23 აგვისტოს, პორტუგალიის რანგით მეორე დივიზიონში, “ჟილ ვისენტემ” საკუთარ მოედანზე კოვილიას “სპორტინგი” მიიღო და მეტოქე ანგარიშით 4:0 დაამარცხა.
მასპინძელთა სასტარტო შემადგენლობაში იყო ქართველი ფეხბურთელი ავთო ებრალიძე. მან თანაგუნდელს 39-ე წუთზე საგოლე პასი გაუკეთა, მე-60 წუთზე კი სტუმართა კარი თვითონ დალაშქრა.
პორტუგალიური პრიმეირას 33-ე ტურში “ჟილ ვისენტემ” ლიგაში ადგილის შენარჩნების უკანასკნელი შანსი გაუშვა ხელიდან. ავთო ებრალიძის გუნდი ბოლოადგილოსან “პენაფიელ” ესტუმრა, რომელიც გასავარდნად განწირულია და 2:1 დამარცხდა. ქართველი ფორვარდი განაცხადში იყო, თუმცა მოედანზე გასვლის შანსი არ მისცემია. ამრიგად ბოლო ტურის წინ “ჟილ ვისენტე” მე-16 პოზიციაზე მყოფ “აროუკას” 5 ქულით ჩამორჩება.
სეგუნდაში მოასპარეზე გიორგი მაკარიძის “ფეირენშემ” კი წარუმატებელი სერია შეწყვიტა და “ორიენტალ ლისაბონს” მინიამლურად სძლია. ქართველი მეკარე სათადარიგოთა შორის იყო. ბოლო ტურის წინ “ფეირენშე” პრიმეირაში დაწინაურების თეორიულ შანსს ინარჩუნებს.
პორტუგალიის პრიმერია ლიგის 32-ე ტურში ავთო ებრალიძის “ჟილ ვისენტე” “პორტუს” ესტუმრა და ორი უპასუხო გოლით დამარცხდა. სამწუხაროდ, ქვეყნის ელიტაში ადგილის შესანარჩუნებლად ქარველი ფორვარდის გუნდს მცირე შანსები რჩება. ებრალიძეს “პორტუსთან” თამაშში მონაწილეობა არ მიუღია.
წარუმატებელი თამაში ჰქონდა გიორგი მაკრაიძის “ფეირენშემ” შესანიშნავი სერიის შემდეგ ზედიზედ მეოთხე მოუგებელი მატჩი ჩაატარა. ამჯერად “ფეირენშე” “სანტა კლარას” დაუზავდა და პორტუგალიურ ელიტაში დაწინაურების შანსი მნიშვნელოვნად შეიმცირა.
მორიგი ტურის მატჩები შედგა პორტუგალიურ ლიგებში, სადაც ქართველი ფეხბურთელებიც ასპარეზობენ.
პრიმერაში გადარჩენისთვის მებრძოლმა “ჟილ ვისენტემ” კონკურენტ “აკადემიკას” გასვლითი მატჩი მოუგო (2:1). სტუმართა ძირითადში იყო ავთანდილ ებრალიძე, რომელმაც 90 წუთი ითამაშა და ყვითელი ბარათი მიიღო.
სეგუნდაში შესანიშნავი წაუგებელი სერიის შემდეგ პირველად წააგო მაკარიძის “ფეირენშემ”, რომელიც საკუთარ მოედანზე ბეირა-მართან დამარცხა. ქართველი მეკარე ძირითადში იყო და მატჩი სრულად ჩაატარა.
25 ოქტომბერს, პორტუგალიის ჩემპიონატში “მორეირენსესა” და “ჯილ ვისენტეს” შორის გამართულ მატჩში (2:0), “მორეირენსეს” ფეხბურთელმა შესანიშნავი გოლი გაიტანა.
აქვე, გეტყვით იმასაც, რომ “ჟილ ვისენტეს” ძირითად შემადგენლობაში იყო ავთანდილ ებრალიძე, რომელიც 69-ე წუთზე შეცვალეს.
9 მარტს, პორტუგალიის ჩემპიონატში, “პასუშ ფერეირამ” საკუთარ მოედანზე “ჟილ ვისენტე” მიიღო და მეტოქესთან ანგარიშით 0:2 დამარცხდა.
აღნიშნულ შეხვედრაში შეუცვლელად ითამაშა ქართველმა ფორვარდმა ავთო ებრალიძემ, რომელმაც 71-ე წუთზე მეტოქის კარი აიღო და მატჩის საბოლოო შედეგი დააფიქსირა.
„ყოველთვის ვოცნებობდი, რომ საქართველოს ნაკრებში თამაშის შანსი მქონოდა. სიმართლე გითხრათ, არც ველოდი, რომ ასეთ მნიშვნელოვან შეხვედრაში მომეცემოდა გუნდთან ერთად ყოფნის შესაძლებლობა“ – ამბობს საქართველოს ეროვნული ნაკრების დებიუტანტი, 22 წლის ავთანდილ ებრალიძე.
პორტუგალიური „ჟილ ვისენტეს“ ქართველი შემტევი, უკვე ერთი კვირაა საქართველოს ნაკრებთან ერთად ესპანეთში იმყოფება და ვარჯიშობს. ავთომ კარიერა „ნორჩ დინამოში“ დაიწყო. მერე კი, ოჯახთან ერთად პორტუგალიაში წავიდა და ბოლო ხუთი წელია იქ ცხოვრობს და თამაშობს. ებრალიძის პორტუგალიური კარიერა ადგილობრივი მესამე ლიგიდან იწყება. ბოლო ორი წელი კი, სხვადასხვა ლიგებში ასპარეზობისას, მისი პროგრესი ისეთი თვალსაჩინო იყო, რომ მიმდინარე წელს, ქართველი ფეხბურთელი უმაღლესი ლიგის კლუბში გადავიდა, რომელთანაც 4-წლიანი კონტრაქტი აკავშირებს. „ჟილ ვისენტეს“ ახალგაზრდა შემტევს, ბოლო პერიოდში სპეციალისტების სტაბილურად კარგი შეფასებები და პრესა აქვს.
„ეროვნულ ნაკრებში გამოძახების შეტყობინება, ჩემი დაბადების დღის მეორე დღეს მივიღე და ეს, ალბათ, ერთ-ერთი ყველაზე მნიშვნელოვანი მოვლენაა ჩემს საფეხბურთო კარიერაში. ძალიან კმაყოფილი ვარ. გუნდში მეგობრული გარემოა და მიხარია, რომ ნაკრებთან ერთად, ესპანეთთან მატჩისთვის ვემზადები“ – კმაყოფილია ახალგაზრდა ქართველი ფეხბურთელი.
ავთო ებრალიძე ალბასეტეში სრული დატვირთვითა და დიდი მონდომებით ვარჯიშობს. დღევანდელ მატჩს კი, მოუთმენლად ელის.
ავთო ებრალიძე: „თუ შანსი მომეცა, რომ ჩემი ქვეყნის ნაკრების მაისურით მოედანზე გავიდე და ესპანელთა წინააღმდეგ ვითამაშო, ყველაფერს გავაკეთებ, რომ სამწვრთნელო შტაბის, ჩემი თანაგუნდელებისა და იმ ხალხის მოლოდინი გავამართლო, ვინც მთელი ეს წლები გვერდში მედგა და საფეხბურთო კარიერის შექმნაში მეხმარებოდა.“
სფფ-ის პრესსამსახური
პორტუგალიის ჩემპიონატის მორიგ ტურში, რომლის რიგებშიც ქართველი თავდამსხმელი, ავთანდილ ებრალიძე გამოდის, “სეტუბალს” ესტუმრა და ფრედ, 2:2 ითამაშა.
სტუმრები ორჯერ აგებდნენ, თუმცა ებრალიძის შესანიშნავი დრიბლინგისა და საგოლე გადაცემის შემდეგ ანგარიში გაათანაბრეს და ქულა მოიპოვეს. ავთო მთელი შეხვედრის მანძილზე ძალიან აქტიური გახლდათ და ბევრი პორტუგალიური გამოცემა მას მატჩის საუკეთესო მოთამაშედ ასახელებს. ებრალიძე 78-ე წუთზე შეცვალეს.
შეგახსენებთ, რომ 21 წლის ებრალიძემ ახალგაზრდული კარიერა თბილისის “დინამოში” დაიწყო, თუმცა ჯერ კიდევ ბავშვობის ასაკში პორტუგალიაში გადავიდა და მეოთხე დივიზიონში დებიუტის შემდეგ წლევანდელი სეზონიდან “ჟილ ვისენტეს” 11 ნომრიანი მაისური მოირგო.
“ჟილ ვისენტეს” პორტუგალიის ლიგაში 6 ჩატარებული მატჩის შემდეგ 8 ქულა აქვს და მე-7 ადგილზე იმყოფება, საერთოდ კი, ევროთასებზე მოსახვედრად იბრძვის და წესით, წელს ამის გაკეთება არ უნდა გაუჭირდეს.
