28 ივნისს ბრაზილიისა და ჩილეს ნაკრებებს შორის გამართული მატჩის მიმდინარეობისას, ჩილელთა მიერ გატანილმა გოლმა ჩილელი ჟურნალისტი ძალიან გაახარა.
ჭდე: Chile
ბრაზილია – ჩილე 1:1 (პენ. 3:2)
დაძაბული გამოდგა ბრაზილიაში მიმდიანრე მუნდიალის პირველი 1/8-ფინალური მატჩი მასპინძლების და ჩილეს ეროვნულ ნაკრებებს შორის.
ანგარიში მე-18 წუთზე დავიდ ლუისმა გახსნა. ჩილელებმა 32-ე წუთზე სანჩესის გოლით მოახერხეს გათანაბრება. აღნიშნული შედეგი დარჩენილ დროში არ შეცვლილა.
უშედეგო დამატებითი დროის შემდეგ მატჩის ბედი პენალტების სერიაში გადაწყდა, სადაც უფრო ზუსტები ბრაზილიელები აღმოჩნდნენ და 1/4-ფინალის საგზურიც მოიპოვეს.
პრევიუ: ბრაზილია – ჩილე
პლეი-ოფის პირველ მატჩი მასპინძლები ჩილეს გუნდს დაუპირისპირდებიან.
ჩილეს ბრაზილიასთან საკამოდ ცუდი სტატისტიკა აქვს. უკანასკნელად ჩილელებმა სელესაოს დამარცხება 14 წლის წინ მოახერხეს. სამპაოლის თავკაცობით ჩილე ბრაზილიას ორჯერ შეხვდა. ერთი მატჩი ფრედ, 2:2 დასრულდა, მეორე შეხვედრაში კი ბრაზილიელებმა 2:1 იმარჯვეს.
მასპინძლებს ჯგუფურ ეტაპზე საკმაოდ ბევრს აკრიტიკებდნენ. განსაკუთრებით სასტარტო ორი ტურის შემდეგ. მიუხედავად ამისა, სელესაო ჯგუფიდან პირველი ადგილით გავიდა.
ჩილემ ჯგუფურ ეტაპზე საკმაოდ ბევრი კომპლიმენტი დაიმსახურა. ჩილეს ნაკრებმა კარგად ორგანზებული, ტექნიკური ფეხბურთი ითამაშა და გულშემატკივრის დიდი სიმპათია დაიმსახურა.
სკოლარის გუნდში ყველა ფეხბურთელი ჯანმრთელადაა. შემადგენლობის მხრივ მთავარი კითხვა ფერნანდინიოს ეხება, რომელმაც შესაძლოა ძირითადში პაულინიო შეცვალოს.
სამპაოლის გუნდში კითხვის ნიშნის ქვეშ არის გარი მედელის თამაში, რაც ჩილესთვის დიდი დანაკლისი იქნება.
სავარაუდო შემადგენლობები:
ბრაზილია: ჟულიო სეზარი – ალვეში, ტიაგო სილვა, დავიდ ლუისი, მარსელო – ფერნანდინიო, ლუის გუსტავო, ოსკარი – ჰალკი, ფრედი, ნეიმარი.
ჩილე: ბრავო – ხარა, მედელი, სილვა – ისლა, არანგისი, დიასი, მენა – ვიდალი – ვარგასი, სანჩესი.
ევროპაბეთის კოეფიციენტები აღნიშნულ მატჩზე:
ჩილელი პორნოვარსკვლავი აღარ ჩერდება: ამჯერად, ორდღიანი
ჩილელი პორნოვარსკვლავი მარლენ დოლი კიდევ ერთ პირობას დებს. ამჯერად, თუ ჩილეს ნაკრები მსოფლიოს ჩემპიონატის მერვედფინალში ბრაზილიის ნაკრებს დაამარცხებს, ის ორდღიანი სექსით დაკავდება.
შეგახსენებთ, რომ აქამდე მარლენ დოლმა პირობა სამჯერ დადო: პირველად, ჩილეს ავსტრალია უნდა დაემარცხებინა, მეორედ, მის საყვარელ გუნდს ესპანეთისთვის უნდა მოეგო, ხოლო მესამედ, ჩილელებს ჰოლანდიელებთან უნდა მოეგოთ.
ბრაზილიისა და ჩილეს ნაკრებებს შორის შეხვედრა 28 ივნისს, თბილისის დროით 20:00 საათზე დაიწყება.
ჰოლანდია: სამიდან სამი
ჰოლანდიის ნაკრებმა ჯგუფში მესამე გამარჯვება მოიპოვა და პლეი-ოფში პირველი ადგილით გავიდა.
ჰოლანდია და ჩილე უკანასკნელი ტურის შეხვედრაში პირველი ადგილისთვის იბრძოდნენ. გუნდებმა პირველივე წუთებიდან აქტიურად დაიწყეს. დებიუტში უპირატესობა ჩილეს გუნდამ მოიპოვა. სამპალოის შეგირდებმა იგრძნის, რომ ჰოლანდიელებს საუკეთესო დღე არ ქონდათ და მეტოქე შემტევი ტიკი-ტაკა შესთავაზეს. ჩილელები საკმაოდ აქტიურები იყვნენ და ჰოლანდიელ მცველებს მოსვენებას არ აძლევდნენ.
ლუი ვან გაალის გუნდმა მომენტების შექმნა ტაიმის ბოლოს დაიწყო. რობენმა და კომპანიამ თამაშის დალაგება მოახერხეს, რაც კიდევ უფრო თვალსაჩინო შესვენების შემდეგ გახდა. ჰოლანდიელები გასახდელიდან თითქოს დაქოქილები გამოვიდნენ და მოედნის ყოველ მონაკვეთზე იბრძოდნენ. ამის გამოყენებას ჩილელები ეშმაკურად ცდილობდნენ, თუმცა პენალტის მოპოვების რამდენიმე მცდელობა წარუმატებელი აღმოჩნდა.
გადამწყვეტი სიტყვა მატჩში ლუი ვან გაალმა სწორი ცვლილებით თქვა. შეხვედრის დასრულებამდე 15 წუთით ადრე მოედანზე ახლადშემოსულმა ლეროი ფერმა ანგარიში გახსნა.
გაშვებული გოლის შემდეგ ჩილემ დიდი ძალებით შეუტია და როგორც ხშირად ხდება ბოლო წუთებზე კონტრშეტევა მიიღო, რომელიც გოლით დეპაიმ დააგვირგვინა და საბოლოო ანგარიში დააფიქსირა – 2:0.
გოლები: ფერი 77′ ; დეპაი 92′
ავსტრალია — ესპანეთი (მატჩის გმირი)
2014 წლის მსოფლიოს ჩემპიონატის ჯგუფურ ეტაპზე ავსტრალიისა და ესპანეთის ნაკრებებს შორის გამართული შეხვედრა ევროპელთა გამარჯვებით, ანგარიშით 3:0 დასრულდა.
მატჩის საუკეთესო ფეხბურთელად ესპანელთა თავდამსხმელი დავიდ ვილია დაასახელეს, რომელმაც ანგარიში გახსნა.
32 წლის ფეხბურთელმა მოედანზე 56 წუთი დაჰყო, გააკეთა 23 გადაცემა და კარში დაარტყა ერთხელ.
ჰოლანდია — ჩილე (მატჩის გმირი)
2014 წლის მსოფლიოს ჩემპიონატის ჯგუფურ ეტაპზე ჰოლანდიისა და ჩილეს ნაკრებებს შორის გამართული შეხვედრა ევროპელთა გამარჯვებით, ანგარიშით 2:0 დასრულდა.
მატჩის საუკეთესო ფეხბურთელად ჰოლანდიელთა ერთ-ერთი ლიდერი არიენ რობენი დაასახელეს, რომელიც მეორე საგოლე პასის ავტორად მოგვევლინა.
მიუნხენის „ბაიერნში“ მოთამაშე ფეხბურთელმა მატჩი სრულად ჩაატარა, გააკეთა 31 გადაცემა და კარში დაარტყა 3-ჯერ.
ჰოლანდიამ ჩილე დაამარცხა
B ჯგუფის ლიდერები შეხვედრაში ჰოლანდიის ნაკრებმა ჩილე დაამარცხა.
ანგარიში 77-ე წუთზე ლეროი ფერმა გახსნა, ხოლო საბოლოო ანგარიში მსაჯის მიერ კომპენსირებულ წუთებზე დიპეიმ დააფიქსირა.
პრევიუ: ჰოლანდია – ჩილე
ჰოლანდია-ჩილეს მატჩში B ჯგუფის გამარჯვებული გამოვლინდება.
ჰოლანდიის და ჩილეს ნაკრებებმა პლეი-ოფის საგზური მეორე ტურში გაინაღდეს. ჯგუფის გამარჯვებული ვინაობს კი ურთიერთშეხვედრაში გაარკვევენ. წაგებული 1/8-ფინალში დიდი ალბათობით ბრაზილიას შეხვდება, რაც სასიამოვნო პერსპექტივა არ არის. ამიტომ, აღნიშნულ შეხვედრას დიდი მნიშვნელობა ენიჭება.
ჰოლანდიას პირველ ადგილზე გასასვლელად გატანილი და გაშვებული ბურთების სხვაობის წყალობით ფრეც აწყობს. თუმცა, ჩილეს ძლიერ ნაკრებთან ეს შედეგი ადვილი მისაღწევი არ არის.
ევროპული ნაკრებები ბრაზილიაში ვერ ბრწყინავენ, თუმცა ჰოლანდიაზე ამას ვერ ვიტყვით. ესპანეთის განადგურების შემდეგ ვან გაალის შეგირდებმა ავსტრალიასაც აჯობეს და გამოცდილებისა და ახალგაზრდობის სინთეზის შესანიშნავი მაგალითი აჩვენებს მსოფლიოს.
პირველ ორ ტურში კარგი იყო ჩილეც. სწრაფი, ტექნიკური და შემტევი ფეხბურთით ჩილელებმა ავსტრალია და ესპანეთი დამაჯერებლად დაამარცხეს.
ორივე მწვრთნელს საკადრო პრობელმების გამო შემადგენლობაში გარკვეული ცვლილებების შეტანა მოუწევთ. რობინ ვან პერსი დისკვალიფიცირებულია, ხოლო ბრუნო ბარტინ ინდიმ ტრავმა მიიღო. ჩილელებს ლაზარეთში ესპანეთის კარში გოლის ავტორი ჩარლს არანგისი ჰყავთ.
ჰოლანდია: სილესენი – იანმაატი, დე ვრეი, ვლაარი, ბლინდი – დე იონგი, დე გუზმანი – სნეიდერი – რობენი, ლენსი, კუიტი.
ჩილე: ბრავო – ჰარა, მედელი, სილვა – ისლა, დიასი, გუტიერესი, მენა – ვიდალი – სანჩესი, ვარგასი.
ევროპაბეთის კოეფიციენტები აღნიშნულ მატჩზე:
პორნოვარკსვლავის კიდევ ერთი დაპირება: თუ ჩილე ჰოლანდიას დაამარცხებს…
რამდენიმე დღის წინ გაცნობეთ, რომ თუ ჩილეს ნაკრების ესპანელების დამარცხებას შეძლებდა, ჩილელი პორნოვარსკვლავი მარლენ დოლი სექსით 16 საათის განმავლობაში დაკავდებოდა.
როგორც ცნობილი გახდა, პორნოვარსკვლავმა პირობა კიდევ ერთხელ დადო. ამჯერად, თუ ჩილელები ჰოლანდიელების დამარცხებას შეძლებენ, ის სექსით 18 საათის განმავლობაში დაკავდება. ეს ინფორმაცია მარლენ დოლმა “თვითერის” საშუალებით დაადასტურა.
მადრიდში მყოფი ესპანელების რეაქცია, როდესაც მათი გუნდი მარცხდებოდა
18 ივნისს, ესპანეთის ნაკრები ჩილესთან დამარცხდა და ჯგუფური ეტაპიდან გასვლის შანსი დაკარგა. რა თქმა უნდა, ამ მატჩს ესპანეთშიც უყურებდნენ.
ჩილემ ესპანეთის ერა დაასრულა
ესპანეთის ნაკრებმა ჩილესთან მარცხის შემდეგ ჯგუფური ეტაპიდან გასვლის ყველანაირი შანსი დაკარგა.
გუშინდელ შეხვედრამდე ვისენტე დელ ბოსკე ცვლილებებზე ბევრს საუბრობდა , თუმცა სასტარტოში მხოლოდ ორი ახალი სახე გამოჩნდა. ჩავის ნაცვლად მოედანზე პედრო გამოვიდა, ხოლო პიკე ხავი მარტინესმა შეცვალა.
მთავარი ცვლილება ესპანელების ტაქტიკას ეხებოდა. ესპანელთა მწვრთნელის ჩანაფიქრით “ფურია როხას” ფეხბურთელებს შეტევების დროს მოედნის მთელი სიგანე უნდა გამოეყენებინათ, რასაც ჩილელების დაცვის “გაწელვა” და შესაბამისად თავისუფალი სივრცეები უნდა მოეტანა.
თუმცა, დელ ბოსკეს ჩანაფიქრდი მოედანზე ვერ განხორციელდა. პირველივე წუთებზე ჩილელებმა ორი სახიფათო მომენტი შექმნეს. დარჩენილი წუთებიც სამპაოლის შეგირდების კარნახით წარიმართა. მისი შეგირდების მთავარი პლიუსი სწრაფი თამაშია. ხშირ შემთხვევაში ესპანელები უბრალოდ ვერ ასწრებდნენ ჩილელთა ტემპიანი იერიშების შეჩერებას.
ტაიმის შუაში ჩილელებმა ბურთი მოედანის ცენტრში მოიპოვეს და სწრაფი შეტევით გადავიდნენ მეტოქის ნახევარზე, რის შედეგადაც ვარგასი დასარტყმელ პოზიციაზე აღმოჩნდა და ანგარიშიც გახსნა. ამ ეპიზოდში ესპანელი მცველების უსუსური თამაში უნდა აღინიშნოს.
სტანდარტული ესპანური “ტიკი-ტაკა” აღარ მუშაობდა. დიეგო კოსტაზე გაგზავნილი გრძელი გადაცემები კი ადრესატამდე ვერ აღწევდა. ჩილესთან ჰოლანდიური კოშმარი გრძელდებოდა, რაც ტაიმის ბოლოს გაშვებულმა კიდევ ერთმა გოლმაც დაადასტურა. იკერ კასილიასმა სანჩესის დარტყმული ბურთი ცუდად მოიგერია და არანგისს ფეხზე დაასვა. ამ უკანასკნელ გატანა არ გასჭირვებია – 2:0.
მეორე ტაიმში დელ ბოსკემ საყრდენი მოხსნა და მოედანზე შემტევი ტიპის ნახევარმცველი შეუშვა. ესპანეთი უფრო შემტევი და მოძრავი გახდა, თუმცა ყველასთვის საყვარელ ესპანეთამდე ჯერ კიდევ შორი იყო…
მატჩის ბოლო წუთებზე მოქმედი ჩემპიონები ვაბანკზე წავიდნენ. მოედანზე ტორესი გამოჩნდა. ესპანელებმა მეტოქე საკუთარ ნახევარზე ჩაკეტეს და რამდენიმე სახიფათო მომენტიც შექმნეს, თუმცა რეალური შედეგი მათ გააქტიუროებას არ მოჰყოლია.
დელ ბოსკეს შეგირდებს ერთი მატჩი დარჩათ, რომელიც უკვე ფორმალურ ხასიათს ატარებს. ჩილემ კი დამსახურებულად მოიპოვა შესანიშნავი გამარჯვება და პლეი-ოფში თამაშის უფლება.
ესპანეთი 0-2 ჩილე
გოლები: ვარგასი 19′ ; არანგისი 43′