ჭდე: დანტე

მიუნხენის “ბაიერნის” ცენტრალური მცველი ლაზარეთიდან დაბრუნდა.

ხოსეპ გვარდიოლას გუნდმა სამედიცინო პერსონალისგან სასიხარულო ამბავი მიიღო – დანტე სავარჯიშო პროცესში კვლავ ერთვება.

ბრაზილიელი მოთამაშე გერმანიის ბუნდესლიგის მორიგი მატჩისთვის გუნდთან ერთად მოემზადა, სადაც ამ უქმეებზე “რეკორდმაისტერები” “ჰოფენჰაიმს” დაუპირისპირდებიან.

ამრიგად, “მაინცის” წინააღმდეგ მიღებული დაზიანების გამო, დანტემ თავისი გუნდის დახმარება ორი კვირის მანძილზე ვერ მოახერხა.

სანდრო საპანაძე

უახლოეს ორ კვირაში მიუნხენის „ბაიერნის“ მცველი დანტე მოედანზე გამოსვლას ვერ მოახერხებს.

სამხრეთ ამერიკელმა შაბათს „მაინცთან“ მატჩში ტერფის ტრავმა მიიღო, რომლის გამოც მას უეფას ჩემპიონთა ლიგის ჯგუფური ეტაპის შეხვედრის გამოტოვება მოუწევს, რომელშიც ბავარიელები „ვიქტორია პლზენს“ დაუპირისპირდებიან.

გარდა ამისა, შესაძლოა, „ვიქტორიასთან“ მატჩში მონაწილეობა ვერც ფრანკ რიბერიმ მიიღოს, რომელმაც ვარჯიშზე ფეხი დაიზიანა. სწორედ ამის გამო მას „მაინცთან“ გამართულ თამაშში მონაწილეობა არ მიუღია.

ალექსანდრე მატევოსოვი

მიუნხენის ”ბაიერნის” მცველი დანტე მისი გუნდისადმი კრიტიკას უსაფუძვლოდ თვლის. ბრაზილიელი დარწმუნებულია, რომ ხოსეპ გვარდიოლას ხელმძღვანელობით გუნდი პროგრესირებას გააგრძელებს, რისი წყალობითაც სათანადო შედეგების ჩვენებას კვლავ მოახერხებს.

”ხშირად გვაკრიტიკებენ, თუმცა ამის გამოცდილება უკვე გაგვაჩნია. გუნდის განვითარების ამ ეტაპზე, ბრწყინვალე თამაშის ჩვენება ყოველთვის ვერ გამოდის. ასეთ პირობებში, ყველაზე მნიშვნელოვანი – ქულების მოპოვებაა. გვარდიოლას ხელმძღვანელობით უფრო დიდ რისკზე მივდივართ ხოლმე. თუ მისი რომელიმე გეგმა არც ისე მოგვწონს, მაშინ ამის შესახებ აუცილებლად ვეუბნებით, რადგან პეპს ყველაფერი ესმის და საუბრისთვის ყოველთვის არის მზად”, – განაცხადა სამხრეთ ამერიკელმა.

ალექსანდრე მატევოსოვი