კატალონიის “ბარსელონას” მარჯვენა მცველმა დანი ალვეშმა სოციალურ ქსელ Instagram-ში პოსტი გამოაქვეყნა. 32 წლის ფეხბურთელი პრესას აკრიტიკებს და ამბობს, რომ მას ძალიან რცხვენია.
“განვლილი დღეების შემდეგ, მე კიდევ უფრო მრცხვენია, რომ ამ სპორტში ვმოღვაწეობ. ამ დღეებში პრესა მუმდივად ჩვენზე წერს, ისინი ჩვენ გვიყენებენ და მეტ გაზეთს ყიდიან.
ისინი ფეხბურთზე, ტაქტიკაზე, თამაშზე, დრიბლინგზე, გოლებსა და სეივებზე უფრო ნაკლებს წერენ. თქვენ ნამდვილი ნაგვები ხართ,” – წერს ბრაზილიელი ფეხბურთელი.
კატალონიის “ბარსელონას” მარჯვენა მცველმა დანი ალვეშმა ესპანურ რადიო Cadena Cope-ს ინტერვიუ მისცა, სადაც მან “ოქროს ბურთის” მოგების სამ კანდიდატზე ისაუბრა და თქვა, რომ რონალდუ სამეულში ყოფნას არ იმსახურებს.
შეგახსენებთ, რომ პორტუგალიელ ფეხბურთელთან ერთად, “ოქროს ბურთისათვის” ლიონელ მესი და ნეიმარი იბძოლებენ.
“მესი მსოფლიოს საუკეთესო ფეხბურთელია, მეორე კი ნეიმარია. ვფიქრობ, კრიშტიანო სამეულში ყოფნას არ იმსახურებს. ჩემი აზრით, მსოფლიოს საუკეთესო მოთამაშემ მხოლოდ გოლები არ უნდა გაიტანოს. ხალხს დაავიწყდა, რომ ფეხბურთი გუნდური სპორტია”, – თქვა ბრაზილიელმა.
2 დეკემბერს, ესპანეთის თასზე, “ბარსელონასა” და “ვილანოვენსეს” შორის გამართულ მატჩში ანგარიში მე-4 წუთზე დანი ალვეშმა გახსნა.
23 ნოემბერს, “ბარსელონას” მარჯვენა მცველმა დანი ალვეშმა ჩემპიონთა ლიგაზე, “რომასთან” გასამართი მატჩის წინ პრესკონფერენცია გამართა.
პრესკონფერენციაზე, ერთ-ერთმა ჟურნალისტმა კითხვის დასმა სცადა, მაგრამ როგორც კი ალვეშმა გაიგო, რომ ის “მარკას” ჟურნალისტი იყო, პასუხის გაცემა იუარა.
შეგახსენებთ, რომ “მარკა” მადრიდული გამოცემაა.
Dani Alves: "I don't talk to Marca or AS (Madrid newspapers), I'll save you time from asking me questions." pic.twitter.com/Ybf4geA4TV
— The Catalan Giant (@TheCatalanGiant) November 23, 2015
“ბარსელონას” მცველმა, დანი ალვეშმა განაცხადა, რომ კლუბი არდა თურანის დამატებისას არ შეცდა.
“ჩვენთვის არდას შეძენა დიდი პატივია,”-აცხადებს ბრაზილიელი სუპერთასამდე ერთი დღით ადრე.
“სამწუხაროა, რომ მას ჩვენი დახმარება არ შეუძლია, მაგრამ “ბარსელონას” ამ ეტაპზე არდას გარეშეც ძალუძს თამაში. ის ბრწყინვალე ფეხბურთელი, დიდი პიროვნება და ჭკვიანი ბიჭია”.
“თურანი განსაკუთრებული მოვლენაა. მას შეუძლია ვარჯიშზე პოზიტიური განწყობით განაწყოს ყველა. ჩვენ გუნდს თურანისნაირი შეშლილები სჭირდება”.
10 აგვისტოს, სუპერთასის მატჩის წინა დღეს, კატალონიის “ბარსელონამ” “დინამო არენაზე” ივარჯიშა. ვარჯიშისას, დანი ალვეშმა ლიონელ მესის ჩაწოდების შემდეგ ძალიან ლამაზი გოლი გაიტანა.
27 ივნისს, კოპა ამერიკის გათამაშებაში, ბრაზილიისა და პარაგვაის ნაკრებებს შორის გამართულ მატჩში, დანი ალვეშმა და ვილიანმა ბურთი კარგად გაითამაშეს.
გამოცდილი ბრაზილიელი მცველი “კამპ ნოუზე” რჩება.
“ბარსელონას” ოფიციალური საიტი იუწყება, რომ მათ დანი ალვეშს ახალი კონტრაქტი შესთავაზეს და ვეტერანი მცველიც 2017 წლის ზაფხულამდე “ბლაუგრანას” ღირსებას დაიცავს.
რომ არა ახალი ხელშეკრულება, ალვეში ერთ თვეში თავისუფალი აგენტი ხდებოდა. მის ხელში ჩაგდებას “პსჟ”, “მანჩესტერი” და “მილანი” ცდილობდა.
შეგახსენებთ, რომ ალვეში “ბარსელონას” რიგებში რეკორდსმენია. ის პირველი ლეგიონერია, რომელსაც გუნდში 343 მატჩი აქვს ჩატარებული.
12 მაისს, ჩემპიონთა ლიგის გათამაშებაში, “ბაიერნსა” და “ბარსელონას” შორის გამართული მატჩის დაწყების წინ, დანი ალვეში თავის სტიქიაში იყო.
ბრაზილიელ განაპირა მცველს მის მომავალთან დაკავშირებით გადაწყვეტილება ჯერ კიდევ არ მიუღია.
გუშინ ცნობილი გახდა, რომ ფეხბურთელს, რომელიც 2015 წლის ზაფხულში თავისუფალი აგენტი ხდება, კატალონიურმა კლუბმა დარჩენა შესთავაზა, თუმცა ესპანური პრესა სხვა ინფორმაციას ავრცელებს.
მათი ინფორმაციით, “მანჩესტერ იუნაიტედს” დანი ალვეშის დამატება სურს. მიზეზი მარტივია, “წითელ ეშმაკებს” დაცვის ხაზის გაძლიერება უნდათ.
ლუის ვან გაალი ზაფხულის ტრანსფერებისთვის 100 მილიონ ფუნტს მიიღებს და ინგლისელების მთავარი სატრანსფერო მიზანი 32 წლის უკანახაზელი იქნება.
შეგახსენებთ, რომ “მანკუნიანელებმა” უკვე განახორციელეს ზაფხულის პირველი ტრანსფერი. მემფის დეპაი 30 მილიონ ევროდ “მანჩესტერს” შეუერთდა.
“ბარსელონას” მარჯვენა მცველმა, დანი ალვეშმა “ღამურებისთვის” გამოჯანმრთელება მოასწრო.
გთავაზობთ კატალონიელტა განაცხადს “ვალენსიასთან” მატჩისთვის:
მეკარეები: ტერ-შტეგენი, ბრავო
მცველები: ალვეში, ბარტრა, პიკე, მატიე, მასკერანო, ადრიანო, ალბა
ნახევარმცველები: ბუსკეტსი, სერხი რობერტო, ხავი, რაფინია, რაკიტიჩი.
თავდამსხმელები: მესი, სუარესი, ნეიმარი, პედრო.
კატალონიის “ბარსელონას” ფეხბურთელი ხავიერ მასკერანო აცხადებს, რომ მას ჩავისა და დანი ალვეშის გუნდში დარჩენა სურს.
შეგახსენებთ, რომ ეს ორი მოთამაშე სეზონის დასრულების შემდეგ კატალონიურ გრანდს დატოვებს.
“დანი ალვეში “ბარსელონას” ისტორიაში ერთ-ერთი საუკეთესო ფეხბურთელია. ის დადებითი პიროვნებაა და მინდა, რომ ჩვენს გუნდში კიდევ დიდი ხნით დარჩეს. რაც შეეხება ჩავის, ის კლუბის ისტორიის ნაწილია. კარგი იქნება, თუ ისიც “ბარსელონაში” დარჩება”, – ამბობს არგენტინელი.
