2014 წლის მსოფლიოს ჩემპიონატის ჯგუფურ ეტაპზე ესპანეთისა და ჩილეს ნაკრებებს შორის გამართული შეხვედრა სამხრეთამერიკელთა გამარჯვებით, ანგარიშით 2:0 დასრულდა.
მატჩის საუკეთესო ფეხბურთელად ჩილეს ნაკრების თავდამსხმელი ედუარდო ვარგასი დაასახელეს, რომელმაც ბოლო სეზონის სწორედაც ესპანურ „ვალენსიაში“ გაატარა. მან დღევანდელ შეხვედრაში ანგარიში მე-20 წუთზე გახსნა.
24 წლის ფეხბურთელმა მოედანზე 85 წუთი დაჰყო, გააკეთა 29 გადაცემა და კარში დაარტყა 2-ჯერ.
მსოფლიო ჩემპიონატის ჯგუფური ეტაპის მეორე ტურის შეხვედრაში ესპანეთის ნაკრები ჩილესთან ორბურთიანი სხვაობით დამარცხდა.
ანგარიში მე-20 წუთზე ვარგასმა გახსნა. პირველი ტაიმის დასრულებამდე 2 წუთით ადრე კი არანგუისმა მეორედ დალაშქრა კასილიასის კარი.
მეორე ნახევარში ესპანელები ბევრს ეცადნენ, თუმცა უშედეგოდ. ვისენტე დელ ბოსკეს გუნდმა მუნდიალზე მეორე მატჩი წააგო, რაც იმას ნიშნავს, რომ ესპანელებმა ჯგუფიდან გასვლის ყველანაირი შანსი დაკარგეს. ავსტრალიელებთან გასამართი შეხვედრა უბრალოდ ფორმალობად იქცა.
ჰოლანდიასთან გამანადგურებელი მარცხის შემდეგ ესპანელები ჩილეს ნაკრებთან გასამართი გადამწყვეტი მატჩისთვის ემზადებიან.
ესპანელები მეორე ტურშიც ერთ-ერთ ცენტრალურ მატჩში იღებენ მონაწილეობას. თუმაც, ესპანეთი-ჩილეს შეხვედრამ აღნიშნული სტატუსი პირველი ტურის შემდეგ შექმნილი ვითარების გამო მიიღო.
ესპანელი ჟურნალისტები მოსალოდნელ სასტარტო შემადგენლობაზე საუბრისას აქტიურად განიხილავენ პიკეს გადანაცვლებას სათადარიგოთა სკამზე. მის ნაცვლად ჩილესთან ძირითადში ხავი მარტინესს ელიან.
საუბარია ჩავის და ხაბი ალონსოს თადარიგში გადაყვანაზეც. თუმცა, დელ ბოსკე რადიკალური ნაბიჯებით არასდროს არ გამოირჩეოდა და სავარაუდოდ არც ერთი ჩაგდებული ტაიმის გამო მიმართავს ძირეულ როტაციას.
ჩილეს ნაკრებმა პირველ ტურში ავსტრალია დაამარცხა და ეპიზოდურად საკმაოდ კარგი თამაშიც აჩვენა. ამ გუნდს ნამდვილად აქვს მომატების რესურსი და თუ რაიმე სერიოზული წარმატების მიღწევა სურს, საკუთარი ძალა სწორედ ესპანეთის დონის გუნდთან უნდა გამოაჩინოს.
ევროპაბეთის კოეფიციენტები აღნიშნულ მატჩზე:
ჩილეს ეროვნული ნაკრების ფეხბურთელი არტურო ვიდალი აცხადებს, რომ ჩილელებს გაბრაზებული ესპანელების წინააღმდეგ თამაში მოუწევთ.
შეგახსენებთ, რომ ჯგუფური ეტაპის პირველ ტურში ჩილემ ავსტრალიის დამარცხება მოახერხა, ხოლო ესპანეთი ჰოლანდიასთან დამარცხდა.
“იმის გამო, რომ ესპანელები პირველ მატჩში დამარცხდნენ, ისინი ჩვენს წინააღმდეგ გაბრაზებულები ითამაშებენ. ეს იმას არ ნიშნავს, რომ ჩვენ გვეშინია. შევეცდებით, სამი ქულა მოვიპოვოთ”, – ამბობს ვიდალი.
ჩილეს ნაკრებმა სასტარტო მატჩში ავსტრალიელები დაამარცხა და მნიშნველოვანი სამი ქულა მოიპოვა.
ჩილე-ავსტრალიას დაპირისპირება ესპანეთისა და ჰოლანდიის მატჩის ჩრდილში მოექცა. თუმცა, აღნიშნული შეხვედრა საკმაოდ საინტერესო სანახავი გამოდგა.
ჩილელებისთვის ავსტრალიის დამარცხება ჯგუფიდან გასვლის შანსის შესანარჩუნებლად უმნიშნველოვანესი იყო. ეჭვი არავის ეპარება, რომ მწვანე კონტინეტის წარმოამდგენლებთან ამ ჯგუფში ყველა გუნდი მოახერხებს სამი ქულის მოპოვებას.
მატჩის დაწყებამდე ყველანაირი ფაქტორი ჩილელთა უპირატესობაზე მეტყველებდა, რაც მოედანზეც ნათლად გამოჩნდა. მე-14 წუთისთვის ჩილე სანჩესის და ვალდივიას გოლებით 2:0-ს იგებდა.
ასეთმა სტარტმა ჩილეს გუნდზე ფსიქოლგიურად იმოქმედა და გუნდი საგრძნობლად მოეშვა, რითაც ასტრალიელებმა მალევე ისარგებლეს. 35-ე წუთზე ანგარიშში სხვაობა შემცირდა და ჩილეს ნაკრებიც ისეთი დამაჯერებელი ვეღარ იყო. შეიძლება ითქვას, სამხრეთ ამერიკელებს შესვენებამ დროულად მოუსწრო. თუმცა, როგორც ჩანს სამპაოლიმ ვერც გასახდელში შესძლო საკუთარი ფეხბურთელების მობილიზება.
მეორე ნახევარი ავსტრალიელების ზეწოლით და გაუთავებელი ჩაწოდებებით დაიწყო, რაც საფინალო სასტვენის მოახლოვებასთან ერთად სულ უფრო სახიფათო ხდებოდა.
ავსტრალიამ რამდენიმე სახიფათო მომენტიც შეექმნა, თუმცა გოლის გატანა ვერ მოხერხდა, რითაც ჩილელებმა შესანიშნავად ისარგებლეს. მსაჯის მიერ კომპენსირებულ წუთებზე სამპაოლის გუნდმა მესამე გოლი გაიტანა და მნიშვნელოვანი ქულები ჩაიწერა აქტივში. ავსტრალიას კი სავარაუდოდ ქულის მოპოვებაც გაუჭირდება მიმდინარე ტურნირზე.
ჩილეს ეროვნული ნაკრების ფეხბურთელი არტურო ვიდალი ავსტრალიის ნაკრებთან გამართულ შეხვედრას გამოეხმაურა. მისი თქმით, ესპანეთის ნაკრები მიხვდა, რომ ჩილეს წინააღმდეგ თამაში ადვილი არ იქნება.
შეგახსენებთ, რომ ჩილელებმა ავსტრალიელებს ანგარიშით 3:1 სძლიეს და აქტივში პირველი სამი ქულა ჩაიწერეს.
“ვფიქრობ, ესპანელების ჩვენს თამაშს იხილავდნენ. ისინი მიხვდნენ, რომ ჩილეს ნაკრებთან თამაში იოლი არ იქნება, ამიტომ მოედანზე უფრო მოტივირებულები გამოვლენ”, – ამბობს ვიდალი.
ჩილეს და ავსტრალიის მატჩი საკმაოდ საინტერესოდ წარიმართა. დღის დასკვნით მატჩში გამარჯვების მოპოვება ჩილელებმა მოახერხეს.
მე-12 წუთზე ჩილეს ნაკრები ალექსის სანჩესის გოლით დაწინაურდა. ზუსტად ორ წუთში ვალდივიამ სამპაოლის გუდის უპირატესობა ორამდე გაზარდა.
ავსტრალიელებს შოკიდან გამოსასვლელად გარკვეული დრო დასჭირდათ. 35-ე წუთზე მწვანე კონტინენტის წარმომადგენლებმა პირველი გააზრებული შეტევა განახორცილე, რაც ტიმ კეგილის გოლით დასრულდა.
მეორე ნახევარში გატანა ორივე გუნდს შეეძლო, თუმცა მატჩის ბოლო წუთებამდე ანგარიში არ შეცვლილა. მსაჯის მიერ კომპენსირებულ დროში ბოსეჟურმა მესამე გოლი გაიტანა რაიანის კარში და საბოლოო ანგარიში დააფიქსირა – 3:1
სულ ცოტა დრო რჩება 2014 წლის მსოფლიოს ჩემპიონატის B ჯგუფის მატჩის დაწყებამდე, რომელიც ჩილეს და ავსტრალიის ნაკრებებს შორის შედგება.
გთავაზობთ გუნდების სასტარტო შემადგენლობებს.
ჩილე: ბრავო, ხარა, მენა, ვილდივია, ვიდალი, ისლა, დიასი, მედელი, არანგუისი, სანჩესი, ვარგასი.
ავსტრალია: რაიანი, შპირანოვიჩი, უილკინსონი, ფრანიჩი, დევიდსონი, ბრეშიანო, კეჰილი, მილიგანი, იედინაკი, ლეკი, ოარი.
მთავარი მსაჯი: ნუმანდის დუე (კოტ დ’ივუარი)
დღევანდელი სათამაშო დღე B ჯგუფის აუტსაიდერების დაპირისპირებით სრულდება.
ესპანეთის და ჰოლანდიის ნაკრებების ფონზე ჩილე და ავსტრალია ჯგუფში ფავორიტები ნამდვილად არ არიან. თუმცა, ჩილეს ბევრი სპეციალისტი როგორ მოსალოდნელ აღმოჩენას უყურებს.
ჩილეს ნაკრებთან მიმართებაში მთავარი კითხვა ვიდალის მდგომარეობას ეხება. ნაკრების საუკეთესო ნახევარმცველმა სრულად მოახერხა აღდგენა და დღევანდელ შეხვედრაში მონაწილეობის მიღებას შესძლებს. სათამაშოდ მზად არის ჩილელთა კიდევ ერთი ლიდერი ალექსის სანჩესი, რომელსაც მცირე დაზიანებდა აწუხებდა.
ავსტრალიელების მდგომარება საკმაოდ რთულია. მწვანე კონტინენტის წარმომადგენლებს მოსამზადებელ პერიოდში შეეცვალათ მწვრთნელი. ანგე პოსტეკოღლუმ ბევრი რამე შეცვალა და გუნდის გაახალგაზრდავებაც გადაწყვიტა, თუმცა ამას ავსტრალიელთა თამაშში დიდი ცვლილებები არ მოუხდენია.
ევროპაბეთის კოეფიციენტები აღნიშნულ მატჩზე:
შაბათს, ჩილესა და ეგვიპტის ნაკრებებს შორის გამართულ ამხანაგურ მატჩში (3:2), ალექსის სანჩესმა შესანიშნავად ითამაშა და სამი საგოლე გადაცემის გაკეთება მოახერხა.
გავრცელებული ინფორმაციით, ტურინის „იუვენტუსის“ ნახევარმცველმა არტურო ვიდალმა კლუბის სამედიცინო შტაბთან კონსულტაციის შედეგად, მსოფლიოს ჩემპიონატის წინ მუხლის ოპერაციის გაკეთება გადაწყვიტა.
20 მარტიდან ჩილელ ნახევარმცველს მენისკთან დაკავშვირებული პრობლემები აქვს. ზუსტად ამ დღეს იგი „ფიორენტინასთან“ შეხვედრაში დაშავდა.
იტალიური პრესის ცნობით, ოპერაციის შესახებ არტურომ თანაგუნდელებს უამბო.
ალექსანდრე მატევოსოვი
რაც დრო გადის, მსოფლიოს 2014 წლის ჩემპიონატი უფრო გვიახლოვდება. ბუნებრივია, მუნდიალს ძალიან ბევრი ადამიანი ელის. ბრაზილიაში მსოფლიოს სხვადასხვა ქვეყნიდან უამრავი გულშემატკივარი ჩავა, მათ შორის კი ლამაზი ქალბატონებიც იქნებიან.
გთავაზობთ მუნდიალზე მოასპარეზე ყველა ნაკრების ლამაზი გულშემატკივრების ფოტოებს.
A ჯგუფი
ბრაზილია
ხორვატია
მექსიკა
კამერუნი
B ჯგუფი
ესპანეთი
ჰოლანდია
ჩილე
ავსტრალია
C ჯგუფი
კოლუმბია
საბერძნეთი
კოტდიუვარი
იაპონია
D ჯგუფი
ურუგვაი
კოსტა რიკა
ინგლისი
იტალია
E ჯგუფი
შვეიცარია
ეკვადორი
საფრანგეთი
ჰონდურასი
F ჯგუფი
არგენტინა
ბოსნია & ჰერცოგოვინა
ირანი
ნიგერია
G ჯგუფი
გერმანია
პორტუგალია
განა
აშშ
H ჯგუფი
ბელგია
ალჟირი
რუსეთი
სამხრეთ კორეა
