“სანდერლენდის” იტალიელმა ნახევარმცველმა, ემანუელე ჯაკერინიმ ტერფის ტრავმა მიიღო.
ადრე, “სკუადრა აძურას” წევრს ამ მიზეზის გამო ორი თვე გაუცდა, ახლა კი ინგლისის თასის ტურში “ფულემის” წინააღმდეგ ემანუელე ხელახლა მოხვდა ლაზარეთში.
არსებობს არასახარბიელო პროგნოზი. 29 წლის შემტევმა შეიძლება დარჩენილი სეზონი მთლიანად გამოტოვოს. დაზიანების სიმწვავე რამდენიმე დღეში დადგინდება.
მიმდინარე სეზონში, ჯაკერინიმ “სანდერლენდის” ფორმით ყველა ტურნირზე ერთად მხოლოდ ათი მატჩი ჩაატარა.
”იუვენტუსის” ყოფილმა ნახევარმცველმა ემანუელე ჯაკერინიმ ”სანდერლენდში” გადასვლის მიზეზებზე ისაუბრა.
”იუვენტუსიდან” წასვლის თაობაზე გადაწყვეტილების მიღება ადვილი ნამდვილად არ ყოფილა. ტურინში ჩემი ბევრი მეგობარი დავტოვე, დავტოვე თანაგუნდელები, რომლებთანაც კარგი ურთიერთობები მაკავშირებს. ანტონიო კონტემ კი ჩემს განვითარებაში დიდი წვრილი შეიტანა. ასეა თუ ისე, ჩემი გადაწყვეტილების გამო არ ვნანობ, მიუხედავად იმისა, რომ ტოპ-კლუბის დატოვება მომიწია”, – განაცხადა ჯაკერინიმ.
”მიზეზები? ფინანსური მხარის გარდა, ყველაფერზე ვიფიქრე. პირველ რიგში, ისეთი რეჟიმი მინდოდა, რომლის წყალობითაც მუდმივი სათამაშო პრაქტიკა მექნებოდა. არა, ”იუვეში” რა თქმა უნდა მაფასებდნენ, უბრალოდ გაცილებით ხშირად მსურდა თამაში და ამავე დროს მინდოდა, რომ გუნდისთვის რაც შეიძლება მეტი სარგებელი მიმეცა”, – დაასრულა 28 წლის იტალიელმა.
ალექსანდრე მატევოსოვი
