია ისიც, რომ “ლივერპულის” ხელმძღვანელობა გუნდის ასეთ კრახს ნაწილობრივ ლუის სუარესის წასვლასა და დანიელ სტარიჯის ტრავმიანობასაც აბრალებს.
შეგახსენებთ, რომ ბრენდან როჯერსი “ენფილდროუდელთა” თავკაცის პოსტზე 2012 წლის ზაფხულიდან მუშაობს.
“ლივერპულმა” მიმდინარე სეზონი საშინლად დაიწყო, არადა, გუნდს შარშან სულ ერთი ნაბიჯი დააკლდა ჩემპიონობამდე.
ბრენდან როჯერსის გუნდი ბოლო ტურში “კრისტალ პალასთან” ანგარიშით 1:3 დამარცხდა და სატურნირო ცხრილში მე-12 პოზიციამდე დაქვეითდა.
მერსისაიდული გუნდის ფანებში ნელ-ნელა უკმაყოფილებაც მატულობს.
თუ სტატისტიკას დავეყრდნობით, როჯერსს ახლა უფრო ცუდი შედეგი აქვს, ვიდრე დევიდ მოიესს “მანჩესტერ იუნაიტედში” ჰქონდა.
პროცენტულად მოიესის გუნდმა უფრო მეტი მატჩი მოიგო, ვიდრე როჯერსის “ლივერპულმა” — 52.94 პროცენტი 52.43 პროცენტის საპირისპიროდ.
„ლივერპულის“ თავდამსხმელი დანიელ სტარიჯი 3 კვირის განმავლობაში მკურნალობს. მერსესაიდელთა თავკაცის ბრენდან როჯერსის თქმით, სათამაშოდ ფეხბურთელი ჯერჯერობით მზად არაა.
„დღეს მან კარგად ივარჯიშა. თუმცა, სათამაშოდ დანიელი მზად არაა. გამოსაჯანმრთელებლად მას კიდევ დრო სჭირდება“, – განაცადა როჯერსმა.
ბოლოს სტარიჯმა სამ სექტემბერს ინგლისის ნაკრების რიგებში ნორვეგიასთან ამხანაგურ მატჩში ითამაშა, რომელიც ინგლისელებმა ანგარიშით 1:0 მოიგეს.
„ლივეპრულის“ გულშემატკივართა ნაწილი თვითმფრინავის დაქირავებას გეგმავს, რომელიც „ჩელსისთან“ ინგლისის პრემიერლიგის მე-11 ტურის მატჩის დროს „ენფილდის“ თავზე ბრენდან როჯერსის გაშვების მოთხოვნით მიძღვნილი ბანერით გაფრინდება.
როგორც ცნობილია, აღნიშნული ბანერი უკვე მზადაა, მასზე კი, შემდეგი წარწერაა: „ბრენდან როჯერსი გენიოსია. მას „სუონსისა“ და „საუთჰემპტონის“ ფეხბურთელები უყვარს. 215 მილიონი ნაგავზე დაიხარჯა. როჯერს, წადი“.
აღსანიშნავია, რომ მსგავსი ბანერი გასულ სეზონში „მანჩესტერ იუნაიტედის“ გულშემატკვირებმაც დაამზადეს, რომლებმაც დევიდ მოიესის გათავისუფლება მოითხოვეს.
“ლივერპულის” მთავარმა მწვრთნელმა ბრენდან როჯერსმა ჩემპიონთა ლიგაში მადრიდის “რეალთან” მოახლოებულ შეხვედრაზე გააკეთა კომენტარი. შეგახსენებთ, მატჩი 4 ნოემბერს, “სანტიაგო ბერნებეუზე” გაიმართება.
“რეალთან “ბერნაბეუზე” გასამართი შეხვედრა ჩვენთვის მნიშვნელოვანი მოვლენაა. ვიცით, რომ ეს დიდი პასუხისმგებლობაა, ჩვენ ხომ მსოფლიოს საუკეთესო გუნდის წინააღმდეგ ვითამაშებთ. წნეხი ყველა მატჩშია. ვიმედოვნებთ, რომ ესპანეთში კარგ შედეგს მივაღწევთ” – განაცხადა როჯერსმა.
