კატალონიიის “ბარსელონას” ნახევარმცველი, ჩავი ერნანდესი აცხადებს, რომ შესაძლოა, მან საფეხბურთო კარიერა “ბლაგაურნაში” არ დაასრულოს.
შეგახსენებთ, რომ 33 წლის ფეხბურთელს კატალონიურ კლუბთან კონტრაქტი 2016 წელს ეწურება.
“ვფიქრობ, აქ კარიერის დასრულება რთულია. არ ვიცი, რა მოხდება. სიმართლე გითხრათ, ყველაფრის დაზუსტება მსურს. ფიზიკურად, თავს ძალიან კარგად ვგრძნობ. არ მინდა, რომ რომელიმე მატჩი გამოვტოვო, პირიქით – ყოველთვის თამაში მსურს”, – ამბობს ჩავი.
“ბარსელონას” ნახევარმცველმა, ჩავიმ განაცხადა, რომ მას და მის თანაგუნდელებს პეპ გვარდიოლა ენატრებათ.
“ბუნებრივია, ის ჩვენ გვაკლია. იგივეს ვიტყოდი ტიტო ვილანოვაზეც. ახლა ჩვენი მწვრთნელი ხერარდო მარტიონოა. ბუნებრივია სამივეს ფეხბურთის თავისი ხედვა აქვს და ისინი ძალიან მაღალი დონის სპეციალისტები არიანა, მაგრა გვარდიოლასთან ჩვენ თავს ბედნიერად ვგრძნობდით, ვინაიდან მისი ხელმძღვანელობით კლუბის ისტორიაში მრავალი ახალი ფურცელი ჩავწერეთ” – განაცხადა ჩავიმ.
კატალონიის “ბარსელონას” ნახევარმცველი, ჩავი ერნანდესი აცხადებს, ფრანკ რიბერი და კრიშტიანო რონალდუ ოქროს ბურთს იმსახურებენ, თუმცა მსოფლიოს საუკეთესო ფეხბურთელი კრიშტიანო რონალდუა.
შეგახსენებთ, რომ წელს, ოქროს ბურთის მოპოვების მთავარ კანდიდატად პორტუგალიელი კრიშტიანო რონალდუ ითვლება.
“რა თქმა უნდა, რიბერი და რონალდუ ბრწყინვალე ფეხბურთელები არიან და ისინი ოქროს ბურთს იმსახურებენ, მაგრამ უდაოა, რომ მსოფლიოს საუკეთესო მოთამაშე ლიონელ მესია. ცხადია, ხმა ლიონელს მივეცი”, – ამბობს ჩავი.
ესპანეთის ნაკრების მთავარმა მწვრთნელმა ვისენტე დელ ბოსკემ გაამჟღავნა, თუ ვის მისცა ხმა „ოქროს ბურთის“ გამოკითხვაში. ფეხბურთის ესპანელმა სპეციალისტმა უპირატესობა თავის ფეხბურთელებს მიანიჭა.
„ხმა ჩავის და ინიესტას მივეცი. ისინი პრეტენდენტთა შორის იყვნენ და უბრალოდ არ შემეძლო, რომ სხვა ფეხბურთელები დამესახელებინა. მესამე მოთამაშე, რომელსაც ხმა მივეცი, ეს ფრანკ რიბერი გახლავთ. იგი ლოგიკური მიზეზით ავირჩიე: „ბაიერნთან“ ერთად მოიგო გერმანიის ჩემპიონატი, ქვეყნის თასი და ჩემპიონთა ლიგა. გარდა ამისა, მან საფრანგეთის ნაკრებთან ერთად 2014 წლის მსოფლიოს ჩემპიონატზე თამაშის უფლება მოიპოვა“, – დელ ბოსკეს სიტყვებს Football Espana ციტირებს.
შეგახსენებთ, რომ „ოქროს ბურთის“ დაჯილდოების ცერემონიალი 2014 წლის 13 იანვარს, ციურიხში შედგება.
ბექა დოგრაშვილი
ესპანთის ნაკრების მთავარმა მწვრთნელმა ვისენტე დელ ბოსკემ მსოფლიოს საუკეთესო ფეხბურთელის გამოსავლენად საკუთარ ანრჩევანზე უამბო ესპანურ პრესას.
“ხმა ჩავის, ინიესტას და რიბერის მივეცი. არ მინდოდა იმ ომში ჩართვა რომელიც ახლა მიმდინარეობს ამ საკითხთან დაკავშირებით. ლოგიკურია, რომ მესამე ნომრად სწორედ რიბერი დავასახელე. გასულ სეზონში მანდ კლუბთან ერთად ყველაფერი მოიგო სარფანგეთის ნაკრები კი მსოფლიო ჩემპიონატზე მოხვდა” – განაცხადა დელ ბოსკემ.
ინტერნეტ-სივრცეში ვიდეო გავრცელდა, რომელშიც აღბეჭდილია, თუ როგორ ულოცავენ “ბარსელონას” ფეხბურთელები გულშემატკივრებს შობა-ახალ წელს.
კატალონიის “ბარსელონას” ნახევარმცველი, ჩავი ერნანდესი აცხადებს, რომ მისი თანაგუნდელი ნეიმარი ბრწყინვალე ფეხბურთელია, რომელიც შექებას აუცილებლად იმსახურებს.
შეგახსენებთ, რომ 10 ნოემბერს, “ბეტისმა” “ბარსელონა” საკუთარ მოედანზე მიიღო, მატჩი კი კატალონიელთა გამარჯვებით, 1:4 დასრულდა. ნეიმარმა შეხვედრაში ერთი გოლის გატანა შეძლო – მან ანგარიში 36-ე წუთზე გახსნა.
“რა თქმა უნდა, ნეიმარი ბრწყინვალე ფეხბურთელია. ამ თემასთან დაკავშირებით, სადაო არაფერია. ვფიქრობ, მას შეუძლია, გუნდის ლიდერად ჩამოყალიბდეს, რისთვისაც ყველა თვისება გააჩნია”, – ამბობს ჩავი.
26 ოქტომბერს, ესპანეთის პრიმერა დივიზიონში, კატალონიის “ბარსელონამ” საკუთარ მოედანზე მადრიდის “რეალი” მიიღო და მეტოქე მინიმალური სხვაობით, 2:1 დაამარცხა.
აღნიშნულ შეხვედრაში, “ბლაგაურნას” ნახევარმცველმა, ჩავიმ შესანიშნავი ფინტი გააკეთა.
„ბარსელონას“ ნახევარმცველი ჩავი ერნანდესი თვლის, რომ კლუბის ახალწვეულ ნეიმარის მიმართ მადრიდში შავი პიარის აგორებას ცდილობენ.
ცოტა ხნის წინათ, ბრაზილიის ეროვნული ნაკრების ფეხბურთელს სიმულაციაში დასდეს ბრალი. კერძოდ, მადრიდის „რეალის“ ყოფილმა და ლონდონის „ჩელსის“ ამჟამინდელმა მთავარმა მწვრთნელმა ჟოზე მოურინიომ განაცხადა, რომ ნეიმარი სიმულანტია და იქვე ისიც დაამატა, რომ ამ მოვლენას ყველამ უნდა ებრძოლოს.
„ეს იმის გამო ხდება, რომ ჩვენ ბევრი მტერი გვყავს. მადრიდში ცდილობენ, ნეიმარს ეთიკის დამრღვევი ფეხბურთელის იარლიყი მიაკერონ, რისთვისაც რაღაც მასალებს ეძებენ. ის ყურადღების ცენტრშია, თუმცა სიმულანტი არ გახლავთ“, – აღნიშნა ჩავიმ.
ბექა დოგრაშვილი
