ჭდე: ჩელსი

ლონდონის “ჩელსის” მთავარი მწვრთნელის, ანტონიო კონტეს აგენტმა, ფედერიკო პასტორელომ პრესასთან თავისი კლიენტის მომავალზე ისაუბრა და აღნიშნა, რომ კონტეს კლუბის დატოვება არ სურს.

“კონტეს უკვე აქვს ნაკრებში მუშაობის გამოცდილება და თვლის, რომ მისი საქმე საკლუბო ფეხბურთი უფროა, ვიდრე სანაკრებო. ამასთანავე, მას კლუბთან კონტრაქტი აკავშირებს, რაც ბევრს ნიშნავს.

ვფიქრობ, ის მომდევნო სეზონსაც “სტემფორდ ბრიჯზე” გაატარებს. კონტეს კლუბთან არსებული კონტრაქტი 2019 წელს ეწურება, მას კი, ნამდვილად არ უყვარს საქმის შუა გზაზე მიტოვება,” – აცხადებს პასტორელო.

ლონდონის “ჩელსის” მთავარმა მწვრთნელმა, ანტონიო კონტემ პრესასთან საუბრისას კიდევ ერთხელ აღნიშნა, რომ კლუბი მის სურვილებს არ იზიარებს. იტალიელმა სპეციალისტმა საკმაოდ ხმაურიანი განცხადებები გააკეთა, რითიც “ხელმომჭირნე” რომან აბრამოვიჩს გაჰკრა კბილი.

როდესაც კონტეს ჰკითხეს, შეძლებდა თუ არა რომელიმე სპეციალისტი არსებული რესურსის უკეთ გამოყენებას, მან განაცხადა:”არ ვიცი, ვერ გიპასუხებთ. როგორც წესი, ჩემი გამოცდილება მაძლევს იმის თქმის საშუალებას, რომ ფეხბურთელებისგან მაქსიმუმს ვიღებ. მე მწვრთნელების იმ კატეგორიას მივეკუთვნები, რომლებიც 6-ქულიან ფეხბურთელი 8-მდე აჰყავს, ხოლო რვაქულიანი ათქულიანამდე.

ჩემი მოვალეობა თითოეული მათგანის გაძლიერებაა, ყოველ ასპექტში – მათ შორის მენტალიტეტის მხრივაც. მე მათ ბრძოლის სურვილი უნდა ჩავუნერგო. ჩემი საქმე ესაა და ამას ძალიან კარგად ვაკეთებ. თუმცა ხელმძღვანელების დარწმუნება, რომ ტრანსფერები გვჭირდება, არ გამომდის.

ამ ასპექტში გასაუმჯობესებელი ბევრი მაქვს. სხვა მწვრთნელებისგან უნდა ვისწავლო, მათთან უფრო მეტი უნდა ვისაუბრო. უნდა მივბაძო იმ მწვრთნელებს, რომლებიც კლუბს ბევრს ახარჯვინებენ უმაღლესი დონის ფეხბურთელების ტრანსფერებში. ალბათ, ერთ-ერთი გზა ფეხბურთელების გაძლიერების შეწყვეტაა… დიახ, ეს ჩემთვის არაერთხელ უთქვამთ,” – აცხადებს კონტე.

ლონდონის “ჩელსის” მთავარი მწვრთნელი, ანტონიო კონტე კატეგორიულად უარყოფს ინფორმაციას, რომლის თანახმადაც ის კლუბის დატოვებას გეგმავს.

“კლუბის დატოვებაზე ერთი წუთითაც არ ვფიქრობ. “ჩელსის” წარმატებისთვის ჩვენ ყველაფერს ვაკეთებთ, ამ დამოკიდებულებაში ეჭვი არასოდეს შემპარვია.

ფეხბურთში ხშირად მთავარი მწვრთნელის ბედს შედეგები წყვეტს. ჩვენს მიერ ნაჩვენები შედეგები კი ნამდვილად არასახარბიელოა. დიდი ყურადღება გვმართებს მომდევნო მატჩებში.

ხაზგასასმელია ფანების ფაქტორიც. ისინი მუდამ გვენდობიან და ჩვენი სჯერათ, ეს დამატებით მოტივაციას წარმოადგენს ჩვენთვის და ყველაფერს გავაკეთებთ, რომ ეს მხარდაჭერა დავუფასოთ,” – აცხადებს კონტე.

ლონდონის “ჩელსის” მთავარმა მწვრთნელმა, ანტონიო კონტემ “არისტოკრატთა” ამჟამინდელი მდგომარეობა შეაფასა და წარუმატებლობის ძირითად მიზეზებზეც ისაუბრა.

“რეალისტები უნდა ვიყოთ და სწორად შევაფასოთ ჩვენი მდგომარეობა – ოთხეულში მოხვედრისთვის ვიბრძვით. ერთიენები უნდა ვიყოთ და მომავალში, შესაძლებლობის შემთხვევაში ორი-სამი ფეხბურთელი უნდა დავიმატოთ და არა – რვა.

წარმატების საწინდარი კარგი გუნდია, რისთვისაც 16 ფეხბურთელია საჭირო. გასულ ზაფხულს რვა ფეხბურთელი ვიყიდეთ, რაც იმას ნიშნავს, რომ გუნდში ბირთვი, საფუძველი არ არსებობდა.

ბოლო წლებში მნიშვნელოვანმა ფეხბურთელებმა დაგვტოვეს. მოთმინება და რწმენა გვმართებს. ნაბიჯ-ნაბიჯ უნდა ვიმოქმედოთ და ჩვენს გზას გავყვეთ,” – აცხადებს იტალიელი სპეციალისტი.

ამ დროისთვის “ჩელსი” 50 ქულით მეოთხე ადგილზე იმყოფება და ორი ქულით უსწრებს უახლოეს მდევარ “ტოტენჰემს”.

ლონდონის “ჩელსის” მთავარმა მწვრთნელმა, ანტონიო კონტემ პრესასთან საუბრისას აღნიშნა, რომ გუნდში ახალი ფეხბურთელების მიყვანის მომხრეა თუმცა, ეს მისი გადასაწყვეტი არ არის.

“ძალიან ბედნიერი ვიქნები, თუ ამ კლუბის ფეხბურთელებთან მუშაობას გავაგრძელებ. ბედნიერი მაქვს, რომ ჩემი საქმის კეთების საშუალება მეძლევა. დიდი სიამოვნებით მივიღებდი რამდენიმე ახალწვეულს.

ყოველთვის ვამბობდი და ახლაც ვიმეორებ – მე მწვრთნელი ვარ და ჩემი საქმე არსებული რესურსის მაქსიმალურად გამოყენებაა. ფეხბურთელებს გაძლიერებასა და განვითარებაში უნდა დავეხმარო.

რაც შეეხება ბარკლის, მას დრო სჭირდება გამოსაჯანმრთელებლად,” – აცხადებს იტალიელი სპეციალისტი, რომელსაც “არისტოკრატ” ჩინოვნიკებთან არც თუ ისე კარგი ურთიერთობა აქვს.