ლონდონის “ჩელსის” ხელმძღვანელები ძალიან ახლოს იმყოფებიან “რომას” მარცხენა მცველის, ემერსონ პალმიერის ტრანსფერთან. ამ ინფორმაციას უცხოური პრესის ავტორიტეტული წარმომადგენლები ადასტურებენ.
როგორც ცნობილი ხდება, “არისტოკრატებმა” უკვე მიაღწიეს შეთანხმებებს “რომაელებთან” და ისინი ამ ტრანსფერში 20-25 მილიონ ევროს გადაიხდიან.
გეტყვით იმასაც, რომ 23 წლის პალმიერი ბრაზილიაში დაიბადა, თუმცა იტალიის მოქალაქეობით სარგებლობს. მარცხენა მცველი “რომაში” გადასვლამდე “პალერმოს” ღირსებას იცავდა.
იტალიელმა ფეხბურთელმა 2017 წლის მაისის თვეში მძიმე ტრავმა მიიღო, რომელიც ბოლომდე ჯერაც არ მორჩენილა. ამ მიზეზით, მან მიმდინარე სეზონში მხოლოდ ორჯერ მოახერხა მოედანზე გასვლა.
