ლონდონის “ჩელსის” ბელგიელი ლიდერი, ედენ აზარი იანიკ ფერეირა კარასკოს გადაწყვეტილებას გამოეხმაურა, რომელმაც მადრიდული “ატლეტიკო” ჩინურ კლუბში, “დალიან იფან”-ში გაცვალა.
“შესაძლოა, მისთვის ჩინეთში გადასვლა ერთადერთ ვარიანტს წარმოადგენდა. “ატლეტიკოში” რომ დარჩენილიყო, შესაძლოა სულ ვერ ეთამაშა. ახლა კი ფაქტია, რომ მას სათამაშო დრო არ მოაკლდება – ესპანეთში სათადარიგოთა სკამზე ჯდომას ჩინეთში თამაში ჯობს.
ბევრს ეს ტრანსფერი უცნაურად ეჩვენება, მაგრამ კარასკოს თავისი მიზეზები ჰქონდა. იმაშიც დარწმუნებული ვარ, რომ ჩინეთში თამაში ნაკრებში მისი მოხვედრის შანსებს არ შეამცირებს,” – აცხადებს ედენ აზარი.
შეგახსენებთ, რომ თავად ედენ აზარი ძალიან ახლოსაა ესპანეთში, კერძოდ კი მადრიდში გადაბარგებასთან.
