„სიქსერსის“ უკანახაზელმა ევან თერნერმა „ლეიკერსთან“ ანაგრიშით 111:104 მოგებული მატჩის ბოლო წამზე დანკი შეასრულა. აღნიშნულ ეპიზოდში კალიფორნიელები უკვე მოდუნებული იყვნენ, რითაც ფილადელფიელთა მცველმა ისარგებლა. მოგვიანებით აღნიშნული ეპიზოდითვის მან კალიფორნიელებს ბოდიშიც კი მოუხადა.
აქვე წარმოგიდგენთ თერნერის დანკის ამსახველ ვიდეოს.
„ფილადელფია სიქსერსის“ ფორვარდმა ევან თერნერმა განაცხადა, რომ მიმდინარე სეზონის დასრულების შემდეგ მას ახალი კლუბის ძებნა მოუწევს.
„კლუბის გენერალურ მენეჯერთან სემ ჰინკისთან საუბრიდან გამომდინარე, შემიძლია გითხრათ, რომ კლუბს ჩემთან კონტრაქტის გახანგრძლივება არ სურს. ამიტომ, დიდი ალბათობით, ზაფხულს სამუშაო ადგილის შეცვლა მომიწევს“, – განაცხადა 25 წლის მოთამაშემ.
შეგახსენებთ, რომ „სიქსერსის“ რიგებში თერნერი 2010 წელს გადაბარგდა. სამ წელიწადში ამ გუნდის მაისურით მან 225 მატჩში ითამაშა. გასული სეზონის ერთ მატჩში ევანის საშუალო მონაგრამა 13,3 ქულა და 6,3 მოხსნა შეადგინა.
ალექსანდრე მატევოსოვი
