“ბოლტონის” თავკაცმა ნილ ლენონმა განაცხადა, რომ მის გუნდს უახლოეს მომავალში ეიდურ გუდიონსენი შეუერთდება.
“ხელი თუ არაფერმა არ შეგვიშალა, შეთანხმება უპრობლემოდ განხორციელდება. ვიმედოვნებ, რომ ეიდური ჩვენთან უკვე უახლოესი მატჩისთვის იქნება. ვფიქრობ, ის გუნდს ძალიან გამოადგება. თუმცა, ჩემპიონშიპის სპეციფიკის ასათვისებლად მას დრო დასჭირდება” – განაცხადა ლენომმა.
გუდიონსენი “ბოლტონის” ღირსებას 1998-2000 წლებში იცავდა. ისლანდიელი ფორვარდი ამჟამად თავისუფალი აგენტია.
2014 წლის მსოფლიოს ჩემპიონატის საგზურისთვის ერთმანეთს ისლანდიისა და ხორვატიის ნაკრებები ეცილებოდნენ. პირველი მატჩი ისლანდიაში უგოლოდ დასრულდა, განმეორებითში კი, ხორვატმა ფეხბურთელებმა ანგარიშით 2:0 იმარჯვეს და მუნდიალის საგზური გაინაღდეს.
ჩვენი წარმოდგენით, ისლანდიელებს ცხოვრებაში ნერვიც არ უტოკდებათ, თუმცა მატჩის შემდეგ ეიდურ გუდიონსენის ინტერვიუმ ეს მითი დაამსხვრია. 35 წლის ისლანდიელმა ფეხბურთელმა თვალზე ცრემლი ძლივს შეიკავა, როცა თქვა, რომ მისი სანაკრებო კარიერა ამით დასრულებულია.
გუდიონსენს სანაკრებო დებიუტი 1996 წელს, 17 წლის ასაკში ჰქონდა. მას ნაკრებში ჩატარებულ 78 მატჩში 24 გოლი აქვს მითვლილი.
