ჭდე: Bundesliga

Fanebi.com წარმოგიდგენთ ბუნდესლიგის მე-15 ტურის პრევიუს.

 

აუგსბურგი – ბაიერნი

მორიგ ტურში გათამაშების ერთპიროვნული ლიდერი “აუგსბურგს” ეწვევა, რომელიც ბოლო დროს შესანიშნავ ფორმაში იმყოფება.

მარკუს ვეინზაიერლის გუნდმა ზედიზედ 4 შეხვედრა მოიგო და შედეგად მესამე პოზიციაზე აღზევდა. რა თქმა უნდა, მოგებათა სერიის გაგრძელება რთული იქნება, თუმცა მასპინძები ქულისთვის მაინც იბრძოლებენ.

მიუნხენელებმა ბუნდესლიგის უკანასკნელი ორი შეხვედრა მინიმალური ანგარიშით მოიგეს. იგრძნობა, რომ გუნდი ძალების დაზოგვით თამაშობს და მომატებაც ნებისმიერ დროს შეუძლია. “ბაიერნს” ამის რესურსიც აქვს, რაც შუა კვირაში მოსკოვის ცსკა-ს დამაჯერებლად ძლევით დამტკიცდა.

 

ჰერტა – დორტმუნდი

საინტერესო შეხვედრას უმასპინძებს ბერლინი, სადაც “ჰერტას” სატურნირო ცხრილში მეზობლად მყოფი “დორტმუნდი” ეწვევა. წაგებისა ან ფრის შემთხვევაში გუნდებს გასავარდნ ზონაში დაქვეითება ემუქრებათ. წლის ბოლოს კი ეს არც თუ ისე სასიამოვნო პერსპექტივაა.

ბერლინელებმა უკანასკნელ 5 შეხვედრაში მხოლოდ 3 ქულა მოიპოვეს. შედარებით უკეთესი ვითარებაა დორტმუნდელთა ბანაკში, თუმცა კლოპის გუნდმა რამდნეიმე დღის წინ ჩემპიონთა ლიგის მატჩიც გამართა, რაც შესაძლოა მათ ფიზიკურ მდგომარეობაზე აისახოს.

 

ლევერკუზენი – გლადბახი

ტურის ერთ-ერთი ყველაზე პრინციპული დაპირისპირება ლევერკუზენში გაიმართება, სადაც სტუმრად “გლადბახი” ჩავა.

გლადბახმა ზედიზედ სამი მარცხის შემდეგ, უსიამოვნო სერიის დასრულება გასულ ტურში “ჰერტას” ძლევით შეძლო. მატჩი საკმაოდ დაძაბული და შედეგიანი გამოდგა. მეტოქისგან განსხვავებით წინა ტურა წარუმატებელი გამოდგა “ლევერკუზენისთვის”. თუმცა, მიუნხენში ვიზიტზე შმიდტის შეგირდები განსაკუთრებულ იმედებს ალბათ არც ამყარებდნენ.

ბოლო წლების სტატისტიკას თუ გადავხედავთ, აღმოვაჩენთ, რომ მატჩების უმეტესობა ფრედ ან ლევერკუზენთა გამარჯვებით დასრულდა. თუმცა, ერთი საინტერესო დეტალიც. “გლადბახმა” “ბაიერის” დამარცხება ბოლოს ორჯერ, 2010 და 2012 წლებში შეძლო და ორივე შემთხვევაში ეს გასვლით შეხვედრაში მოხდა.

 

ტურის მატჩები და ევროპაბეთის კოეფიციენტები

12.12	23:30	ჰოფენჰაიმი	1.95	3.65	3.80	აინტრახტი		დაწვრილებით
13.12	18:30	შალკე 04	1.90	3.50	4.20	კიოლნი		დაწვრილებით
13.12	18:30	აუგსბურგი	9.00	5.00	1.37	ბაიერნი		დაწვრილებით
13.12	18:30	ჰერტა	5.25	3.85	1.67	დორტმუნდი		დაწვრილებით
13.12	18:30	ვერდერი	2.57	3.30	2.80	ჰანოვერ 96		დაწვრილებით
13.12	18:30	ფრაიბურგი	2.55	3.25	2.85	ჰამბურგი		დაწვრილებით
13.12	21:30	მაინცი	2.40	3.35	3.00	შტუტგარტი		დაწვრილებით
14.12	18:30	ლევერკუზენი	1.77	3.70	4.75	გლადბახი		დაწვრილებით
14.12	20:30	ვოლფსბურგი	1.45	4.50	7.25	პადერბორნი		დაწვრილებით

Fanebi.com წარმოგიდგენთ გერმანული ბუნდესლიგის მე-14 ტურის პრევიუს.

 

დორტმუნდი – ჰოფენჰაიმი

ბუნდესლიგის მიმდინარე სეზონის მთავარი მოულოდნელობა “დორტმუნდის” კატასტროფული შედეგებია. კლოპის გუნდი გასულ ტურში მარცხის შემდეგ ბოლო პოზიციაზე დაეშვა, რასაც ფაქტობრივად ვერავინ ვერ წარმოიდგენდა. მოახლოებულ ტურში დორტმუნდელები საკუთარ მოედანზე “ჰოფენჰაიმს” მიიღებენ და საკუთარი გულშემატკივრების თვალწინ ეცდებიან მდგოამრეობის გამოსწორებას.

სტუმრებს ჩემპიონატში საკმაოდ კარგი სტარტი აქვთ, თუმცა გასულ ტურამდე განცდილი ზედიზეც სამი მარცხის გამო “ჰოფენჰაიმი” მე-7 პოზიციაზე აღმოჩნდა. არადა, გისდოლის შეგირდები “ვოლფსბურგთან” ერთად “ბაიერნის” ერთ-ერთი მდევრებიც კი იყვნენ.

საინტერესოა, რომ სატურნირო ცხრილში განსხვავებულ პოზიციებზე მყოფ “დორტმუნდს” და “ჰოფენჰაიმს” გაშვებული გოლების რაოდენობა თანაბარი აქვთ.

 

შტუტგარტი – შალკე

კიდევ ერთი ტრადიციული გუნდი, რომელიც “დორტმუნდის” მსგავსად ცხრილის სახიფათო ზონაშია მოხვედრილი საკუთარ მოედანზე “შალკეს” მიიღებს.

“შტუტგარტმა” სამი მარცხის შემდეგ გამარჯვება გასულ ტურში იზეიმეს და უსიამოვნო სერია შეწყვიტეს. სტევენსის შეგირდებმა უშუალო კონკურენტი “ფრაიბურგი” სტუმრად დიდი ანგარიშით დაამარცხეს, რაც ფსიქოლოგიური თვალსაზრისითაც ძალიან მნიშვნელოვანია.

მიმდინარე სეზონში “შალკეს” მეტოქისგან განსხვავებული მიზნები აქვს. დი მატეოს გუნდი ევროთასებზე მოსახვედრად იბრძვის. რა თქმა უნდა გელზენკირხენში სურთ, რომ ადგილობრივმა გუნდმა ჩემპიონთა ლიგის ზონაში დაასრულოს გათამაშება. ამისათვის კი “შტუტგარტის” კალიბრის გუნდებთან მოგება აუცილებელია. თუმცა, “შალკეს” მიმდინარე სეზონში ზედიზედ სამი გამარჯვება ჯერ არ მოუპოვებია. ვნახოთ, შეძლებენ თუ არა გელზნკირხენელები დადებით სერიის გაგრძელებას.

 

ბაიერნი – ლევერკუზენი

ტურის ცენტალურ დაპირისპირებას მიუნხენი უმასპინძებს, სადაც “ბაიერნს” “ლევერკუზენი” ესტუმრება.

გათამაშების ლიდერის დამარცხება მიმდინარე სეზონში ჯერჯერობით ვერავინ შეძლო. თავად ლევერკუზნელებმაც “ბაიერნს” ბოლოს 2012 წელს, საშინაო შეხვედრაში მოუგეს, მას მერე კი მიუნხენური გრანდის დამარცხებას ვერ ახერხებენ.

13 ტურის შემდეგ პირველ და მესამე საფეხურებზე მყოფ გუნდებს შორის სხვაობა უკვე 10 ქულას შეადგენს და თუ ლევერკუზენელებს გარკვეული ინტრიგის შემქნა სურთ, მიუნხენში გასამართი მატჩის მოგება აუცილებელია. თუმცა, შმიდტის შეგირდები დიდი ალბათობით მესამე პოზიციის შენარჩუნებაზე უფრო ფიქრობენ.

 

ტურის ყველა მატჩი და ევროპაბეთის კოეფიციენტები

05.12	23:30	დორტმუნდი	1.60	4.00	5.70	ჰოფენჰაიმი		დაწვრილებით
06.12	18:30	გლადბახი	1.75	3.70	5.00	ჰერტა		დაწვრილებით
06.12	18:30	ჰანოვერ 96	3.80	3.50	2.00	ვოლფსბურგი		დაწვრილებით
06.12	18:30	შტუტგარტი	2.25	3.40	3.25	შალკე 04		დაწვრილებით
06.12	18:30	კიოლნი	2.85	3.20	2.60	აუგსბურგი		დაწვრილებით
06.12	18:30	პადერბორნი	2.40	3.35	3.00	ფრაიბურგი		დაწვრილებით
06.12	21:30	ბაიერნი	1.30	6.00	10.00	ლევერკუზენი		დაწვრილებით
07.12	18:30	ჰამბურგი	2.20	3.40	3.30	მაინცი		დაწვრილებით
07.12	20:30	აინტრახტი	2.10	3.45	3.50	ვერდერი		დაწვრილებით

 

Fanebi.com წარმოგიდგენთ გერმანული ბუნდესლიგის მე-13 ტურის მიმოხილვას.

 

ჰერტა – ბაიერნი

ბუნდესლიგის მე-13 ტურში გათამაშების ერთპიროვნულმა ლიდერმა დაგეგმილი გამარჯვება მოიპოვა.

მიუნხენელთა დედაქალაქური ვოიაჟი მოკრძალებული აღმოჩნდა. “ბაიერნმა” “ჰერტას” მხოლოდ ერთი ბურთი გაუტანა. თუმცა, როგორც შემდეგ გაირკვა, მორიგი გამარჯვების მოსაპოვებლად ეს სავსებით საკმარისი აღმოჩნდა. ერთადერთი გოლი მატჩის 27-ე წუთზე გავიდა და მისი ავტორი არიენ რობენი გახდა. ჰოლანდიელს საკმაოდ ეფექტური დარტყმა გამოუვიდა.

ამ გამარჯვებით მიუნხენელბმა პირველი ადგილი განიმტკიცეს, ხოლო “ჰერტა” სახიფათო ზონას მიუახლოვდა.

 

ვოლფსბურგი – გლადბახი

სამეულში მყოფი გუნდების დაპირისპირების ბედიც ერთმა გოლმა გადაწყვიტა. თუმცა, ამჯერად ის მასპინძლებმა გაიტანეს და ამის გაკეთება უფრო სწრაფადაც მოახერხეს.

“ვოლფსბურგმა” კნოჩეს მიერ მე-12 წუთზე გატანილი გოლით მოიგო და “ბაიერნს” უპირატესობის გაზრდის საშუალება არ მისცა. “გლადბახი” კი სამეულს დაემშვიდობა და მეხუთ პოზიციამდე დაქვეითდა, რაც ზედიზედ სამი წაგებული მატჩის გათვალისწინებით გასაკვირი სულაც არ არის.

 

აინტრახტი – დორტმუნდი

სეზონის სტარტზე მოვლენათა ასეთი განვითარება ფაქტობრივად წარმოუდგენელი იყო. 13 ტურის შემდეგ დორტმუნდის “ბორუსია” ბუნდესლიგის ბოლო, მე-18 პოზიციაზე იმყოფება.

გასულ ტურში კლოპის გუნდი ფრაქფურტს ესტუმრა, სადაც “აინტრახტისგან” ორი გოლი გაუშვა და მორიგი მარცხი იწვნია. მასპინძლებმა საკუთარი გულშემატკივრების გახარება ორჯერ, მატჩის დებიუტში და მის დასრულებამდე 12 წუთით ადრე, მეიერისა და სეფეროვიჩის გოლებით შეძლეს.

ბუნდესლიგის პირველი წრის დასრულებამდე სულ ოთხი ტურია დარჩენილი და დორტმუნდელებმა მდგომარეობის გამოსწორებაზე თუ არ იზრუნეს, არავინ იცის მათთვის ეს სეზონის როგორ დასრულდება.

 

ტურის ყველა მატჩი

28.11	23:30	ფრაიბურგი		1:4		შტუტგარტი		დაწვრილებით
29.11	18:30	შალკე 04		4:1		მაინცი		დაწვრილებით
29.11	18:30	ლევერკუზენი		5:1		კიოლნი		დაწვრილებით
29.11	18:30	აუგსბურგი		3:1		ჰამბურგი		დაწვრილებით
29.11	18:30	ჰერტა		0:1		ბაიერნი		დაწვრილებით
29.11	18:30	ბრემენის ვერდერი		4:0		პადერბორნი		დაწვრილებით
29.11	21:30	ჰოფენჰაიმი		4:3		ჰანოვერ 96		დაწვრილებით
30.11	18:30	ვოლფსბურგი		1:0		გლადბახი		დაწვრილებით
30.11	20:30	აინტრახტი		2:0		დორტმუნდი		დაწვრილებით

Fanebi.com წარმოგიდგენთ გერმანული ბუნდესლიგის მე-13 ტურის პრევიუს.

 

ჰერტა – ბაიერნი

გათამაშების ლიდერი მე-13 ტურში ბერლინს ესტუმრება, სადაც ურთიერთობას “ჰერტასთან” გაარკვევს.

რამდენიმე დღის წინ “ბაიერნი” აგვისტოს შემდეგ პირველად დამარცხდა. ჩემპიონთა ლიგაში “სიტისთან” ბოლო წუთებზე წაგებულ შეხვედრას გვარდიოლას გუნდისთვის არანაირი სატურნირო მნიშვნელობა არ ჰქონდა. მოტივირებულმა “სიტიმ” კი კაცნაკლული “ბაიერნი” ალბათ უფრო მოტივაციის ხარჯზე დაამარცხა.

“ჰერტამ” გასულ ტურში “კიოლნის” დამარცხება შეძლო და სატურნირო მდგომარეობა ოდნავ გაიუმჯობესა. თუმცა, ბერლინური კლუბი მიმდინარე სეზონში ჯერჯერობით არაფრით არ გამოირჩევა. “ჰერტამ” სასტარტო 12 ტურში ზედიზედ ორი შეხვედრის მოგებაც კი ვერ მოახერხა და ამ კანონზომიერების გათვალისწინები მასპინძლები “ბაიერნთანაც” ვერ მიაღწევენ სასურველ შედეგს.

 

ვოლფსბურგი – გლადბახი

მიუნხენური გრანის უახლოესი მდევრები მოახლოებულ ტურში ურთიერთობას ერთმანეთთან გაარკვევენ. მეორე-მესამე პოზიციებზე მყოფი გუნდების შეხვედრა შეგვიძია ტურის ცენტრალურ დაპირისპირებად მოვნათლოთ.

ორივე გუნდს ბოლო დროს საკმაოდ ცუდი შედეგები აქვ. “ვოლფსბურგმა”  ბუნდესლიგის უკანასკნელ ტურში განცდილ მარცხს ევროპა ლიგაზეც “ევერტონთან” წაგებაც დაუმატა. “გლადბახის” მოუგებელი სერია კი უკვე 4 შეხვედრას მოიცავს.

ასე რომ, შაბათს გასამართ დაპირისპირებაში გუნდები ნავსის გატეხვას ეცდებიან. თუმცა, “ვოლფსბურგის” საკუთარ მოედანზე დამარცხება ჯერჯერობით ბუნდესლიგის გუნებმა ვერ შეძლეს.

 

აინტრახტი – დორტმუნდი

სახიფათო ზონაშ მყოფი “დორტმნდი” მე-13 ტურში ფრაქფურტს ესტუმრება, სადაც “აინტრახტთან” გამართავს შეხვედრას.

დორტმუნდელებმა ჩემპიონთა ლიგაში ჯგუფიდან გასვლის საკითხი დადებითად ჯერ კიდევ მეოთხე ტურში გადაწყვიტეს. ამიტომ, რამდენიმე დღის წინ ლონდონში განცდილი მარცხი დიდი დარტყმა არ ყოფილა. აი, ბუნდესლიგაში კიდევ ერთი წარუმატებელი შეხვედრა უკვე საგანგაშო ნიშანი ინქება.

12 ტურის შემდეგ კლოპის გუნდის აქტივში მხოლოდ 11 ქულაა, რაც საკმაოდ ცუდი შედეგია. თუმცა, ბუნდესლიგის სატურნირო ცხრილში არსებული სიმჭიდროვის გათვალისწინებით, დორტმუნდელებს ზედიზედ რამდენიმე მოგებული მატჩის შემთხვევაში პირველი წრის დასრულებამდეც კი შეუძლიათ ევროზონასთან მიახლოვება.

 

ტურის მატჩები და ევროპაბეთის კოეფიციენტები

28.11	23:30	ფრაიბურგი	2.45	3.25	3.00	შტუტგარტი		დაწვრილებით
29.11	18:30	შალკე 04	2.00	3.50	3.80	მაინცი		დაწვრილებით
29.11	18:30	ლევერკუზენი	1.55	4.00	6.45	კიოლნი		დაწვრილებით
29.11	18:30	აუგსბურგი	2.10	3.40	3.60	ჰამბურგი		დაწვრილებით
29.11	18:30	ჰერტა	14.50	6.50	1.25	ბაიერნი		დაწვრილებით
29.11	18:30	ვერდერი	2.35	3.40	3.05	პადერბორნი		დაწვრილებით
29.11	21:30	ჰოფენჰაიმი	1.85	3.70	4.20	ჰანოვერ 96		დაწვრილებით
30.11	18:30	ვოლფსბურგი	2.00	3.50	3.75	გლადბახი		დაწვრილებით
30.11	20:30	აინტრახტი	4.70	4.00	1.70	დორტმუნდი		დაწვრილებით

 

Fanebi.com წარმოგიდგენთ გერმანული ბუნდესლიგის მორიგი ტურის მიმოხილვას.

ბაიერნი – ჰოფენჰაიმი

გათამაშების ერთპიროვნულმა ლიდერმა მორიგი გამარჯვება განსაკთრებული პრობლემების გარეშე მოიპოვა. გასულ ტურში კვლავ გამოჩნდა, რომ “ბაიერნი” ლიდერთა ჯგუფში მყოფ გუნდებსაც კი ერთი თავით ჯობნის.

“ჰოგენჰაიმთან” შეხვედრაში “ბაიერნმა” ოთხი გოლის გატანა შეძლო და საკუთარი კარიც მშრალად შეინახა. ანგარიში 23-ე წუთზე გიოტცემ გახსნა. ტაიმის დასრულებამდე 5 წუთით ადრე კი რობერტ ლევანდოვსკიმ მეორე შეაგდო, რის შემდეგაც მასპინძებმა პაუზა აიღეს. მესამე გოლი 82-ე წუთზე რობენის დარტყმის შემდეგ გავიდა, რამდენიმე წუთში კი საბოლოო ანგარიში როდემ დააფიქსირა.

შალკე – ვოლფსბურგი

ტურის ერთ-ერთი გამორჩეული დაპირისპირება გელზენკირხენში გაიმართა, სადაც “შალკემ” “ბაიერნის” მთავარ მდევარს უმასპინძლა და მეტოქის დამარცხებაც შეძლო.

მასპინძლებმა საკმაოდ აქტიურად დაიწყეს და 25-ე წუთისთვის უკვე სამბურთიანი უპირატესობით იგებდნენ. “ვოლფსბურგმა” სხვაობის შემცირება 37-ე წუთზე, ივიცა ოლიჩის გოლით მოახერხეს. ერთი გოლიც შესვენების მერე, ბენდტნერის ძალისხმევით გაიტანეს, მაგრამ მეტის გაკეთება ვეღარ შეძლეს და მიმდინარე სეზონში მესამე მარცხი იწვნიეს. ვოლფსბურგელები ლიდერ “ბაიერნს” უკვე 7 ქულით ჩამორჩებიან. “შალკე” კი ამ გამარჯვებით ევროზონას მიუახლოვდა.

 

პადერბორნი – დორტმუნდი

კვლავ ვერ მოიგო დორტმუნდის “ბორუსიამ”, რომელიც გასულ ტურში “პადერბორნს” სტუმრობდა.

დორტმუნდელებმა კარგად დაიყწეს და მე-12 წუთზე ობამეიანგის გოლს, ტაიმის მიწურულს როისის შედეგიანიც დარტყმაც დაუმატეს. თუმცა, მეორე ნახევარი კლოპის გუნდისთვის უიღბლო აღმოჩნდა. მასპინძებმა ჯერ სხვაობა შემაცირეს, შემდეგ როისი დაშავდა, მატჩის ბოლოს კი საღლიკმა მეორეც გაიტანა, ანგარიში გაათანაბრა და დორტმუნდელები გასავარდნ ზონაში დააბრუნა.

 

ტურის ყველა მატჩი და ევროპაბეთის კოეფიციენტეიბი:

22.11	18:30	ბაიერნი		4:0		ჰოფენჰაიმი		დაწვრილებით
22.11	18:30	შალკე 04		3:2		ვოლფსბურგი		დაწვრილებით
22.11	18:30	გლადბახი		1:3		აინტრახტი		დაწვრილებით
22.11	18:30	მაინცი		2:2		ფრაიბურგი		დაწვრილებით
22.11	18:30	ჰანოვერ 96		1:3		ლევერკუზენი		დაწვრილებით
22.11	18:30	პადერბორნი		2:2		დორტმუნდი		დაწვრილებით
23.11	18:30	ჰამბურგი		2:0		ბრემენის ვერდერი		დაწვრილებით
24.11	21:30	კიოლნი		1:2		ჰერტა		დაწვრილებით
23.11	20:30	შტუტგარტი		-:-		აუგსბურგი		დაწვრილებით

Fanebi.com წარმოგიდგენთ გერმანული ბუნდესლიგის მორიგი ტურის პრევიუს.

ბაიერნი – ჰოფენჰაიმი

მიუნხენის “ბაიერნი” საკუთარ მოედანზე “ჰოფენჰაიმს” უმასპინძლებს. სტუმრებმა კარგი სტარტის შემდეგ უკანასკნელ ორ ტურში ორი მარცხი იწვნიეს და ლიდერთა ჯგუფს ჩამორჩნენ. დიდი ალბათობით, დღეს გამართული შეხვედრის შემდეგ “ჰოფენჰაიმის” მარცხიანი სერია სამ მატჩამდე გაიზარდება. მიმდინარე სეზონში მიუნხენელებს გერმანიაშიც და ევროპაშიც ერთეულები თუ უწევენ ღირსეულ წინააღმდეგობას.

შალკე – ვოლფსბურგი

მიუნხენელთა მთავარი მდევარი მოახლოებულ ტურში გელზენკირხენს ეწვევა, სადაც ურთიერთობას “შალკესთან” გაარკვევს.

დი მატეოს შეგირდები რამდენიმე ტურია ვერ ახერხებენ ზედიზედ ორჯერ დადებითი შედეგის დაფიქსირებას. ამ კანონზომიერების გათვალისწინებით “შალკეს” მოახლოებულ ტურში მოგების დრო აქვს. თუმცა, საკმაოდ კარგ სათამაშო კონდიციებში მყოფ “ვოლფსბურგთან” ეს იოლი საქმე ნამდვილად არაა.

 

პადერბორნი – დორტმუნდი

სანაკრებო პაუზამდე მოპოვებული ნანატრი გამარჯვების შემდეგ დორტმუნდის “ბორუსია” ქულების მარაგის შევსებას პადერნბორში ეცდება.

ბუნდესლიგის დებიუტანტმა გათამაშება კარგად დაიწყო, თუმცა ბოლო დროს მათი მდგომარეობა უკეთესის სურვილს ტოვებს. დორტმუნდში კი იმედოვნებენ, რომ “გლადბახთან” მოპოვებული გამარჯვება პირველ რიგში გუნდის ფსიქოლოგიურ მდგომარეობაზე იმოქმედებს, რაც დადებითი შედეგების წინაპირობა გახდება.

 

ტურის ყველა მატჩი და ევროპაბეთის კოეფიციენტეიბი:

22.11	18:30	ბაიერნი	1.20	8.00	15.00	ჰოფენჰაიმი		დაწვრილებით
22.11	18:30	შალკე 04	3.30	3.45	2.20	ვოლფსბურგი		დაწვრილებით
22.11	18:30	გლადბახი	1.47	4.50	6.85	აინტრახტი		დაწვრილებით
22.11	18:30	მაინცი	2.25	3.30	3.30	ფრაიბურგი		დაწვრილებით
22.11	18:30	ჰანოვერ 96	3.60	3.50	2.05	ლევერკუზენის		დაწვრილებით
22.11	18:30	პადერბორნი	6.40	4.40	1.50	დორტმუნდი		დაწვრილებით
23.11	18:30	ჰამბურგი	2.00	3.45	3.85	ვერდერი		დაწვრილებით
24.11	21:30	კიოლნი	2.25	3.25	3.35	ჰერტა		დაწვრილებით
23.11	20:30	შტუტგარტი	2.60	3.25	2.85	აუგსბურგი		დაწვრილებით