იტალიური “ტორინოს” თავდამსხმელი ჩირო იმობილე აცხადებს, რომ ის მომავალი სეზონიდან დორტმუნდის “ბორუსიას” ღირსებას დაიცავს.
შეგახსენებთ, რომ 24 წლის ფეხბურთელმა იტალიის სერია A-ს გასულ სეზონში 22 გოლის გატანა მოახერხა, რის გამოც გერმანული კლუბის ყურადღება მიიქცია.
“ადრეც ვთქვი და ახლაც გეტყვით, რომ ყველაფერი გარკვეულია. დარჩენილი მხოლოდ კონტრაქტზე ხელის მოწერაა, ამიტომ შემიძლია გითხრათ, მომდევნო სეზონიდან “ბორუსიას” ღირსებას დავიცავ”, – ამბობს იმობილე.
დორტმუნდის “ბორუსიას” ფეხბურთელი ილკაი გუნდოგანი აცხადებს, რომ გერმანიის ეროვნულ ნაკრებს მსოფლიოს 2014 წლის ჩემპიონატის მოგება შეუძლია.
შეგახსენებთ, რომ 2010 წლის მუნდიალზე იოაჰიმ ლიოვის შეგირდები ნახევარფინალში გავიდნენ, ახლა კი გუნდოგანს ერთი ნაბიჯით წინ წაწევის იმედი აქვს.
“ჩვენს გუნდში არაერთი ნიჭიერი და ძლიერი ფეხბურთელი თამაშობს, ამიტომ ვფიქრობ, რომ ჩვენ მსოფლიოს 2014 წლის ჩემპიონატის მოგება შეგვიძლია”, – ამბობს გუნდოგანი.
დორტმუნდის „ბორუსიამ“ ნაციზმის წინააღმდეგ ორიგინალური ვიდეორგოლი გადაიღო.
კლუბი დაუშვებლად მიიჩნევს სტადიონზე ნაცისტური პროპაგანდის წარმოებას და ეს ვიდეოც სწორედ ამ გამოვლინების წინააღმდეგ არის მიმართული.
„ჩვენი პოზიცია ცალსახად ნათელია. ჩვენს სტადიონზე არ შევეგუებით უფლებების დარღვევას. დაშიანებისა და დისკრიმინაციის ადგილი ჩვენს არენაზე არ არის. თუ ვინმეს აქვს არასწორი წარმოდგენა, რომ საკუთარი არაჰუმანური პროპაგანდისთვის ჩვენს კლუბს გამოიყენებს, ეჭვი არ შეეპაროთ იმაში, რომ ჩვენი ოჯახი მათ წინააღმდეგ იმოქმედებს! ეს არის ერთადერთი გზა, რომლის მეშვეობითაც შეგვიძლია, რომ ასეთი დამოკიდებულება თავიდან ავირიდოთ. ფეხბურთი და ნაციზმი ერთმანეთთან შეუთავსებელია“.
აქვე შეგახსენებთ, რომ უეფას ჩემპიონთა ლიგის მეოთხედფინალურ ეტაპზე ლონდონის „ჩელსის“ ფანებმა „პარი სენ-ჟერმენის“ წინააღმდეგ გამართულ მატჩში ტრიბუნაზე ნაცისტური ბანერი გამოფინეს. აღნიშნულ ინციდენტს უეფა 17 ივლისს განიხილავს.
ბექა დოგრაშვილი
ინტერნეტ-სივრცეში გავრცელდა ვიდეო, რომელშიც რობერტ ლევანდოვსკის მიერ ბუნდესლიგის 2013-14 წლების სეზონში გატანილ ყველა გოლს.
17 მაისს, გერმანიის თასის ფინალში, “ბაიერნსა” და “ბორუსიას” შორის გამართული მატჩის მიმდინარეობისას, კამერბმა დააფიქსირეს კადრი, რომელშიც აღბეჭდილია, თუ როგორ უწევს გვარდიოლა სამედიცინო დახმარებას რიბერის.
17 მაისს, გერმანიის თასის ფინალში, “ბორუსიასა” და “ბაიერნს” შორის გამართულ მატჩში, მიულერის უძლიერესი დარტყმა დორტმუნდელთა კარის დარაჯმა რომან ვაიდენფელერმა სახით მოიგერია.
ამერიკულმა ფინანსურ-ეკონომიკურმა ჟურნალმა “ფორბსმა” მსოფლიოს ოცი ყველაზე ძვირადღირებული კლუბი დაასახელა.
* თანხა მოცემულია დოლარის სახით
20. “ნაპოლი” – 296 მილიონი
19. “რომა” – 307 მილიონი
18. “ჰამბურგი” – 326 მილიონი
17. მადრიდის “ატლეტიკო” – 328 მილიონი
16. “გალათასარაი” – 347 მილიონი
15. “პარი სენ-ჟერმენი” – 415 მილიონი
14. “ინტერი” – 484 მილიონი
13. “ტოტენჰემი” – 513 მილიონი
12. “შალკე” – 580 მილიონი
11. დორტმუნდის “ბორუსია” – 600 მილიონი
10. “ლივერპული” – 691 მილიონი
9. “იუვენტუსი” – 850 მილიონი
8. “მილანი” – 856 მილიონი
7. “მანჩესტერ სიტი” – 863 მილიონი
6. “ჩელსი” – 868 მილიონი
5. “არსენალი” – 1.33 მილიარდი
4. “ბაიერნი” – 1.85 მილიარდი
3. “მანჩესტერ იუნაიტედი” – 2.81 მილიარდი
2. “ბარსელონა” – 3.2 მილიარდი
1. მადრიდის “რეალი” – 3.44 მილიარდი
15 აპრილს, გერმანიის თასზე, დორტმუნდის “ბორუსიამ” საკუთარ მოედანზე “ვოლფსბურგი” მიიღო და მეტოქე ანგარიშით 2:0 მიიღო. აღნიშნული შეხვედრის დასრულების შემდეგ კი, კამერებმა დააფიქსირეს, თუ როგორ ჩამოართვეს ხელი ერთმანეთს მარკო როისმა და რობერტ ლევანდოვსკიმ.
დორტმუნდის “ბორუსიას” თავდამსხმელი, რობერტ ლევანდოვსკი აცხადებს, რომ მას გერმანიის თასის მოგება სურს.
შეგახსენებთ, რომ კლოპის შეგირდები თასის ნახევარფინალში არიან გასულები, სადაც მათი მეტოქე “ვოლფსბურგია”. მატჩი დღეს, თბილისის დროით 22:30 საათზე დაიწყება.
“ვოლფსბურგთან” მატჩი ძალიან მნიშვნელოვანია. რა თქმა უნდა, გერმანიის თასის მოგება გვინდა და ამ მიზნის მისაღწევად ყველაფერს გავაკეთებთ”, – ამბობს ლევანდოვსკი.
გერმანიის ბუნდესლიგის 30-ე ტურის ცენტრალური მატჩი „ალიანს არენაზე“ შედგა, სადაც მიუნხენის „ბაიერნმა“ გათამაშების მეორეადგილოსან დორტმუნდის „ბორუსიას“ უმასპინძლა. შეხვედრა სტუმართა დამაჯერებელი გამარჯვებით, ანგარიშით 3:0 დასრულდა. მატჩის შემდეგ ბავარიული გუნდის მთავარი მწვრთნელი ხოსეპ გვარდიოლა მის მიერ დაშვებული შეცდომის შესახებ საუბრობდა.
„ბორუსიას“ ვულოცავ. პირველ ტაიმში ჩვენი თამაში ვერ ვიპოვეთ. მეორე ნახევარშიც რაღაც გვაკლდა. აქამდე დაცვაში ძალზედ საიმედოდ ვთამაშობდით, მაგრამ „ბორუსიასთან“ ეს ვერ მოვახერხეთ. ალბათ შეცდომა დავუშვი, რაც იმაში მდგომარეობს, რომ ამ შეხვედრაში ცოტა სხვანაირად თამაში გადავწყვიტე. რაც არ უნდა იყოს, თავს იმით ვერ გავიმართლებ, რომ გუნდის როტაციას მივმართე“, – პეპ გვარდიოლას სიტყვებს Goal.com-ი აქვეყნებს.
ბექა დოგრაშვილი
გერმანიის ბუნდესლიგის 30-ე ტურის ცენტრალური მატჩი „ალიანს არენაზე“ შედგება, სადაც მიუნხენის „ბაიერნი“ სატურნირო ცხრილის მეორე პოზიციაზე მყოფ დორტმუნდის „ბორუსიას“ შეხვდება. ბავარიელებს ბუნდესსასალათე უკვე განაღდებული აქვთ. სამაგიეროდ, დანარჩენი პოზიციებისთვის მიდის ბრძოლა.
ახლა ყველაზე დიდ ინტერესს ის იწვევს, თუ ვინ დაიკავებს ბუნდესლიგის მეორე ადგილს. გელზენკირხენის „შალკემ“ გუშინ ფრანკფურტის „აინტრახტი“ ანგარიშით 2:0 დაამარცხა და სატურნირო ცხრილში „ბორუსიას“ გაუთანაბრდა, თუმცა დორტმუნდელები ბურთების უკეთესი შეფარდების წყალობით არ ჩამოქვეითებულან. „შალკესთან“ 3-ქულიანი სხვაობის აღსადგენად „ბორუსიას“ „ალიანს არენაზე“ „ბაიერნის“ დამარცხება მართებს. მართალია, ბავარიელებმა ჩემპიონობა უკვე გაინაღდეს, თუმცა არ შეიძლება იმის თქმა, რომ მოედანზე უმოტივაციოდ გავლენ. ბოლოს და ბოლოს, მათ არენაზე სათამაშოდ ბოლო წლების ყველაზე მედგარი კონკურენტი გამოვა.
დორტმუნდელთა მთავარმა მწვრთნელმა იურგენ კლოპმა „შალკესთან“ დაპირისპირებამდე აღნიშნა, რომ ჩემპიონთა ლიგიდან გამოვარდნა მის გუნდზე უარყოფით ზეგავლენას არ მოახდენს.
„ბორუსიას“ ყველაფერი რიგზე აქვს. ჩემპიონთა ლიგიდან გამოვარდნის გამო საკუთარი ძალების რწმენა არ დაგვიკარგავს. ყველას როდი შეუძლია ყოველ წელს ნახევარფინალამდე გასვლა. რამდენიმე მშვენიერი გუნდი სხვადასხვა მიზეზის გამო უფრო ადრეულ ეტაპზეც გამოვარდა ტურნირიდან. დავისაჯეთ იმიტომ, რომ მადრიდში ცუდად ვითამაშეთ. „სანტიაგო ბერნაბეუზე“ მარცხი არ უნდა დავივიწყოთ.
ჩვენთვის გერმანიის ჩემპიონატი ჯერ არ დასრულებულა. „ბორუსიას“ ქულები სჭირდება იმისთვის, რომ მომდევნო სეზონში ჩემპიონთა ლიგაზე ავტომატურად მოხვდეს. ბუნდესლიგაში მხოლოდ ერთ გუნდს აქვს საქმე მოგვარებული, ეს „ბაიერნია“. დანარჩენები დასახული მიზნის მისაღწევად ბრძოლას განაგრძობენ“, – განაცხადა მატჩისწინა პრესკონფერენციაზე კლოპმა.
მატჩი „ბაიერნსა“ და „ბორუსიას“ შორის დღეს, თბილისის დროით 20:30 საათზე დაიწყება. ცნობისთვის, აღნიშნული შეხვედრა Fanebi.com-ისა და Europe-bet-ის ამ კვირის საკონკურსო მატჩთა სიაშია შეტანილი.
ბექა დოგრაშვილი
მადრიდის „რეალის“ მთავარმა მწვრთნელმა კარლო ანჩელოტიმ განაცხადა, რომ მის გუნდს უეფას ჩემპიონთა ლიგის მეოთხედფინალურ ეტაპზე დორტმუნდის „ბორუსიასთან“ გამართულ განმეორებით მატჩში გაუმართლა.
„მოხარულნი ვართ, რომ ნახევარფინალში გავედით, თუმცა ჩემი გუნდის თამაშით კმაყოფილი არ ვარ, მით უფრო – პირველ ტაიმში. მეტოქეს ორი მატჩის ჯამში ანგარიშის გათანაბრების ბევრი შანსი ჰქონდა.
მეორე ნახევარში გაცილებით უკეთ ვითამაშეთ. მეტოქე გუნდს ბევრი საჩუქარი მივეცით, ბევრი შეცდომა დავუშვით, არ ვიყავით თავდაჯერებულები.
იკერ კასილასმა მატჩის გადამწყვეტ მომენტში ფანტასტური სეივები გვიჩვენა. მან ძალიან, ძალიან კარგად ითამაშა.
ამ სტადიაზე ყველა მატჩი რთულია. გაგვიმართლა, რომ ნახევარფინალში გავედით“, – ანჩელოტის სიტყვებს Football Espana ციტირებს.
შეგახსენებთ, რომ შეხვედრა „ბორუსიამ“ ანგარიშით 2:0 მოიგო, თუმცა ორი მატჩის ჯამში „რეალმა“ მეტოქეს 3:2 სძლია.
ბექა დოგრაშვილი
