ჩემპიონთა ლიგა~ – გვერდი 8 – Fanebi.Com – ფეხბურთი, კალათბურთი, რაგბი, სხვა

გვარდიოლა: “მოხარული ვარ, რადგან “ბარსელონასთან” დაპირისპირება მომიწია”

Posted on აპრილი 24, 2015აპრილი 24, 2015 by საბა

“ბაიერნის” მთავარმა მწვრთნელმა, პეპ გვარდიოლამ კენჭისყრის შედეგებზე ისაუბრა.

ჩემპიონთა ლიგის 1/2 ფინალურ ეტაპზე მიუნხენური გუნდი სწორედ “ბარსელონას” დაუპირისპირდება. შეგახსენებთ, რომ აქ მოსვლამდე პეპი სწორედ კატალონიურ გრანდს წვრთნიდა.

“გვსურს ფინალამდე მიღწევა, მაგრამ “ბარსელონა” ძალიან რთული მეტოქეა. ემოციური დუელი იქნება. ტურნირზე ამ ეტაპზე ყოველთვის გიგანტები ეჯახებიან. გასულ წელს “რეალი” მივიღეთ, ახლა “ბარსას” დავუპირისპირდებით”.

“მოხარული ვარ, “ბარსელონასთან” შეხვედრით, რა თქმა უნდა, სამწვრთნელო კარიერის სტატუსით. ეს იქნება ორი დიდი მატჩი,”-განაცხადა გვარდიოლამ.

ობლაკი: „რეალს“ წარმატებას ვუსურვებთ“

Posted on აპრილი 23, 2015 by Alix

„რეალთან“ 1/4 ფინალში მარცხის შემდეგ „ატლეტიკოს“ მეკარემ იან ობლაკმა მეტოქეს ჩემპიონთა ლიგაზე წარმატება უსურვა.

„რა თქმა უნდა, გული დაგვწყდა, თუმცა ეს ფეხბურთია. ყოველთვის ვერ გაიმარჯვებ. წინ ესპანეთის ჩემპიონატის ექვსი ტური გველის. არ დავნებდებით და ჩემპიონატში კარგი ფეხბურთის ჩვენებას შევეცდებით.

„რეალისთვის“ გოლის გატანა გვსურდა, თუმცა ეს ვერ გამოგვივიდა. თურანის წითელმა ბარათმა სიტუაცია დაგვიმძიმა.

„რეალი“ ჩინებული გუნდია, რომლის შემადგენლობაშიც მაღალი დონის შემსრულებლები თამაშობენ. დღეს მათ გოლება დაიმსახურეს. გუნდს წარმატებას ვუსურვებთ“, – განაცხადა ობლაკმა.

ვიდალი: „მეტოქეებიდან არავის მეშინია“

Posted on აპრილი 23, 2015აპრილი 23, 2015 by Alix

ტურინის „იუვენტუსის“ ნახევარმცველმა არტურო ვიდალმა უეფას ჩემპიონთა ლიგის 1/2 ფინალში შესაძლო მეტოქეებზე საუბრისას აღნიშნა, რომ არც ერთი მატანის არ ეშინია.

შეგახსენებთ, რომ ტურინელთა გარდა, ტურინირის 1/2 ფინალში „ბაიერნი“, „ბარსელონა“ და „რეალი“ გავიდნენ.

„მე არავის მეშინია. ვფიქრობ, ყველა გუნდი ძლიერია. ჩვენი მეტოქის ვინაობა პარასკევს გაირკვევა. ჩემი აზრით, „იუვენტუსი“ არავის უთმობს. ჩვენი გუნდი გაძლიერდა და უფრო სახიფათოც გახდა“, – განაცხადა ჩილელმა.

ჩემპიონთა ლიგა: ოთხეული დღეს დაკომპლექტდება

Posted on აპრილი 22, 2015 by Levan

ჩემპიონთა ლიგაში ნახევარფინალური კვარტეტი დღევანდელი მატჩების შემდეგ დაკომპლექტდება.

მონაკო – იუვენტუსი

პირველი მატჩი – 1:0 იუვენტუსის სასარგებლოდ

მიუხედავად პირველ მატჩში მარცხისა “მონაკოს” საუკეთესო ოთხეულში მოსახვედრად საკმაოდ კარგი შანსები აქვს. გასათვალისწინებელია, რომ ერთი კვირის წინ ჟარდიმის გუნდმა ტურინში კარგი შთაბეჭდილება დატოვა. საშინაო კედლებში კი მათ გაცილებით უკეთესი ფეხბურთის ჩვენება შეუძლიათ.

“მონაკო” დღევანდელ თამაშს კარგი ამბებით ხვდება. ვადაზე ადრე გამოჯანმრთელდნენ და თამაშს შეძლებენ კლუბის წამყვანი ნახევარმცველები, ჟერემი ტულალანი და ჟოფრი კონდოგბია. მათგან ერთ-ერთი დღეს ძირითადში აუცილებლად ითამაშებს. ჟარდიმის მხრიდან სასტარტო შემადგენლობაში განსაკუთრებულ ცვლილებებს არ უნდა ველოდოთ.

მასიმილიანო ალეგრი ამ შეხვედრის წინაც ტრადიციულად არჩევანს 3-5-2-სა და 4-3-1-2-ს შორის გააკეთებს. პირველ შეხვედრაში ტურინელებმა ორი ცენტრალური მცველით ითამაშებს, თუმცა დღეს იტალიური პრესა მოედანზე სამი უკანახაზელის გამოსვლას ვარაუდობს. “იუვენტუსს” მინიმალური უპირატესობა აქვს შესანარჩუნებელი, რის გამოც მათი მხრიდან ფრთხილი, დაცვაზე ორიენტირებული ტაქტიკა უფრო ლოგიკური იქნებოდა.

სავარაუდო შემადგენლობები:

მონაკო: სუბაშიჩი – რაჯი, რიკარდო კარვალიუ, აბდენური, კურზავა – ტულალანი, ფაბინიო – ბერნარდუ სილვა, ჟოაუ მოუტინიო, ფერეირა კარასკო – მარტიალი

იუვენტუსი: ბუფონი – ბარძალი, ბონუჩი, კიელინი – ლიხტშტაინერი, პირლო, მარკიზიო, ვიდალი, ევრა – მორატა, ტევესი

რეალი – ატლეტიკო

პირველი მატჩი – 0:0

მადრიდულ დერბიშიც ყველაფერი დღევანდელ შეხვედრაში გაირკვევა. “რეალი” მატჩს მნიშვნელოვანი საკადრო პრობლემებით ხვდება. დისკვალიფიცირებულ მარსელოსთან ერთად კარლო ანჩელოტის ტრავმირებული ბეილი, მოდრიჩი და ბენზემა ვერ დაეხმარებიან, რაც იტალიელი სპეციალისტვის დიდი დანაკლისია. მოსალოდნელია, რომ მათ ადგილს მასპნიძელთა შემადგენლობაში კოენტრაუ, ილიარამენდი, ისკო და ჩიჩარიტო დაიკავებენ.

გარკვეული პრობლემები “ატლეტიკოსაც” აქვს, რაც პირველ რიგში მარიო სუარესის დისკვალიფიკაციას უკავშირდება. 100 პროცენტით მზად არც მანჯუკიჩია, თუმცა ხორვატი მოედანზე მაინც გამოვა.

სავარაუდო შემადგენლობები:

რეალი: კასილიასი – კარვახალი, ვარანი, სერხიო რამოსი, კოენტრაუ – ხამესი, ილიარამედნი, კროოსი, ისკო – ჩიჩარიტო, რონალდუ

ატლეტიკო: ობლაკი – ხუანფრანი, მირანდა, გოდინი, სიკეირა -თურანი, გაბი, ტიაგუ, კოკე – გრიზმანი, მანჯუკიჩი

ალეგრი: „გოლის გატანას შევეცდებით“

Posted on აპრილი 22, 2015აპრილი 22, 2015 by Alix

ტურინის „იუვენტუსის“ მთავარმა მწვრთნელმა მასიმილიანო ალეგრიმ „მონაკოსთან“ განმეორებითი მატჩის შესახებ ისაუბრა.

„ზუსტად არ ვიცი, თუ რა ტაქტიკას აირჩევს „მონაკო“. ამ გუნდის თვისებების გათვალისწინებით, გოლის გატანას შევეცდებით. ჩვენი მეტოქე თავს ძალიან კარგად იცავს, „მონაკოს“ ფიზიკურად ძლიერი ფეხბურთელები ჰყავს, ამიტომაც ეს შეხვედრა, პირველი მატჩის მსგავსად, რთული იქნება.

დაპირისპირების ბედი, შესაძლოა, მცირე დეტალებმაც კი გადაწყვიტონ. ნახევარფინალში გასვლის შანსი გვაქვს და ყველაფერი მხოლოდ ჩვენზეა დამოკიდებული. თუმცა, მოდით, ჯერ მოვლენებს წინ ნუ გავუსწრებთ“, – განაცხადა ტურინელთა დამრიგებელმა.

ნეიმარი: „დაწყებული გზით სვლა უნდა გავაგრძელოთ“

Posted on აპრილი 22, 2015 by Alix

„ბარსელონას“ თავდამსხმელი ნეიმარი პსჟ-სთან მოგებული შეხვედრის შემდეგ ჟურნალისტებს გაესაუბრა.

„დღეს ისეთივე ჩინებული მატჩი ჩავატარეთ, როგორიც პარიზში. თანაგუნდელებს ასეთ თამაშს ვულოცავ.

პირველი შეხვედრის შემდეგ კომფორტული უპირატესობა გვქონდა, მაგრამ გვესმოდა, რომ ნახევარფინალში გასასვლელად მაინც ბრძოლა მოგვიწევდა.

სეზონის მიმდინარეობით კმაყოფილი ვარ, დაწყებული გზით სვლა უნდა გავაგრძელოთ.

ინიესტას პასი? ის ფენომენალური იყო. მე მხოლოდ ზუსტი დარტყმა მრჩებოდა“, – განაცხადა ბრაზილიელმა.

ჯექსონ მარტინესი: „მეორე ტაიმში „პორტუმ“ აჩვენა, რომ 1/2 ფინალისთვის ბრძოლა შეეძლო“

Posted on აპრილი 22, 2015 by Alix

„პორტუს“ თავდამსხმელმა ჯექსონ მარტინესმა „ბაიერნთან“ გამანადგურებელი ანგარიშით 1:6 წაგებული მატჩის შესახებ მცირე კომენტარი გააკეთა.

„მეორე ტაიმში ვაჩვენეთ, რომ ნახევარფინალისთვის ბრძოლას შევძლებდით. ყველაფერი გამოგვივიდოდა, თუ პირველ ტაიმში ამდენ შეცდომას არ დავუშვებდით. გვესმოდა, რომ რთული შეხვედრა გვექნებოდა, მაგრამ მაინც ბევრს ვცდებოდით. შესვენების შემდეგ უკეთესად ვმოქმედებდით და აქტიურ პრესინგსაც მივმართეთ, რის შემდეგაც გავიტანეთ კიდეც“, – განაცხადა მარტინესმა.

ინიესტა: „ჩემი დაბრუნება? მე არსად წავსულვარ“

Posted on აპრილი 22, 2015 by Alix

კატალონიის „ბარსელონას“ ნახევარმცველი ანდრეს ინეისტა პსჟ-სთან უეფას ჩემპიონთა ლიგის 1/4-ფინალური ეტაპის განმეორებითი მატჩის შემდეგ ჟურნალისტებს გაესაუბრა.

შეგახსენებთ, რომ ანდრესი მატჩის ერთ-ერთი გმირი გახდა, როდესაც მთელი მოედანი გაირბინა და ნეიმარს საგოლე გადაცემა გაუკეთა.

„ჩემი დაბრუნება? მე არსად წავსულვარ. სეზონის გადამწყვეტი ნაწილისთვის ფორმის პიკში ვართ, მიუხედავად იმისა, რომ დღეს მოგება მაინც გაგვიჭირდა. გვესმის, რომ მატჩების ბედს, შესაძლოა, მცირე დეტალებიც კი აგვარებდნენ“, – განაცხადა ანდრესმა.

გვარდიოლა: „გამიმართლა, რომ ამ ფეხბურთელებს ვავარჯიშებ“

Posted on აპრილი 22, 2015 by Alix

მიუნხენის „ბაიერნის“ მთავარმა მწვრთნელმა ხოსეპ გვარდიოლამ „პორტუსთან“ ანგარიშით 6:1 მოგებული მატჩი შეაფასა.

„პირველ ტაიმში ძალიან კარგად ვითამაშეთ. შესვენების შემდეგ ასეთი ფეხბურთი არ გვიჩვენებია. თუმცა, პირველი 45 წუთისთვის ჩემს მოთამაშეებს მადლობის მეტს ვერაფერს ვეტყვი. ეს ერთი კვირის წინ ჩატარებულ მატჩზე რეაქცია იყო.

გამიმართლა, რომ ამ დიდებულ ფეხბურთელებს ვავარჯიშებ. ამავდროულად, თუ ხალხი თვლის, რომ ყოველი მატჩის მოგება ასე შეგვიძლია, სჯობს, სხვა მწვრთნელი იპოვონ“, – განაცხადა გვარდიოლამ.

„ბაიერნმა“ „პორტუ“ გაანადგურა

Posted on აპრილი 22, 2015აპრილი 22, 2015 by Alix

უეფას ჩემპიონთა ლიგის 1/4-ფინალური ეტაპის განმეორებით მატჩში მიუნხენის „ბაიერნმა“„ალიანც არენაზე“ „პორტუ“ უშანსოდ დატოვა და ანგარიშით 6:1 გაანადგურა.

შეგახსენებთ, რომ პორტუგალიელებმა პირველი მატჩი ანგარიშით 3:1 მოიგეს, რითაც მიუნხენში ჩასვლის წინ კარგი უპირატესობაც მოიპოვეს.

გვარდიოლას გუნდი მეტოქის კარს პირველივე წუთებიდან აქტიურად უტევდა. უკვე მდ-14 წუთზე მარცხენა ფლანგიდან ჩაწოდებულს ტიაგო მალკანტარა თავური დარტყმით გამოეხმაურა – 1:0. 8 წუთში მასპინძელთა სხვაობა ორ გოლამდე ჟერომ ბოატენგმა გაზარდა, 27-ე წუთზე კი რობერტ ლევანდოვსკიმ ანგარიში 3:0 გახადა. 9 წუთში მიუნხენელებმა კვლავ გაიტანეს – ტომას მიულერის დარტყმის შემდეგ ბურთი რიკოშეტით სტუმართა კარში აღმოჩნდა. მე-40 წუთზე მესამე გოლის ავტორმა ლევანდოვსკიმ დუბლი შეასრულა – 5:0.

მეორე ნახევარში მასპინძლებმა ტემპი დააგდეს, რაც გარკვეულწილად ანგარიშზეც აისახა. 74-ე წუთზე „პორტუმ“ გოლის გატანა შეძლო, თავი ჯექსონ მარტინესმა გამოიჩინა. 87-ე წუთზე ივან მარკანომ მეორე ყვითელი ბარათ მიიღო, მისი გუნდი კი კაცნაკლული დარჩა. „პორტუს“ კარის მიმართულებით დანიშნული საჯარიმო დარტყმის შესასრულებლად ჩაბი ალონსო მივიდა, რომელმაც ფაბიანო უშანსოდ დატოვა.

საბოლოოდ, 6:1 და ორი მატჩის ჯამში ბავარიელებმა ანგარიშით 7:4 მოიგეს.

„ბაიერნი“ – „პორტუ“ 6:1

გოლები: ალკანტარა 14′, ბოატენგი 22′, ლევანდოვსკი 27′, მიულერი 36′, ლევანდოვსკი 40′, ალკანტარა 88′ – მარტინესი 74′

გაფრთხილებები: ბადშტუბერი 42′ – ერერა 34′, მარტინესი 38′, პერეირა 66′, მარკანო 71′, 87′

გაძევება: მარკანო 87′

ბერბატოვი: „მონაკოს“ „იუვენტუსის“ დამარცხების პოტენციალი აქვს“

Posted on აპრილი 21, 2015 by Alix

„მონაკოს“ თავდამსხმელმა დიმიტარ ბერბატოვმა „იუვენტუსთან“ უეფას ჩემპიონთა ლიგის 1/4-ფინალური ეტაპის მოახლოებული განმეორებითი მატჩის შესახებ ისაუბრა.

„ჩემპიონთა ლიგის ნახევარფინალში გასვლის შანსი ჯერ კდიევ გვაქვს. „მონაკოს“ „იუვენტუსის“ დამარცხება შეუძლია. ჩვენ კარგი გუნდი გვყავს, რაც „არსენალთან“ სერიაში დამტკივდა.

ტურინში წაგება არ დაგვიმსახურებია. პირველ ტაიმში ჩვენ სასარგებლოდ პენალტი რომ დანიშნულიყო, თამაში სხვა სცენარით წარიმართებოდა. მეორე ტაიმში კი უსაფუძვლო პენალტი უკვე ჩვენი კარის მიმართულებით დაინიშნა. ვიცით, რომ მეტოქის კართან „იუვე“ ყოველთვის ბევრ სახიფათო მომენტს ქმნის, მაგრამ ეს ჩვენც უნდა გამოგვივიდეს“, – განაცხადა ბულგარელმა ფორვარდმა.

ჩემპიონთა ლიგა: ინტრიგა მიუნხენშია

Posted on აპრილი 21, 2015 by Levan

დღეს, ჩემპიონთა ლიგაში პირველი ნახევარფინალისტების ვინაობა გახდება ცნობილი. “ბარსელონა” საკუთარ მოედანზე პარიზში დაწეყბული სქმის დამთავრებას ეცდება, ხოლო მიუნხენში “ბაიერნი” “პორტუსთან” რევანშისთვის იბრძოლებს.

ბარსელონა – პსჟ

პირველი მატჩი – 3:1 ბარსელონას სასარგებლოდ

პარიზული მატჩის შემდეგ ლორან ბლანის გუნდს ფაქტობრივად არანაირი შანსი აღარ აქვს. პარიზულ კლუბს მხოლოდ სასწაული თუ უშველის.

მიუხედავად დიდი უპირატესობისა ლუის ენრიკე ექსპერიმენტების ჩატარებას არ დაიწყებს. ამიტომ, მოედანზე კატალონიელთა ოპტიმალურ შემადგენლობას უნდა ველოდოთ. პირველ მატჩთან ერთადერთი ცვლილება დანი ალვეშის დაბრუნება ინქება. აღსანიშნავაია, რომ პარიზულ დაპირისპირებაში ტრავმირებული ინიეტსაც უკვე მწყტობრშია.

პარიზელები კი განმეორებით შეხვედრასაც დისკვალიფიცირებული და ტრავმირებული ფეხბურთელებით ხვდებიან. თამაშს ვერ შეძლებენ ორიე, ტიაგო მოტა და ტიაგო სილვა. სამაგეიროდ მოედანზე ზლატან იბრაჰიმოვიჩი გამოვა.

სავარაუდო შემადგენლობები:

ბარსელონა: ტერ შტეგენი – დანი ალვეში, პიკე, მასკერანო, ალბა – რაკიტიჩი, ბუსკეტსი, ინიეტსა – მესი, სუარესი, ნემარი

პსჟ: სირიგუ, ვან დერ ვილი, დავიდ ლუისი, მარკინიოსი, მაქსველი – კაბაიე, ვერატი, მატუიდი – კავანი, იბრაჰიმოვიჩი, პასტორე

ბაიერნი – პორტუ

პირველი მატჩი – 3:1 პორტუს სასარგებლოდ

პირველი შეხვედრის შედეგი მეოთხედფინალური ეტაპის ყველაზე მოულოდნელი შედეგი იყო.

გვარდიოლას წარუმატებელი მატჩის შემდეგ შემადგენლობის შეცვლა კი სურს, მაგრამ ამის რეალური რესურსი ფაქტობრივად არ გააჩნია. არსებული მდგომარეობით მოსალოდნელია, რომ დანტეს დაცვის ცენტრში ბადშტუბერი შეცვლის და ერთადერთი ცვლილება სწორედ ეს იქნება.

ოპტიმალური შემადგენლობით მატჩს არც პორტუგალიელები ხვდებიან. დისკვალიფიკცაიის გამო “პორტუს” ფლანგის მცველები, დანილო და ალექს სანდრო დააკლდებიან. მათ ადგილებს ბრუნო მარტინს ინდი და რიკარდუ პერეირა დაიკავებენ.

სავარაუდო შემადგენლობები:

ბაიერნი: ნოიერი – რაფინია, ბოატენგი, ბადშტუბერი, ბერნატი – როდე, ჩაბი ალონსო, ალკანტარა – გიოტცე – მიულერი, ლევანდოვსკი

პორტუ: ფაბიანო – რიკარდუ პერეირა, მაიკონი, მარკანო, მარტინს ინდი – ერერა, კაზემირო, ტორესი – კუარეჟმა, მარტინესი, ბრაიმი.