ბრაზილიელმა ნარკომოვაჭრეებმა თავიანთ პროდუქციაზე მოთხოვნის გაზრდის მიზნით უბრალო და ეფექტური ხერხი მოიფიქრეს.
„ბარსელონას“ ბრაზილიელი თავდამსხმელი ნეიმარი სამშობლოში დიდი პოპულარობით სარგებლობს. ნარკომოვაჭრეებმა გადაწყვიტეს ფეხბურთელის იმიჯი გამოეყენებინათ და ნარკოტიკის კაფსულებზე მისი სურათები გააკრეს.
სან პაულოს შტატში სამართალდამცავებმა კოკაინით მოვაჭრე 27 წლის მამაკაცი დააკავეს. მას კოკაინის 31 კაფსულა აღმოუჩინეს. ყველაზე საინტერესო ისაა, რომ კაფსულებზე ნეიმარის სურათი იყო გამოკრული.
როგორც დაკავებულმა განაცხადა, კაფსულებზე ნეიმარის სურათები იმიტომ იყო გამოკრული, რომ პოტენციური მყიდველები ნარკოტიკის მაღალხარისხიანობაში დარწმუნებულიყვნენ.
ბექა დოგრაშვილი