საქართველოს ნაკრებისა და დნეპროპეტროვსკის “დნიპროს” მცველმა უჩა ლობჟანიძემ, უკრაინულ კლუბთან კონტრაქტი მიმდინარე სეზონის ბოლომდე გაახანგრძლივა.
გადაწყვეტილება მართლაც რომ უცნაურია. სეზონის სტარზე “დნიპრომ” ბრუნუ გამა შეიძინა და ლობჟანიძეც ამის გამო უკრაინის პრემიერლიგის განაცხადში არ შეიყვანეს. შესაბამისად ქართველი მცველი პირველ ეტაპზე მოედანზე არ გამოჩენილა.
არ არის გამორიცხული, ლობჟანიძემ კარიერა იჯარის წესით სხვა უკრაინულ კლუბში გააგრძელოს.
“სალერის თასის” გათამაშების მესამე სათამაშო დღეს პირველი შეხვედრა დასრულდა – აუტსაიდერების დაპირისპირებაში გამარჯვება უკრაინულ “დნიპროს” დარჩა 2:1. არადა, მატჩი “მაკაბის” კარნახით მიმდინარეობდა, თუმცა გამარჯვება როგორც უკვე გითხარით სლავებმა მოიპოვეს.
ეს გუნდები ზეგ კიდევ ერთხელ შეხვდებიან ერთმანეთს – ამჯერად უკვე მესამე ადგილისთვის ბრძოლაში. გეცოდინებათ, რომ მეორე ტურის შემდეგ გაირკვა პირველ-მეორე და მესამე-მეოთხე ადგილებზე გასული კლუბების ვინაობა.
20 დეკემბერი. “ბენდელა”. 12:00
მაკაბი – დნიპრო 1:2 (0:1)
მაკაბი: ლევისი, ველბლუმი, ჰარაზი, ი. კოჰენი, ო. კოჰენი, ავადი, ბარუხი, ს. ფედიდა, უ. კოჰენი, ბოჰბორტი, სტეპინი.
ცვლილებაზე შევიდნენ: ბენ სარი, გაბაი, ბაბა, კატაბი, რ. ფედიდა.
დნიპრო: პარამენკო, კოშელევი, ბაგინსკი, ნალიბაიკო, ჩებერკო, კოლოჩანი, ბალაკანი, ფხაკაძე, უსაჩევი, ლედნიოვი, ვენედიკტოვი.
ცვლილებაზე შევიდნენ: იერემენკო, ბაჩივანჯი, სინკევიჩი, პროვკინი, ციბინი.
გოლები: 0:1 ბალაკანი (12), 0:2 ბაჩივანჯი (64), 1:2 ი. კოჰენი (81).
მთავარი მსაჯი: გიორგი ვადაჭკორია
საფეხბურთო კლუბმა “საბურთალომ” “სალერის თასის” გათამაშების მეორე სათამაშო დღეს დნეპროპეტროვსკის “დნიპრო” 3:0 დაამარცხა და “ატლეტიკოსთან” ერთად ვადაზე ადრე მოიპოვა ფინალში თამაშის უფლება.
თქმაც არ უნდა, ჩვენი ჭაბუკები უდიდეს გამოცდილებას იღებენ, რაც მომავალში ქართველ ფეხბურთელებს უთუოდ წაადგებათ. გუშინ “მაკაბისთან”, დღეს “დნიპროსთან” მოსინჯეს ძალები, ახლა დარჩენილ დღეებში კი უკვე ორჯერ მადრიდის “ატლეტიკოს” გაეჯიბრებიან – ხვალ ჯგუფის შეხვედრაში, 22 დეკემბერს კი ფინალურ მატჩში. ტურნირის რეგლამენტიდან გამომდინარე, ჯგუფური მატჩების დასრულების შემდეგ პირველ-მეორე ადგილებზე გასული კლუბები ფინალში ხვდებიან ერთმანეთს. მეორე ტურის შემდეგ კი ცნობილი გახდა იმ გუნდების ვინაობა, რომლებიც ჩემპიონობისთვის იბრძოლებენ.
ქართულ-უკრაინული გუნდების თამაშს ვიპ ლოჟიდან თვალს მრავალი სტუმარი ადევნებდა. მათ რიცხვში იყო ინგლისის “ლივერპულის” სკაუტი, რომელიც სპეციალურად ამ ტურნირისთვის ჩამოვიდა ჩვენს დედაქალაქში.
რაც შეეხება უშუალოდ თამაშს, თემურ შალამბერიძის ბიჭებს მრავლად ჰქონდათ კარის აღების საშუალება, მაგრამ “დნიპროს” კარის ბადის შერხევა სამჯერ შეძლეს. შეხვედრის დებიუტში ტანმაღალმა გაგი მარგველაშვილმა სტანდარტულის შემდეგ თავური დარტყმით დააწინაურა თავისიანები. 30-ე წუთისთვის კი ანგარიში უკვე 2:0 იყო – გურამ გოშთელიანმა დასწრებაზე კარგად ითამაშა და მეკარეს ოსტატურად დაურტყა ბურთი.
მეორე ნახევარში კვლავ მასპინძლები დომინირებდნენ, გოლის გატანის შანსები იმავ გოშთელიანმა,წივილაშვილმა და ბლიაძემ ვერ გამოიყენეს. ერთი-ორჯერ სტუმრებსაც შეეძლოთ ანგარიშის შემცირება, მაგრამ დამამთავრებელ ფაზაში ვერ იყოჩაღეს. საბოლოო ანგარიში ირაკლი რუხაძემ დააფიქსირა და სტადიონზე მოსული გულშემატკივარი გატანილი გოლით კიდევ ერთხელ გაახარა. უნდა ითქვას, რომ დღევანდელ შეხვედრაში ტრავმები მიიღეს დავით წოწონავამ და რატი კაკიაშვილმა. ამ უკანასკნელმა კი საერთოდ მინდორზე გასვლაც ვერ მოახერხა – “საბურთალოს” მცველი მოთელვაზე დაშავდა.
რაც შეეხება ხვალინდელ დღეს – 12:00 საათზე “დნიპრო”- “მაკაბის”, ხოლო 16:00 საათზე “საბურთალო” – “ატლეტიკოს” დაუპირისპირდება.
19 დეკემბერი: “ბენდელა”. 350 მაყურებელი
საბურთალო – დნიპრო 3:0 (2:0).
საბურთალო: ქურდაძე, მარგველაშვილი, ტაბიძე, თევზაძე, მამუჩაშვილი, გოშთელიანი, ხარაიშვილი, ბარამიძე, ბლიაძე, წოწონავა, წივილაშვილი.
ცვლილებაზე შევიდნენ: ბეროშვილი, რუხაძე, გვარაძე, ნადარაია, ალთუნაშვილი.
დნიპრო: შუტკო, კოშელევი, ბაგინსკი, ნალიბაიკო, ჩებერკო, კოლოჩანი, ბალაკანი, ფხაკაძე, უსაჩევი, ბაჩივანჯი, ვიტენკო.
ცვლილებაზე შევიდნენ: ლედნიოვი, სინკევიჩი, ვენედიკტოვი, პროვკინი.
გოლები: 1:0 მარგველაშვილი (3), 2:0 გოშთელიანი (30), 3:0 რუხაძე (89).
მთავარი მსაჯი: დავით ხარიტონაშვილი
1. ატლეტიკო 2 2 0 0 6:2 6
2. საბურთალო 2 2 0 0 5:1 6
3. მაკაბი 2 0 0 2 1:4 0
4. დნიპრო 2 0 0 2 2:5 0
რამდენიმე წუთის წინ დასრულდა “სალერის თასის” 2013 წლის გათამაშების პირველი შეხვედრა – მადრიდის “ატლეტიკოსა” და უკრაინული “დნიპროს” მატჩი უხვგოლიანი გამოდგა და იგი ესპანელთა სასარგებლოდ, 4:2 დასრულდა.
უნდა ითქვას, რომ მადრიდელებმა ფაქტობრივად პირველივე ნახევარში გადაწყვიტეს გამარჯვებულის ბედი – საწყის 45 წუთში მეტოქეს სამი უპასუხო ბურთი გაუტანეს. სამივე გოლი ალბერტო რენტეროს ანგარიშზეა.
მეორე ტაიმში ორივე გუნდში მრავლად განხორციელდა ცვლილებები და გოლებიც მრავლად ვიხილეთ. პირველ ტაიმში თუ მხოლოდ ერთ კარში გადიოდა გოლები, მეორეში სურათი ოდნავ შეიცვალა. გეტყვით, რომ “დნიპროს” შემადგენლობაში ქართველი ჯაბა ფხაკაძე თამაშობდა, რომელიც თავისიანების შემადგენლობაში მეათე ნომრით ირჯებოდა.
რაც შეეხებათ ესპანელებს, დალაგებული გუნდის შთაბეჭდილება დატოვეს – სწრაფ, გააზრებულ და ტექნიკურ ფეხბურთს თამაშობდნენ. მთელი მატჩის განმავლობაში თამაშს აკონტროლებდნენ და მხოლოდ მატჩის მიწურულსღა გაუშვეს ორი გოლი.
ატლეტიკო – დნიპრო 4:2
ატლეტიკო: სან რომანი, დელ ამო, პრიეტო, ლუნეზი, რენტერო, არანდა, დამიანი, გალინდო, ტალავერი, მორენო, არტანი.
ცვლილებაზე შევიდნენ: ფ. ობამა, დორგიგესი, პერესი, გომესი, ორიჰველა, ს. ობამა, სანჩესი.
დნიპრო: შუტკო, კოშელევი, ბაგინსკი, ნალიბაიკო, იერემენკო, ჩებერკო, კოლოჩანი, ლედნიოვი, ბალაკანი, ფხაკაძე, უსაჩევი.
ცვლილებაზე შევიდნენ: პარამორენკო, ვენედიკტოვი, ცივინი, ბაჩივანჯი.
გოლები: 1:0 რენტერო (2), 2:0 რენტერო (10), 3:0 რენტერო (37), 4:0 არტანი (55), 4:1 ბაჩივანჯი (70), 4:2 ბაჩივანჯი (83).
მთავარი მსაჯი: თ. ხუჭუა
უკრაინული „დნიპროს“ ქართველმა ნახევარმცველმა ალექსანდრე კობახიძემ რუმინულ „პანდურისთან“ ევროპის ლიგის ჯგუფური ეტაპის მეხუთე ტურის მოახლოებული მატჩის შესახებ ისაუბრა.
„მიუხედავად იმისა, რომ ეს მატჩი არაფერს წყვეტს, მწვრთვნელმა მოდუნების უფლება არ მოგვცა. „პანდური“ აუცილებლად უნდა დავამარცხოთ, რადგან სახლში ვითამაშებთ და ჩვენი გუნდის გასამხნევებლად გულშემატკივრებიც მოვლენ. სტადიონზე მოსული ხალხი უნდა გავახაროთ“, – განუცხადა კობახიძემ გაზეთ „კომანდას“.
„თავს კარგად ვგრძნობ, თამაში მომენატრა და თუ მწვრთვნელი შანსს მომცემს, მოედანზე გასასვლელად მზად ვიქნები. ძირითადი შემადგენლობა ჩვენთვის მხოლოდ მატჩის წინ იქნება ცნობილი. შესაბამისად, გამორიცხული არაფერია“, – აღნიშნა 26 წლის შუახაზელმა.
„ვარჯიშებზე ყურადღება ტაქტიკას მივაქციეთ. პირველი მატჩის შემდეგ რუმინელთა თამაში კარგად გვახსოვს. ჩვენი მეტოქე საკმაოდ ტექნიკურია და მისი ფეხბურთელები გუნდურად თამაშობენ. თუმცა, „დნიპრო“ მაინც უფრო ძლიერია, ამიტომაც 3 ქულა უნდა მოვიპოვოთ“, – დაასრულა საქართველოს ნაკრების მოთამაშემ.
შეგახსენებთ, რომ „დნიპრომ“ მნიშვნელობით მეორე ევროპული საკლუბო ტურნირის პლეი-ოფის საგზური ჯერ კიდევ გასულ ტურში მოიპოვა. ამჟამად დნეპროპეტროვსკელთა ანგარიშზე ოთხ ჩატრებულ შეხვედრაში 9 ქულაა. რაც შეეხება „პანდურის“, მას თავის აქტივში მხოლოდ 1 ქულა აქვს.
ალექსანდრე მატევოსოვი
