Cristiano Ronaldo – გვერდი 11 – Fanebi.Com – ფეხბურთი, კალათბურთი, რაგბი, სხვა

IFFHS-მა კრიშტიანუ რონალდუ დააჯილდოვა

Posted on სექტემბერი 11, 2015 by ბექა დოგრაშვილი

ფეხბურთის ისტორიისა და სტატისტიკის საერთაშორისო ფედერაციამ (IFFHS) 2014 წლის საუკეთესო ბომბარდირ კრიშტიანუ რონალდუს სპეციალური ჯუილდო გადასცა.

პორტუგალიელი ფეხბურთელი საუკეთესო მეგოლედ შარშან დასახელდა, თუმცა პრიზი ახლა მიიღო.

ფეხბურთის ისტორიისა და სტატისტიკის საერთაშორისო ფედერაცია წლის განმავლობაში საერთაშორისო დონეზე საკლუბო და სანაკრებო გოლებს ითვლის. რონალდუმ ჩემპიონთა ლიგასა და უეფას სუპერთასზე ერთობლივად 15, სანაკრებო დონეზე კი ხუთი გოლი გაიტანა და ნეიმარი (19) და ლიონელ მესი (18) ჩამოიტოვა.

როგორი რეაქცია ჰქონდა რონალდუს ალბანელი ფანებისგან მესის სახელის სკანდირებისას

Posted on სექტემბერი 10, 2015 by ბექა დოგრაშვილი

2016 წლის ევროპის ჩემპიონატის საკვალიფიკაციო ეტაპზე ალბანეთისა და პორტუგალიის ნაკრებთა შორის გამართულ მატჩამდე (0:1) ადგილობრივმა ფანებმა ლეო მესის სახელის სკანდირება დაიწყეს. ასეთი რეაქცია ჰქონდა კრიშტიანუ რონალდუს ამ ეპიზოდში.

რამდენს გამოიმუშავებს კრიშტიანუ რონალდუ სარეკლამო სტატუსის გამოქვეყნებაში

Posted on სექტემბერი 4, 2015 by ბექა დოგრაშვილი

ცნობილი გახდა, თუ რამდენს იღებს მადრიდის “რეალისა” და პორტუგალიის ნაკრების ლიდერი კრიშტიანუ რონალდუ სოციალურ ქსელ “ტვიტერში” გამოქვეყნებულ ერთ სარეკლამო სტატუსში.

სააგენტო Opendorse-ის თანახმად, თითოეულ სარკლამო ტვიტში პორტუგალიელი ფეხბურთელი 230 366 ევროს იღებს.

შედარებისთვის, რონალდუს თანაკლუბელი ხამეს როდრიგესი ერთი სარეკლამო ტვიტის სანაცვლოდ 40 ათას, კალათბურთელი ლებრონ ჯეიმსი კი დაახლოებით 125 ათას ევროს იღებს.

ცნობისთვის, კრიშტიანუ რონალდუს “ტვიტერში” 37,7 მილიონი მიმდევარი ჰყავს. პორტუგალიელი ფეხბურთელი “სამეფო კლუბში” წელიწადში 21 მილიონ ევროს გამოიმუშავებს.

შენიღბული რონალდუ მადრიდის მოედანზე გაერთო (ვიდეო)

Posted on აგვისტო 5, 2015აგვისტო 5, 2015 by ბექა დოგრაშვილი

მადრიდის “რეალის” ვარსკვლავმა კრიშტიანუ რონალდუმ უჩვეულო აქციაში მიიღო მონაწილეობა. პორტუგალიელმა ფეხბურთელმა უსახლკაროს გარეგნობით შეინიღბა და დაახლოებით ერთი საათის განმავლობაში მადრიდის მოედანზე ბურთით ითამაშა.

გამვლელებმა რონალდუ ვერ იცნეს, ერთ-ერთმა გოგონამ მისთვის ტელეფონის ნომრის მიცემაზეც უარი განაცხადა. ფეხბურთელი ბიჭუნას წინაშე გამოაშკარავდა და მას ხელმოწერილი ბურთიც აჩუქა.

აღსანიშნავია, რომ ეს აქცია ამა წლის იანვარში ჩატარდა, თუმცა ვიდეოს სრული ვერსია მხოლოდ ახლახან გამოქვეყნდა.

კრიშტიანუ რონალდუ: “თავიდან პროფესიონალ ფეხბურთელად გახდომაზე არც კი ვფიქრობდი”

Posted on აგვისტო 2, 2015აგვისტო 2, 2015 by ბექა დოგრაშვილი

მადრიდის “რეალისა” და პორტუგალიის ნაკრების ლიდერი კრიშტიანუ რონალდუ გამოტყდა, რომ თავის დროზე პროფესიონალ ფეხბურთელად გახდომაზე არც კი ფიქრობდა.

“ჩემს ოჯახში ყველას უყვარს ფეხბურთი. მახსოვს, ერთხელ ქუჩაში ვთამაშობდი და მამაჩემმა შემომთავაზა, როცა სამსახურში წავალ, შენ გუნდთან ერთად ივარჯიშეო. მე ვიფიქრე, რატომაც არა და დავთანხმდი.

ასე დავიწყე თამაში. ყოველდღიურად ვვარჯიშობდი და მიხაროდა, რომ გუნდში ვიყავი. მამაც სულ გვერდში მედგა.

თავიდან მომეჩვენა, რომ დანარჩენი ბავშვებისგან გამორჩეული ვიყავი. მანამდე არასდროს მიფიქრია პროფესიონალ ფეხბურთელად გახდომაზე და არც იმაზე, რომ “მანჩესტერ იუნაიტედში”, “რეალსა” და თუნდაც “სპორტინგში” ვითამაშებდი.

მაშინ მხოლოდ ვტკბებოდი თამაშით და ჩემს ნიჭზე საერთოდ არ ვფიქრობდი.

სამი-ოთხი წლის შემდეგ მეც მომინდა ასეთ კლუბებში თამაში. ყველა მატჩს ვუყურებდი და ამაზე ოცნებაც დავიწყე”, – განაცხადა რონალდუმ Herbalife-ისთვის მიცემულ ინტერვიუში.

კრიშტიანუ რონალდუ მეჯვარედ

Posted on ივლისი 30, 2015 by ბექა დოგრაშვილი

მადრიდის “რეალის” ლიდერი კრიშტიანუ რონალდუ საკუთარი აგენტის, ჟორჟე მენდეშის მეჯვარე იქნება.

საქორწილო ცერემონიალი პორტუში, კვირას გაიმართება. ბანკეტსა და სადღესასწაულო ცერემონიას 300-ზე მეტი სტუმარი დაესწრება. ღონისძიება პორტუგალიის ერთ-ერთ უდიდეს მუზეუმში გაიმართება.

რონალდუმ “რეალის” მწვრთნელებს საჩუქარი გაუკეთა

Posted on ივლისი 23, 2015 by ბექა დოგრაშვილი

მადრიდის “რეალის” ლიდერმა კრიშტიანუ რონალდუმ კლუბის თავკაც რაფაელ ბენიტესის თანაშემწეებს საჩუქარი გაუკეთა.

პორტუგალიელმა ფეხბურთელმა მწვრთნელებს ბოლო თაობის მობილური ტელეფონები აჩუქა. საჩუქარი მწვრთნელების გარდა კლუბის სხვა თანამშრომლებმაც მიიღეს. რონალდუმ სულ 20 ტელეფონი გასცა.

აღსანიშნავია, რომ ეს პირველი შემთხვევა არ არის, როდესაც კრიშტიანუ რონალდუ “რეალის” მწვთნელებს აიფონებსა და აიპადებს ჩუქნის.

“რეალისა” და “პსჟ”-ის მესვეურებმა რონალდუს შესაძლო ტრანსფერი განიხილეს?

Posted on ივლისი 6, 2015 by ბექა დოგრაშვილი

“ფრანს ფუტბოლის” ცნობით, მადრიდის “რეალის” პრეზიდენტი ფლორენტინო პერესი ამ უქმეებზე ყატარში იმყოფებოდა.

წყაროს თანახმად, პერესი “პარი სენ-ჟერმენის” მფლობელებს შეხვდა. არ არის გამორიცხული, მხარეებს კრიშტიანუ რონალდუს შესაძლო ტრანსფერი განეხილათ.

შეგახსენებთ, რომ უეფამ ფინანსური ფეარ პლეის წესებში ცვლილებები შეიტანა, რის შემდეგაც პარიზულ კლუბს შეზღუდვები მოეხსნა.

რონალდუ: “პრესაში ტყუილებს წერენ”

Posted on ივნისი 28, 2015 by ბექა დოგრაშვილი

მადრიდის “რეალის” ლიდერი კრიშტიანუ რონალდუ კლუბიდან შესაძლო აბარგების შესახებ პრესაში გავრცელებულ ინფორმაციას გამოეხმაურა. პორტუგალიელმა ფეხბურთელმა ხაზგასმით აღნიშნა, რომ “სანტიაგო ბერნაბეუზე” ბედნიერია და დამდეგ სეზონში კლუბთან ერთად დიდ წარმატებებსაც გეგმავს.
“განაწყენებული ვარ პრესაში ბოლო პერიოდში გავრცელებული ტყუილების გამო. ჟურნალისტებს აღარ ვესაუბრები, ახლა A bola-სთვის გამონაკლისი დავუშვი. პრესაში გამოქვეყნებული ინფორმაცია მიზნად ისახავს იმას, რომ “რეალსა” და ჩემ შორის კონფლიქტი აგორდეს.
მსოფლიოს საუკეთესო კლუბში ყოფნით ძალიან ბედნიერი ვარ. სრულად კონცენტრირებული ვარ და მჯერა, რომ დამდეგი წელიწადი წარმატებული იქნება”, – რონალდუს კომენტარი პორტუგალიურმა პორტალმა A bola-მ გამოაქვეყნა.

ვის რა ხელფასს უხდის “რეალი”?

Posted on ივნისი 25, 2015 by ბექა დოგრაშვილი

ესპანურმა გამოცემებმა “მუნდო დეპორტივომ” და “დონ ბალონმა” მადრიდის “რეალის” ფეხბურთელთა ხელფასები გამოაქვეყნეს. არავისთვის არაა უცხო, რომ “სამეფო კლუბის” ყველაზე მაღალანაზღაურებადი ფეხბურთელი კრიშტიანუ რონალდუა, რომლის წმინდა წლიური ხელფასი (გადასახადების გარეშე) 17 მილიონ ევროს შეადგენს.

ფეხბურთელი	ხელფასი
1. კრიშტიანუ რონალდუ	17
2. გარეტ ბეილი	11
3. კარიმ ბენზემა	8
4. იკერ კასილასი	7,5
5. ტონი კროოსი	6
ხამეს როდრიგესი	6
7. სერხიო რამოსი	5,5
8. ლუკა მოდრიჩი	4,5
9. მარსელო	4
ფაბიო კოენტრაუ	4
11. პეპე	3,8
12. ხავიერ ერნანდესი	3,5
13. ალვარო არბელოა	2,8
14. რაფაელ ვარანი	2,4
ასიერ ილიარამენდი	2,4
16. დანილუ	2
კეილორ ნავასი	2
18. დანიელ კარვახალი	1,2
ნაჩო	1,2
ხესე	1,2
21. ლუკას სილვა	1
22. ფერნანდო პაჩეკო	0,8

* თანხა მოცემულია მილიონ ევროში

სიმეონემ მსოფლიოს საუკეთესო ფეხბურთელი დაასახელა

Posted on ივნისი 21, 2015ივნისი 21, 2015 by ბექა დოგრაშვილი

მადრიდის “ატლეტიკოს” მთავარმა მწვრთნელმა დიეგო სიმეონემ მსოფლიოს საუკეთესო ფეხბურთელი დაასახელა. არგენტინულ ტელეარხ TyC-ისთვის მიცემულ ინტერვიუში სიმეონემ განაცხადა, რომ კრიშტიანუ რონალდუსა და ლიონელ მესის შორის შედარებაც კი არამართებულია.

“მესი პირველია. არ არსებობს მასთან ახლოს მყოფი მოთამაშე. შედარება ყოველთვის უთანხმოებას იწვევს. ასეთ დროს ერთი მხარე სამართლიანი არ არის”.

სიმეონეს მესისა და დიეგო მარადონას შედარებაც სთხოვეს.

“მარადონა და მესი სხვადასხვა პერიოდსა და განსხვავებულ პოზიციებზე თამაშობდნენ. მესი უფრო მეტად დამრტყმელია, მარადონა კი მთელი მოედნის მოთამაშე იყო”, – დასძინა სიმეონემ.

“ატლეტიკოს” თავკაცმა ისიც აღნიშნა, რომ სამართლიანი არ არის, არ ჩაითვალოს მესი ყველა დროის საუკეთესო ფეხბურთელად მხოლოდ იმის გამო, რომ მას მსოფლიოს ჩემპიონატი მოგებული არ აქვს.

ზიდანმა იბრაჰიმოვიჩი რონალდუს შეადარა

Posted on ივნისი 16, 2015ივნისი 15, 2015 by ბექა დოგრაშვილი

მადრიდის “რეალის” მეორე გუნდის თავკაცმა ზინედინ ზიდანმა “პარი სენ-ჟერმენის” თავდამსხმელი ზლატან იბრაჰიმოვიჩი “სამეფო კლუბის” ლიდერ კრიშტიანუ რონალდუს შეადარა.

“არა მგონია, იბრაჰიმოვიჩი რაიმე სახის პრობლემას წარმოადგენდეს. ის “პსჟ”-ისთვის დიდ სამუშაოს ასრულებს.

მას აქვს ეგო, მოედანზე ჩემპიონივით იქცევა. ეს მისი ხასიათია და ვერავინ ვერ შეცვლის – ისევე, როგორც რონალდუს.

ზოგჯერ ზლატანი ამპარტავანივით იქცევა, თუმცა მას რომ იცნობდეთ, გეცოდინებათ, რომ ასეთი ნამდვილად არ არის. ის წყნარი ადამიანია.

მე არ ვიცნობ იბრაჰიმოვიჩს, თუმცა მისი მსგავსი ფეხბურთელის ყოლა საჭიროა”, – ზიდანის სიტყვები Goal.com-მა გამოაქვეყნა.