ჭდე: ჩელსი

დიდი დარტყმა ლონდონის “ჩელსისათვის” – ესპანეთის ფეხბურთის ფედერაცია ადასტურებს ინფორმაციას, რომლის მიხედვითაც, ალვარო მორატას მიერ “მანჩესტერ სიტისთან” მატჩში მიღებული დაზიანება უფრო სერიოზული აღმოჩნდა, ვიდრე ეს ერთი შეხედვით ჩანდა.

როგორც ცნობილი ხდება, ესპანელ თავდამსხმელს მყესები აქვს დაზიანებული, რის გამოც შესაძლოა, რომ ერთ თვეზე მეტი გაუცდეს, რაც ანტონიო კონტეს ნამდვილად დიდ პრობლემებს შეუქმნის.

აღსანიშნავია ისიც, რომ ესპანელ შემტევს ჩემპიონთა ლიგაზე, “რომასთან” გასამართი ორივე მატჩის გამოტოვება მოუწევს.

ცნობისთვის გეტყვით, რომ პრემიერ ლიგის მიმდინარე სეზონის შვიდ მატჩში მორატამ ექვსი გოლის გატანა შეძლო და “არისტოკრატთა” ლიდერის ფუნქციებიც საკმაოდ კარგად შეითავსა.

ლონდონის “ჩელსის” ამჟამინდელმა და მადრიდის “რეალის” ყოფილმა თავდამსხმელმა, ალვარო მორატამ ინგლისის სუპერთასის მატჩი გაიხსენა (1:1; 1:3 – პენალტების სერიაში), რომელშიც ამ უკანასკნელმა თერთმეტმეტრიანის გამოყენება ვერ შეძლო.

“თავს საშინლად ვგრძნობდი იმ დღის შემდეგ, ჩემს თავს ვადანაშაულებდი, როგორ ვერ შევძელი ინგლისის სუპერთასის მატჩში პენალტის გატანა.

ცუდი პერიოდი მქონდა, ზედიზედ ორი დღე ვიყავი ჩაკეტილი. იმდენაც ცუდ მდგომარეობაში ვიყავი, რომ საკუთარმა ცოლმა ჩემი სახლიდან გაგდებაც კი სცადა.

გაკვეთილი ვისწავლეთ და ყველაფერი ისე გავაკეთეთ, როგორც გვინდოდა (“ატლეტიკოსთან” ბოლო წუთზე მოგებული მატჩი). ბოლო წუთებზე კონცენტრაცია არავითარ შემთხვევაში უნდა დავკარგოთ და ფხიზლები უნდა ვიყოთ,” – აცხადებს მორატა.