ლეგენდარულმა ესპანელმა მწვრთნელმა, ვისენტე დელ ბოსკემ კრიშტიანუ რონალდუს მიერ მადრიდის “რეალის” დატოვებაზე ისაუბრა.
“რონალდუმ საკუთარი კარიერის საუკეთესო წლები მადრიდის “რეალს” დაუთმო. ამაში ეჭვიც არ მეპარება. არც მიყვარს ასეთ რამეებზე საუბარი. ეს ხომ უეჭელია. მან მსოფლიოს პატივისცემა დაიმსახურა. ადრე თუ გვიან, ის უნდა წასულიყო. ფეხბურთში ერთი მიდის, მეორე მოდის,” – ამბობს დონ ვისენტე.
ლეგენდარულმა მწვრთნელმა, ვისენტე დელ ბოსკემ, რომელიც მადრიდის “რეალს” 1999-2003 წლებში წვრთნიდა, “ბლანკოსის” ამჟამინდელ დამრიგებელ ზინედინ ზიდანზე ისაუბრა. “ულვაშამ” განაცხადა, რომ ისევე, როგორც მას, ხალხი ზიდანსაც ვერ აფასებს.
“არსებობენ ადამიანები, რომლებიც წარმატებულებზე ამბობენ, რომ მათი მიღწევები, მხდოლოდ და მხოლოდ, იღბლის დამსახურებაა. ასეთი დამოკიდებულება ბევრ გულშემატკივარს ზინედინ ზიდანის მიმართ აქვს. “ზიზუს” გუნდს დიდი ხანია არ წაუგია. იმის მაგივრად, რომ მასზე კარგი თქვან, ბევრი ამ წარმატებას იღბალს მიაწერს. დაახლოებით, იგივე სიტუაცია იყო ჩემს დროსაც.”
“ზიდანი გუნდის ლიდერია და მას ფეხბურთელები ენდობიან. ამ პერსონას გუნდში დიდი გავლენა გააჩნია. ფრანგის საქმე ყველამ უნდა დააფასოს,” – განაცხადა ესპანელმა მწვრთნელმა.
ესპანეთის ეროვნული ნაკრების ყოფილი თავკაცი, ვისენტე დელ ბოსკე თვლის, რომ კრიშტიანუ რონალდუ, რომელიც ახლახან თავისი რიგით მეოთხე ოქროს ბურთითაც დააჯილდოვეს, მადრიდის “რეალის” ისტორიაში საუკეთესო ფეხბურთელია.
“იმ რეკორდებზე დაყრდნობით, რომლებსაც ის ამყარებს, შეგვიძლია ვთქვათ, რომ რონალდუ “რეალის” ისტორიაში საუკეთესო ფეხბურთელია.” – განაცხადა მან ჟურნალისტებთან საუბრისას.
ცნობისთვის გეტყვით იმასაც, რომ რონალდუს არჩევით, დელ ბოსკემ ის ალფრედო დი სტეფანოს, ფერენც პუშკაშს, ლუიშ ფიგუს, რონალდოსა და ზინედინ ზიდანს ამჯობინა.
ესპანელმა სპეციალისტმა ინიესტაც არ დაივიწყა, რომელასც ოქროს ბურთი არცერთხელ არ აქვს მოგებული: “ინიესტა კარგი ფეხბურთელია. ოქროს ბურთის წესდებაში შეტანილ ცვლილებებს არაფერი შეუცვლია.”
“ევრო 2016”-ის დასრულების შემდეგ ვისენტე დელ ბოსკემ ესპანეთის ნაკრების თავკაცის პოსტი დატოვა. მან “ფურია როხასთან” ერთად 2010 წელს მსოფლიოს, ხოლო 2012 წელს ევროპის ჩემპიონატი მოიგო. 65 წლის სპეციალისტმა ჟურნალისტებთან ისაუბრა და განაცხადა, რომ ძალიან უნდა, მისი ადგილი მომავალში პეპ გვარდიოლამ დაიკავოს.
“პეპი მსოფლიოში ერთ-ერთი საუკეთესო მწვრთნელია. ამაში ეჭვი არავის უნდა შეეპაროს. მას ძალიან დიდი განათლება და გამოცდილება აქვს ფებხურთში.”
“ადრე ესპანური გუნდების გასაწვრთნელად მწვრთნელები საზღვარგარეთიდან მოგვყავდა. ახლა კი, ჩვენი ეროვნების სპეციალისტები მიდიან უცხოეთში, რათა იქაურ კლუბებს უხელმძღვანელონ. ამით უნდა ვიამაყოთ. ამას ცოტა თუ წარმოიდგენდა რამდენიმე წლის წინ.”
“გვარდიოლა ის მწვრთნელია, რომელიც “მანჩესტერ სიტიში” სამუშაოდ სულ ახლახანს წავიდა და იმედი მაქვს, იქედან მალე დაბრუნდება ნაკრების დასახმარებლად. ვერ ვხვდები, რა უნდა იყოს ამ პოსტზე მისი არდანიშვნის მიზეზი. ის, რომ კატალონიელია? არა! ესპანეთი ერთიანი ქვეყანაა და ის უნდა ჩაუდგეს ნაკრებს სათავეში, ვინც საუკეთესოა ამ საქმეში,” – განაცხადა დელ ბოსკემ.
ესპანეთის ნაკრების ყოფილმა წევრმა, ჩავიმ გაკვირვება გამოხატა დელ ბოსკეს საქციელის გამო, რომელმაც მასსა და იკერს შორის არსებულ პრობლემებზე სახალხოდ ისაუბრა.
“საკმაოდ გამაოცა დელ ბოსკეს კომენტარმა იკერთან დაკავშირებით.” – განუცხადა “ბარსელონასა” და ესპანეთის ყოფილმა ლიდერმა Deportes-ს.
“მე იქ არ ვყოფილვარ, ამიტომაც არ ვიცი, თუ რამ მიიყვანა დელ ბოსკე აქამდე. თუმცა მაინც მჯერა, რომ ისინი ამ პრობლემას მოაგვარებენ.
ბრაზილიაში, მსოფლიო ჩემპიონატის მიმდინარეობისას ატმოსფერო ასეთი ცუდი ნამდვილად არ ყოფილა. არ ვიცი, რა მოხდა საფრანგეთში მას შემდეგ.
ამის შესახებ იკერთან ვისაუბრე; დარწმუნებული ვარ, რომ ისინი ყველაფერს მოაგვარებენ. მაგრამ მაინც გაოცებული ვარ იმ ფაქტით, რომ დელ ბოსკემ ამაზე საჯაროდ ისაუბრა.”
ესპანეთის ეროვნული ნაკრების მთავარი მწვრთნელი, ვისენტე დელ ბოსკე აცხადებს, რომ იკერ კასილასი თანახმაა, ევროპის 2016 წლის ჩემპიონატზე სათადარიგოთა რიგებში იყო.
შეგახსენებთ, რომ იკერს ბოლო წლების განმავლობაში საქმეები კარგად არ მისდის, მან “რეალი” დატოვა და “პორტუს” შეუერთდა. კონტინენტის პირველობაზე “ფურია როხას” ნომერ პირველი მეკარე დავიდ დე ხეა იქნება.
“კასილასს ევროპის ჩემპიონატზე თამაში სურს, თუმცა ის სათადარიგო მეკარე იქნება. იკერი უნიკალური მოთამაშეა, რომელმაც ეროვნულ ნაკრებში ძალიან ბევრი წელი გაატარა. ვფიქრობ, ის ნებისმიერი ესპანელი ფეხბურთელისათვის მისაბაძი უნდა იყოს”, – ციტირებს დელ ბოსკეს სიტყვებს Daily Mail.
21 ივნისს, ესპანეთის ეროვნული ნაკრების ვარჯიშზე საკმაოდ უცნაური რამ მოხდა. საქმე იმაში გახლავთ, რომ გუნდის მთავარმა მწვრთნელმა ვისენტე დელ ბოსკემ ნახევარმცველი სესკ ფაბრეგასი ვარჯიშიდან გაუგებარი მიზეზის გამო დაითხოვა.
გამოცდილმა სპეციალისტმა ფაბრეგასს ჯერ სავარჯიშო ფორმის გახდა სთხოვა, შემდეგ კი ის ჩაბი ალონსომ ჩაიცვა. საბოლოოდ, ფაბრეგასმა სავარჯიშო მოედანი ველოსიპედით დატოვა.
ინტერნეტ-სივრცეში გავრცელდა ვიდეო, რომელიც ესპანეთის ეროვნული ნაკრების ვარჯიშზეა გადაღებული.
ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ მსოფლიოს 2014 წლის ჩემპიონატისათვის 23-კაციანი შემადგენლობა დაასახელა.
მეკარეები: იკერ კასილასი, პეპე რეინა, დავიდ დე ხეა.
მცველები: სეზარ ასპილიკუეტა, ჟერარ პიკე, ჟორდი ალბა, სერხიო რამოსი, ხავი მარტინესი, რაულ ალბიოლი, ხუანფრან ტორესი.
ნახევარმცველები: სერხიო ბუსკეტსი, ჩავი ერნანდესი, ანდრეს ინიესტა, სესკ ფაბრეგასი, ჩაბი ალონსო, კოკე, დავიდ სილვა, ხუან მატა, სანტი კასორლა.
თავდამსხმელები: პედრო როდრიგესი, დიეგო კოშტა, დავიდ ვილა, ფერნანდო ტორესი.
ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ განაცხადა, რომ გუნდის ახალწვეული დიეგო კოსტა კოლექტივს კარგად შეეწყო.
„კოსტას არანაირი პრობლემა აქვს. გუნდს იგი ძალიან კარგად შეეწყო“, – განაცხადა დელ ბოსკემ.
გარდა ამისა, „ფურია როხას“ თავკაცმა ფერნანდო ლორენტეს შესახებაც ისაუბრა.
„ამ მოთამაშეს განსაკუთრებული ყურადღება ექცევა. გუნდში ყოველი ადგილისთვის დიდი კონკურენციაა. ჩვენ სოლდადოს, ლორენტეს, ტორესსა და ვილიას არ ვიძახებდით. ეს მოთამაშეები ნაკრებში თამაშს იმსახურებენ, თუმცა ყველას გამოძახებას ვერ მოვახერხებთ“.
ალექსანდრე მატევოსოვი
ესპანეთის ნაკრების მთავარმა მწვრთნელმა ვისენტე დელ ბოსკემ ევრო 2016-ის საკვალიფიკაციო ეტაპის შედეგების შემდეგ მცირე კომენტარი გააკეთა.
“იოლი ჯგუფი ნამდვილად არ შეგვხვდა. ახალგაზრდული, ძლიერი და პროგრესირებადი გუნდები შეგვხვდნენ. თავისი კორექტივებს ცივი ამინდიც შეიტანას, რომელსაც უკრაინასთან და ბელორუსთან მატჩების დროს შევხვდებით” – განაცხადა დელ ბოსკემ.
შეგახსენებთ, რომ ესპანეთის ნაკრები ურთიერთობას უკრაინის, ბელორუსის, სლოვაკეთის, მაკედონიის და ლუქსემბურგის ნაკრებებთან გაარკვევს.
ესპანეთის ეროვნული ნაკრების მთავარი მწვრთნელი, ვისენტე დელ ბოსკე აცხადებს, რომ მიუნხენის “ბაიერნის” ნახევარმცველ ტიაგო ალკანტარასა და მადრიდის “რეალის” თავდამსხმელ ხესე როდრიგესს მსოფლიოს 2014 წლის ჩემპიონატზე მოხვედრის შანსები აქვთ.
“ყოველთვის ვამბობდი, რომ ხესე ძალიან იმედისმომცემი ახალგაზრდაა. ამ ეტაპზე, მას ჩვენი ნაკრების ერთ-ერთ წევრად მოვიაზრებ. ასევე, მომწონს ტიაგო ალკანტარას თამაში. ამრიგად, ჩემი აზრით, ორივე მოთამაშეს მსოფლიოს 2014 წლის ჩემპიონატზე მოხვედრა შეუძლია”, – ამბობს დელ ბოსკე.
