ტურინის „იუვენტუსის“ მცველმა ჯორჯო კიელინიმ „მონაკოსთან“ მოგებული შეხვედრა შეაფასა.
„დასაწყისში არასაოწრად ვმოქმედებდით. მეტოქის თავდამსხმელებს საკმაოდ ბევრ სივრცეს ვაძლევბვდით, რაც კონტრშეწტევების დროს ძალიან არისკო იყო. შემდომ სიტუაციის გამოსწორება მვოახერხეთ.
გვემოსდა, რომ გაგვიჭირდებოდა. „მონაკო“ „ბორუსია“ არ არის. ეს გუნდი თავისუფლად თამაშის შესაძლებლობას არ იძლება. პირველ ოც წუთში სიტუაცია დაძაბული იყო. ვფიქრობ, დამსახურებულად მოვიგეთ“, – განაცხადა ჯორჯომ.
მადრიდის „რეალის“ მცველმა დანი კარვახალმა „ატლეტიკოსთან“ უგოლოდ დასრულებული მატჩის შეფასებისას ყურადღება არბიტრების მუშაობას მაიქცია.
„მარიო სუარესმა თქვა, რომ მსაჯმა ცუდად იმუშავა? ეს მისი აზრია. დღეს მსაჯმა შეცდომები ორივე გუნდის სასარგებლოდ დაუშვა. მაგალითად, მარსელო ყვითელ ბარათს არ იმსახურებდა, რომლის გამოც ის საპასუხო შეხვედრას გამოტოვებს.
ვფიქრობ, ასეთი შეხვედრები მსაჯებისთვის ძალიან რთულია. დაძაბულობის გათვალისწინებით, ჯამში არბიტრი დაკისრებულ მოვალეობას გაუმკლავდა“, – განაცხადა კარვახალმა.
ტურინის „იუვენტუსის“ მთავარმა მწვრთნელმა მასიმილიანო ალეგრიმ „მონაკოსთან“ უეფას ჩემპიონთა ლიგის მოგებული მატჩის შესახებ ისაუბრა.
„გარკვეულ ეპიზოდებში ცუდად ვითამაშეთ. დაცვაში თამაში უნდა გავაუმჯობესოთ და მომენტები უკეთესად გამოვიყენოთ.
ამის მიუხედავად, შედეგითა და გუნდის მოქმედებებით კმაყოფილი ვარ. ძალიან მნიშვნელოვანი არ არის კარგად 90 თუ 50 წუთის განმავლობაში ვითამაშეთ. საბოლოო შედეგი ჩვენ სასარგებლოდაა.
თუმცა, ვაღარებ, რომ თამაშის დასაწყისში არაორგანიზებულად ვმოქმედებდით“, – განაცხადა ტურინელთა დამრიგებელმა.
მადრიდის „რელის“ დირექტორმა ემილიო ბუტრაგენიომ აღნიშნა, რომ უეფას ჩემპიონთა ლიგის 1/4-ფინალური ეტაპის პირველ მატჩში მისმა გუნდმა თანაქალაქელ „ატლეტიკოს“ აჯობა.
„შედეგს თუ არ გავითვალისწინებთ, ეს ბრწყინვალე მატჩი იყო. ჩვენ უკეთესად ვთამაშობდით და მეტოქეზე გაცილებით მეტი მომენტი შეგვექმნა, თუმცა ობლაკმა უმაღლეს დონეზე ითამაშა, რითაც უპირატესობის მოპოვების შესაძლებლობა არ მოგვცა“, – განაცხადა ბუტრაგენიომ.
„ბარსელონას“ მთავარმა მწვრთნელმა ლუის ენრიკემ „პარი სენ-ჟერმენთან“ უეფას ჩემპოიონთა ლიგის 1/4-ფინალური ეტაპის პირველი მატჩის შესახებ ისაუბრა.
„დაცვაში უნდა მოვუმატოთ. პსჟ-ს ჩინებული შემადგენლობა ჰყავს, რაც „ჩელსისთან“ სერიაში დადასტურდა. ვფიქრობ, ამ დაპირისპირებაში ორივე გუნდს თანაბარი შანსები აქვს.
მეტოქეს პოზიციური შეტევების აწყობა და კონტრშეტევებში წასვლა შეეძლება. ამ გუნდს ბევრი ძლიერი მხარე აქვს.
შეხვედრა საინტერესო უნდა გამოდგეს. ჩემი აზრით, ბევრს გოლს ვნახავთ, თუმცა, რა თქმა უნდა, ვიმედოვნებ, რომ უფრო მეტს ჩვენ გავიტანთ“, – განაცხადა „ბარსას“ დამრიგებელმა.
ტურინში, ჩემპიონთა ლიგის პირველ მეოთხედფინალურ შეხვედრაში ტურინის “იუვნეტუსმა” “მონაკოს” უმასპინძლა და მეტოქე მინიმალური ანგარიშით დაამარცხა.
უგოლო პირველი ტაიმის შემდეგ გადამწყვეტი გოლი მასპინძლებმა 57-ე წუთზე გაიტანეს. ზუსტად შესრულებული 11-მეტრიანი საჯარიმო დარტყმით განმეორებით მატჩის წინ საკუთარ გუნდს მცირე უპირატესობა არტურო ვიდალმა მოუტანა.
განმეორებითი შეხვედრა “მონაკოს” საშინაო არენაზე 22 აპრილს შედგება.
იუვენტუსი 1-0 მონაკო
გოლი: ვიდალი 57′
მადრიდში, “ვისენტე კალდერონზე”, ჩემპიონთა ლიგის პირველ 1/4 ფინალურ შეხვედრაში “ატლეტიკომ” “რეალს” უმასპინძლა.
შეხვედრა, რომელიც ნომინალური სტუმრებით დიდი უპირატესობით დაიწყო და მეორე ნახევარში მეტნაკლებად გათანაბრდა, საბოლოოდ გატანილი გოლების გარეშე დასრულდა.
აღსანიშნავია, რომ მატჩი საკამოდ უხეში გამოდგდა და მთავარ არბტირ მილორად მაჟიჩს 5 ყვითელი ბარათის ჩვენება მოუწია, რის გამოც განმეორებით შეხვედრას, რომელიც 22 აპრილს შედგება, მარიო სუარესი და მარსელო გამოტოვებენ.
რამდენიმე წუთში ჩემპიონთა ლიგის 1/4 ფინალური მატჩები აიღებს სტარტს. იხილეთ, რა შემადგენლობით გამოვლენ მოედანზე მადრიდული გუნდის წარმომადგენლები.
“ატლეტიკო”: ობლაკი, ხუანფრანი, მირანდა, გოდინი, სიკეირა, გაბი, მარიო სუარესი, კოკე, არდა თურანი, გრიზმანი, მანჯუკიჩი.
“რეალი”: კასილასი, ვარანი, რამოსი, კრიშტიანუ რონალდუ, კროოსი, ბენზემა, ხამესი, ბეილი, მარსელო, კარვახალი, მოდრიჩი.
Fanebi.Com შემოგთავაზებთ ჩემპიონთა ლიგის ისტორიაში 10 საუკეთესო შემობრუნებულ თამაშს.
ჩემპიონთა ლიგაში 1/4 ფინალური დაპირისპირებები მადრიდსა და ტურინში გასამართი შეხვედრებით აიღებს სტარტს.
ატლეტიკო – რეალი
გასული წლის ფინალისტები ერთმანეთს მიმდინარე სეზონში უკვე მეხუთედ დაუპირისპირდებიან, რაც იმას ნიშნავს, რომ დიეგო სიმეონეს და კარლო ანჩელოტის ერთმანეთი უკვე კარგად ჰყავთ შესწავლილი.
ორივე გუნდი მატჩს ოპტიმალური შემადგენლობით ხვდება. სიმეონეს დღეს მოიას და რაულ გარსიას გამოყენებაც შეუძლია, თუმცა მათი გამოჩენა სასტარტოში ნაკლებადაა სავარაუდო. გადაწყვეტილია, რომ თამაშს შეძლებს მანჯუკიჩიც.
ტრავმიანობა “რეალშიც” დასრულდა, რაც ანჩელოტის ძირითადი შემაგენლობის არჩევას ურთულებს. მოსალოდნელია, რომ თადარიგში ისკო გადაინაცვლებს, რომელსაც ანჩელოტი ასეთ შემთხვევებში ყველაზე ხშირად ტოვებს სასტარტოს მიღმა.
სავარაუდო შემადგენლობები:
ატლეტიკო: ობლაკი – ხუანფრანი, მირანდა, გოდინი, ხესუს გამესი – თურანი, ტიაგუ, გაბი, კოკე – გრიზმანი, მანჯუკიჩი
რეალი: კასილიასი – კარვახალი, პეპე, სერხიო რამოსი, მარსელო – როდრიგესი, კროოსი, მოდრიჩი, ბეილი – ბენზემა, რონალდო.
იუვენტუსი – მონაკო
“იუვენტუსის” და განსაკუთრებით “მონაკოს” ნახევარფინალში გასვლა საკმაოდ კარგი შედეგი იქნება. რა თქმა უნდა წყვილში ფავორიტი ტურინული კლუბია, თუმცა 1/8 ფინალურ ეტპაზე “მონაკომ” ერთი ასეთი ფავორიტის დამარცხება შეძლო. ამიტომ, მასიმილიანო ალეგრი იოლი გასეირნები სმოლოდინში არ უნდა იყოს.
თუმცა, ტურინელთა დამრიგებელმა მატჩის წინ საკუთარ გუნდზე უფრო უნდა იფიქროს. “იუვენტუსი” მნიშვნელოვან შეხვედრას საკადრო პრობლემებით ხვდება. გამორიცხულია პოლ პოგბას თამაში, პირლო კი კვლავინდებურად კითხვის ნიშნის ქვეშ არის. ტრადიციულად არც “იუვეს” ტაქტიკური მონაქაზია ცნობილი – მოსალოდნელია 3 ან 4 ცენტრალური მცველით თამაში.
პრობლემები არც “მონაკოს” აკლია. ტულალანთან ერთად კითხვის ნიშნის ქვეშ არის რიკარდო კარვალიოსა და ტრაორეს თამაში. დიდი ალბათბით ტულალანის ნაცვლად მოედანზე ფაბინიო გამოვა. სხვა მხრივ კი მონეგასკთა შემადგენლობაში განსაკუთრებულ სიურპრიზებს არ უნდა ველოდოთ.
სავარაუდო შემადგენლობები
იუვენტუსი: ბუფონი – ბარძალი, ბონუჩი, კიელინი – ლიხტშტაინერი, მარკიზიო, ვიდალი, პერეირა, ევრო – მორატა, ტევესი.
მონაკო: სუბაშიჩი – რაჯი, უოლესი, აბდენური, კურზავა – ფაბინიო, კონდოგბია, ჟოაუ მოუტინიო – ბერნარდუ სილვა, მარტიალი, ფერეირა კარასკო.
მიუნხენის „ბაიერნის“ მცველმა დანტემ „პორტუსთან“ უეფას ჩემპიონთა ლიგის 1/4-ფინალური ეტაპის პირველი მატჩის შესახებ ისაუბრა.
„წინ რთლი შეხვედრა გველის. დიახ, „პორტუს“ ჯექსონ მარტინესი არ ეყოლება, თუმცა ამ გუნდს მის გარეშეც ჩინებული ფეხბურთელები ჰყავთ. ამის კარგ მაგალითს ბრაიმი წაროადგენს. ამიტომაც ძალიან ფრთხილად უნდა ვიყოთ“, – განაცხადა ბრაზილიელმა.
“ბაიერნის” ორმა ნახევარმცველმა “პორტუსთან” მატჩისთვის სათანადოდ მომზადება ვერ მოასწრო.
გერმანულ გუნდს ტრავმირებულების მხრივ საკმაოდ დიდი პრობლემა აქვს. მათი ლაზარეთი ფეხბურთელებითაა სავსე.
მოსალოდნელი იყო, რომ პორტუგალიურ გუნდს მზადყოფნაში შევხდებოდნენ ბასტიან შვაიშტაიგერი და ფრენკ რიბერი, მაგრამ ეს სამწუხაროდ ვერ მოხერხდა.
“სამწუხაროა, რომ ბასტიანი და ფრენკი ჩვენთან ერთად პორტუგალიაში ვერ გამოფრინდებიან. ახლა, ხოსეპ გვარდიოლას არჩევნის გაკეთება ახალგაზრდა მოთამაშეებზე მოუწევს,”- განაცხადა “რეკორდმეისტერთა” სპორტულმა დირექტორმა, მათიას ზამერმა.
ახლა საავადმყოფოში აირან: არიენ რობენი(მუცლის კუნთის ტრავმა), დავიდ ალაბა(შიდა იოგთა კუნთების გაწყვეტა), ტომ შტარკე(გაწყვეტილი იოგა), მეჰდი ბენათია(ბარძაყის კუნთის ტრავმა), ბასტიან შვაინშტაიგერი და ფრენკ რიბერი(ტერფის პრობლემები).
შეგახსენებთ, რომ “პორტუსთან” დაპირისპირება “ბაიერნს” ოთხშაბათს, თბილისის დროით 22:45 საათზე მოუწევს.
![“ატლეტიკო” VS “რეალი” [სასტარტო შემადგენლობა]](https://fanebi.com/wp-content/uploads/2015/04/Miranda-Real-Madrid-v-Atletico-de-Madrid-UEFA-m2cflRFNn_Ll-594x288.jpg)
![10 საუკეთესო Come Back ჩემპიონთა ლიგის ისტორიაში [Video]](https://fanebi.com/wp-content/uploads/2015/04/Capture2.png)
