მატჩის დაწყებამდე უნგრელი ქომაგები სამართალდამცველებს დაუპირისპირდნენ

2016 წლის ევროპის ჩემპიონატის F ჯგუფში ისლანიისა და უნგრეთის ნაკრებებს შორის მიმდინარე მატჩის დაწყებამდე უსიამოვნო ინციდენტი მოხდა.

უნგრელი ქომაგები სტადიონის სტიუარდებსა და სამართალდამცველებს დაუპირისპირდნენ. მატჩის დაწყებამდე გულშემატკივრები სექტორის ბარიერზე გადაძრომასა და ქომაგების სხვა ჯგუფთან გადასვლას შეეცადნენ, რასაც სტიურდებმა წინააღმდეგობა გაუწიეს. ამას ფიზიკური დაპირისპირება მოჰყვა. საქმეში პოლიცია ჩაერთო, რის შემდეგაც სიტუაცია განიმუხტა.

“პსჟ”-ის ფეხბურთელებმა კლუბის ფანებს ვიდეოთი მიმართეს

“პარი სენ-ჟერმენის” ფეხბურთელებმა ჩემპიონთა ლიგის მერვედფინალურ ეტაპზე ლონდონის “ჩელსის” წინააღმდეგ გასამართ მოახლოებულ მატჩთან დაკავშირებით ფრანგული კლუბის ფანებს საგანგებო ვიდეოთი მიმართეს და მათ გულმხურვალე გულშემატკივრობა სთხოვეს. “პარი სენ-ჟერმენის” მოთამაშეებმა ქომაგებს მიმართეს, რომ მატჩის მიმდინარეობისას ხმამაღლა იმღერონ და შესძახონ: “ეს პარიზია!”

მატჩი “პარი სენ-ჟერმენსა” და “ჩელსის” შორის დამდეგ სამშაბათს გაიმართება და თბილისის დროით 23:45 საათზე დაიწყება.

“ბაიერნის” ფანები “არსენალთან” მატჩში საპროტესტო აქციის მოწყობას გეგმავენ

მიუნხენის “ბაიერნის” ფანები ჩემპიონთა ლიგის ჯგუფური ეტაპის მე-3 ტურში ლონდონის “არსენალთან” გასამართ გასვლით მატჩში საპროტესტო აქციის მოწყობას გეგმავენ. ისინი მატჩზე დასასწრები ბილეთის 70 ფუნტ სტერლინგად გაყიდვას გააპროტესტებენ. მათი აზრით, ბილეთები ასე ძვირად არ უნდა იყიდებოდეს.

დაგეგმილია, რომ პირველი ხუთი წუთის განმავლობაში ფანები ტრიბუნაზე ჩუმად ისხდებიან, შემდეგ კი საყვარელ გუნდს ჩვეულებისამებრ რიხიანად უქომაგებენ. ამით ქომაგებს იმის ჩვენება სურთ, თუ რა შეიძლება მოხდეს მომავალში ასეთი საფასო პოლიტიკის გატარებით და რამდენად მნიშვნელოვანია ფან-კულტურა.

მატჩი “არსენალსა” და “ბაიერნს” შორის 20 ოქტომბერს გაიმართება და თბილისის დროით 22:45 საათზე დაიწყება.

 

სკანდალური მატჩი ზუგდიდში და “სამეგრელოს” მხარდაჭერა კობიაშვილს

ჩხოროწყუში რომ ფეხბურთი ძალიან უყვართ და ეს რაიონი რომ გამოირჩევა გულშემატკივრების დასწრების მხრივ, ახალი ამბავი არაა. შარშან, ჯერ კიდევ მაშინ, როცა მეორე ლიგაში იყო გუნდი, 3-4 ათასი ჩხოროწყუელი აქტიურად უჭერდა მხარს სტადიონზე თავის ფეხბურთელებს, დიდი ნაწილი გასვლით თამაშებზეც დაჰყვებოდა გუნდს..

“სამეგრელო” ახლა პირველ ლიგაში ასპარეზობს და არც თუ ურიგოდ. გულშემატკივარი კი ტრადიციულად ახალ სეზონშიც თავის გუნდს გვერდში უდგას. როგორც ჩვენთვის გახდა ცნობილი, ბოლოსწინა ტურში, ზუგდიდის “ოდიშისა” და “სამეგრელოს” შორის გამართული მატჩი არასასიამოვნო ინციდენტით დასრულდა. შეხვედრა ზუგდიდელებმა 3-2 მოიგეს, მაგრამ ჩხოროწყუელები უსამართლო მსაჯობის მსხვერპლი გახნდენ, თავად განსაჯეთ, შეხვედრის მთავარმა არბიტრმა ზვიად ტუღუშმა სტუმრებს ორი ფეხბურთელი, მთავარი მწვრთნელი და მწვრთნელის ასისტენტი გაუგდო. როგორც შემდგომში გაირკვა, მსაჯმა აშკარა შეცდომები დაუშვა და ისიც დაისაჯა ერთთვიანი დისკვალიფიკაციით, მაგრამ, ჩხოროწყუელების თქმით, არაობიექტური მსაჯობის გამო, მათი გუნდი დაზარალდა და აწი გვიანია.

თუ რა მოხდა ზუგდიდში და რა მიზნები აქვს “სამეგრელოს” მიმდინარე ჩემპიონატში, ამ საკითხების გასარკვევად ჩხოროწყუში ჩასვლა “სამეგრელო” – “ვიტ-ჯორჯიას” თამაშს დავამთხვიეთ.

როგორც თავში ვთქვით, ამ მატჩზეც სამაგალითო იყო დასწრება და ქომაგობა. ლამაზი სანახავი იყო ასევე სკოლის მოსწავლეებისგან შემდგარი ქომაგთა გუნდები, სხვადასხვა გამამხნევებელი შეძახილებით და ბანერებით გოგო-ბიჭები. ეს იმის ფონზე, როცა უმაღლესი ლიგის ბევრ თამაშზე, სადაც ლიდერი გუნდები თამაშობენ, დასწრება 200-300 კაცია…

შეხვედრა კი საინტერესო გამოვიდა, მიუხედავად იმისა, რომ მატჩი გატანილი გოლების გარეშე დასრულდა, რასაც “სამეგრელოს” და “ვიტ-ჯორჯიას” კიპერებს უნდა უმადლოდნენ ორივე გუნდის ფეხბურთელები. რამდენიმე ურთულესი ბურთის მოგერიება შესძლეს ჯონი შეროზიამ და “სამეგრელოს” გუნდის კარის დარაჯმა აკმელ ჩარლემანმა.

მატჩის შემდგომ კი გუნდის მთავარ მწვრთნელთან გიზო შენგელიასთან ჩავწერეთ ინტერვიუ, რომელიც დისკვალიფიკაციის გამო გულშემატკივრების ტრიბუნიდან ადევნებდა თვალს საკუთარი გუნდის თამაშს.

“ძალიან ცუდი ფაქტი მოხდა ზუგდიდში. ამ ფეხბურთის ფედერაციამ კიდევ ერთხელ დაგვანახა თავისი სახე. ზუსტად რა ფედერაციაც გვყავს, ის მსაჯობა იყო. ასეთი მიდგომა ისევ და ისევ ქართულ ფეხბურთს მიაყენებს ზიანს და დღეს თუ “სამეგრელოს” გუნდს გაუკეთებენ ამას, ხვალ არავინაა დაზღვეული, რომ შემდეგი იქნება. იმედი მაქვს, მალე შეიცვლება ფეხბურთის ფედერაციის ხემძღვანელობა და მოვა ღირსეული კაცი კობიაშვილის სახით. ჩვენ დღეს სტადიონზე გამოტანილი ბანერით კიდევ ერთხელ დავადასტურეთ კობიაშვილის მიმართ მხარდაჭერა და პატივისცემა. “სამეგრელო” მხარს უჭერს ლევან კობიაშვილის კანდიდატურას, ჩვენ გვჯერა მისი პროფესიონალიზმის.

რაც შეეხება “სამეგრელოს” მომავალს. ჩვენ მთავარი ამოცანა პირველ ლიგაში ადგილის შენარჩუნებაა. რა თქმა უნდა, ყველა თამაშში მაქსიმუმს გავიღებთ და ვნახოთ, რა იქნება. აქვე მინდა დიდი მადლობა გადავუხადო ჩვენს ერთგულ, აქტიურ გულშემატკივრებს, რომლებიც მართლაც რომ ასრულებენ მეთორმეტე მოთამაშის როლს”.

 

 

“ჩელსიმ” კლუბის ხუთ ფანს მატჩებზე დასწრება სამუდამოდ აუკრძალა (ვიდეო)

ლონდონის “ჩელსიმ” კლუბის ხუთ ფანს პარიზის მეტროში რასისტული ქცევის გამო მატჩებზე დასწრება სამუდამოდ აუკრძალა.

ინციდენტი 2015 წლის თებერვალში ჩემპიონთა ლიგის მერვედფინალურ ეტაპზე “პარი სენ-ჟერმენის” წინააღმდეგ გამართული მატჩის (1:1) დაწყებამდე მოხდა. ლონდონური კლუბის ფანებმა მეტროს ვაგონში ფერადკანიანი მამაკაცი არ შეუშვეს, თან სკანდირებდნენ: “ჩვენ რასისტები ვართ და ეს მოგვწონს”.

“ჩელსის” მატჩებზე დასწრება სამუდამოდ აეკრძალათ ჯოშ პარსონს, უილიამ სიმპსონს, ჯორდან მანდეის, დინ კალისსა და რიჩარდ ბარკლის. ეს უკანასკნელი ყოფილი პოლიციელი გახლავთ.

ინგლისელებმა ზეპ ბლატერი და ირლანდიელები “დატროლეს” (ვიდეო)

დღეს ირლანდიისა და ინგლისის ეროვნულ ნაკრებთა შორის გამართული შეხვედრა უგოლოდ დასრულდა.

მატჩის მიმდინარეობისას ინგლისელმა ფანებმა ფიფას პრეზიდენტი იოზეფ ბლატერი და ირლანდიელები “დატროლეს”:

“ზეპ ბლატერმა თქვენი სტადიონისთვის ფული გადაიხადა”, – წაიმღერეს “ავივაზე” შეკრებილმა ინგლისელებმა.

შეგახსენებთ, ფიფამ აღიარა, რომ 2010 წლის მსოფლიოს ჩემპიონატის საკვალიფიკაციო ეტაპის პლეიოფში საფრანგეთისა და ირლანდიის ნაკრებებს შორის გამართული მატჩის შემდეგ მსოფლიო ფეხბურთის მმართველმა ორგანომ ირლანდიის ფეხბურთის ასოციაციას კრედიტის სახით 5 მილიონი დოლარი მისცა. აღნიშნულ შეხვედრაში ფრანგთა თავდამსხმელმა ტიერი ანრიმ ბურთი ხელით გაიტანა, თუმცა მსაჯმა ეს ვერ შენიშნა და გოლი ჩათვალა.

 

მოურინიოს შვილი: “ჩელსის” ფანები სამარცხვინოდ მოიქცნენ”

ლონდონის “ჩელსის” მთავარი მწვრთნელის ჟოზე მოურინიოს შვილმა კლუბის ფანების ნაწილი გააკრიტიკა, რომლებმაც ინგლისის პრემიერლიგის 29-ე ტურში “საუთჰემპტონის” წინააღმდეგ გამართული მატჩის (1:1) შემდეგ სესკ ფაბრეგასს უსტვინეს.

“ყველამ რატომ გამოხატა სიძულვილი ფაბრეგასის მიმართ? რატომ დაადანაშაულეს ის? დამნაშავე მთელი გუნდია. შესაძლოა, სესკმა ისე ვერ ითამაშა, როგორც მისგან ელოდნენ, თუმცა მან ბოლომდე იბრძოლა. მან ხასიათი გამოავლინა.

“ჩელსის” ცუდი ფანები მინახავს, თუმცა კვირას უარესი რამ ვნახე. ფანებმა ფაბრეგასს დაუსტვინეს. ქომაგები სამარცხვინოდ მოიქცნენ”, – დაწერა მოურინიოს შვილმა სოციალურ ქსელში.

 

რონალდუს შეურაცხყოფისთვის “ბარსელონა” შესაძლოა, დაისაჯოს

ესპანეთის პროფესიული ფეხბურთის ლიგამ შესაძლოა “ბარსელონა” კლუბის ქომაგების არასათანადო ქცევის გამო დააჯარიმოს.

ესპანეთის პრიმერადივიზიონის 23-ე ტურში “ლევანტეს” წინააღმდეგ გამართული მატჩის (5:0) 65-ე წუთზე სტადიონზე მყოფმა 200-მდე ადამიანმა სკანდირება დაიწყო: “რონალდუ მთვრალია”.

CR7

ლიგა ვიდეოჩანაწერს შეისწავლის, რის შემდეგაც განაჩენს გამოიტანს. “ბარსელონა” შესაძლოა, სოლიდური ფულადი ჯარიმით დაისაჯოს.

შეგახსენებთ, რომ მადრიდის “ატლეტიკოსთან” განადგურების (0:4) შემდეგ კრიშტიანუ რონალდუმ 30-ე იუბილე პომპეზურად აღნიშნა, რის გამოც პორტუგალიელი ფეხბურთელი საყოველთაო კრიტიკის ქარცეცხლში მოექცა. ინტერნეტსივრცეში ზეიმის ამსახველი ვიდეომასალაც გავრცელდა.

 

“მანჩესტერ სიტის” ფანები ცსკა-სთან მატჩში საპროტესტო აქციას გეგმავენ

უეფას ჩემპიონთა ლიგის ჯგუფური ეტაპის IV ტურში “მანჩესტერ სიტისა” და მოსკოვის ცსკა-ს შორის ოთხშაბათს გასამართ მატჩში ინგლისური კლუბის ქომაგები ტურნირის ჰიმნის აჟღერების დროს საპროტესტო აქციის გამართვას აპირებენ.

“სიტის” ფანების უკმაყოფილება გამოიწვია იმ ფაქტმა, რომ ხიმკიში ამავე გუნდებს შორის გამართულ შეხვედრაზე ინგლისელ ქომაგებს დასწრების საშუალება არ მიეცათ, როცა ამავე მატჩს ცსკა-ს 300-მდე გულშემატკივარი დაესწრო.

შეგახსენებთ, რომ უეფამ ცსკა-ს “რომას” წინააღმდეგ გამართულ მატჩში რუსი ქომაგების უმსგავსო საქციელის გამო სამ საშინაო შეხვედრაში უმაყურებლოდ თამაში მიუსაჯა, თუმცა მესამე საშინაო მატჩზე აღნიშნული სანქცია ხუთწლიანი გამოსაცდელი ვადით შეიცვალა.

 

საუკეთესო კლუბების, ჩემპიონატების, ფეხბურთელების რეიტინგი (FANEBI.COM-ის სტატისტიკა)

როგორც მოგეხსენებათ, სპორტულ პორტალ Fanebi.com-ზე დარეგისტრირებისას მომხმარებელი ირჩევს თავის საყვარელ კლუბს, ჩემპიონატსა და ფეხბურთელს, რაც ვებსაიტის სტატისტიკაში ფიქსირდება და დგება საერთო რეიტინგი. დღეისთვის ჩვენს პორტალზე 12 ათასზე მეტი დარეგისტრირებული მომხმარებელია, უმეტეს მათგანს მითითებული აქვს საყვარელი კლუბი, ჩემპიონატი და ფეხბურთელი. ჩვენ პრეტენზია არ გვაქვს იმაზე, რომ აღნიშნული სტატისტიკა ზუსტად შეესატყვისება საქართველოში ფეხბურთის მოყვარულთა შეხედულებას, თუმცა გარკვეულწილად საერთო შედეგთან მიახლოებულია.

გთავაზობთ Fanebi.com-ის სტატისტიკაზე დაფუძნებულ საუკეთესო კლუბების, ჩემპიონატებისა და ფეხბურთელების რეიტინგს.

 

კლუბთა რეიტინგი (საუკეთესო ათეული) 
 1.  „ბარსელონა“    2873
 2.  „რეალი“    2578
 3.  „მილანი“    906
 4.  „მანჩესტერ იუნაიტედი“    775
 5.  „ჩელსი“    536
 6.  „ბაიერნი“    497
 7.  „ლივერპული“    437
 8.  „არსენალი“    392
 9.  „იუვენტუსი“    316
 10.  „დინამო თბილისი“    211

ვრცლად იხილეთ: კლუბთა რეიტინგი

 ჩემპიონატების რეიტინგი (საუკეთესო სამეული)
 1.  პრიმერადივიზიონი    4323
 2.  პრემიერლიგა    3809
 3.  სერია A    1283

ვრცლად იხილეთ: ჩემპიონატების რეიტინგი

 ფეხბურთელების რეიტინგი (საუკეთესო ხუთეული)
 1. ლიონელ მესი   2015
 2. კრიშტიანუ რონალდუ   1598
 3. იკერ კასილასი   537
 4. რიკარდო კაკა   391
 5. უეინ რუნი   365 

ვრცლად იხილეთ: ფეხბურთელების რეიტინგი

ბაქოში ქართველი გულშემატკივრები დააკავეს

azerisport-ის ცნობით, ევროპის ლიგის მესამე საკვალიფიკაციო ეტაპზე ბაქოს “ნეფთჩისა” და საჩხერის “ჩიხურას” შორის გამართული მატჩის (0:0) დასრულების შემდეგ ქართველი გულშემატკივრები დააკავეს.

წყაროს ცნობით, შეხვედრის დასრულებისთანავე “ჩიხურას” ქომაგებსა და ადგილობრივი სამართალდამცავი ორგანოს წარმომადგენლებს შორის შეხლა-შემოხლა მოხდა, რაც ქართველი გულშემატკივრების დაკავებით დასრულდა.

შეგახსენებთ, რომ კონფლიქტი უშუალოდ მატჩის დროსაც მოხდა. სტადიონზე დამსწრე “ჩიხურას” გულშემატკივრებმა პირველი ტაიმის ბოლოს ტრიბუნაზე გამოფინეს რუკა, რომელზედაც ქალაქები კახი და ზაქათალა საქართველოს შემადგენლობაში იყვნენ შეყვანილნი, რასაც “ნეფთჩის” ქომაგთა მხრიდან აგრესია და ბოთლების სროლა მოჰყვა.

 

გულშემატკივართა დასწრების მხრივ საუკეთესო ევროპული კლუბები

Footballeconomy-მ იმ ევროპულ კლუბთა სია გამოქვეყნა, რომელთა სტადიონებსაც 2013/14 წლების სეზონში ყველაზე მეტი მაყურებელი სტუმრობდა.

რეიტინგს სათავეში უდგას დორტმუნდის „ბორუსია“. მათ მატჩებს საშუალოდ 80 ათასი (!) გულშემატკივარი ესწრებოდა. საერთოდაც, წინა წელთან შედარებით პირველი ხუთეული არ შეცვლილა: „მანჩესტერ იუნაიტედი“, „ბარსელონა“, „რეალი“ და „ბაიერნი“.

აღსანიშნავია, რომ 25-ე ადგილზე გავიდა გლაზგოს „რეინჯერსი“, რომელიც შოტლანდიის რანგით მესამე დივიზიონში გამოდიოდა.

სათქმელია ისიც, რომ „მილანი“ სიაში 32-ე ადგილზეა, „იუვენტუსი“ კი — 34-ე. პირველ 30-ეულში ვერ მოხვდნენ ისეთი კლუბები, როგორებიცაა: „ლილი“ (33); „მარსელი“ (35); „ევერტონი“ (36); „ვალენსია“ (37); „ტოტენჰემი“ (39); „ლიონი“ (41); „ვესტ ჰემი“ (42), „გალათასარაი“ (47), „ბილბაო“ (48); „ფიორენტინა“ (49), „ლაციო“ (50), „სევილია“ (54), „პორტუ“ (60); „ლევერკუზენი“ (61).

სიის პირველი 30-ეული ასე გამოიყურება:

2013/14

2012/13

კლუბი

ქვეყანა

საშუალო დასწრება

1

1

„დორტმუნდი“

გერმანია

80 295

2

2

„მანჩესტერ იუნაიტედი“

ინგლისი

75 205

3

3

„ბარსელონა“

ესპანეთი

72 115

4

5

„რეალი“

ესპანეთი

71 565

5

4

„ბაიერნი“

გერმანია

71 000

6

6

„შალკე“

გერმანია

61 750

7

7

„არსენალი“

ინგლისი

60 015

8

12

„მიუნხენგლადბახი“

გერმანია

52 240

9

36

„ჰერტა“

გერმანია

51 890

10

8

„ჰამბურგი“

გერმანია

51 825

11

10

„აიაქსი“

ჰოლანდია

50 905

12

11

„შტუტგარტი“

გერმანია

50 500

13

9

„ნიუკასლი“

ინგლისი

50 395

14

14

„მანჩესტერ სიტი“

ინგლისი

47 074

15

13

„აინტრახტი“ (ფრანკფურტი)

გერმანია

47 055

16

15

„სელტიკი“

შოტლანდია

46 810

17

16

„ინტერი“

იტალია

46 245

17

22

„ატლეტიკო“

ესპანეთი

46 245

19

30

„კიოლნი“

გერმანია

46 235

20

19

„ფეინოორდი“

ჰოლანდია

45 755

21

21

„ჰანოვერი“

გერმანია

45 635

22

24

„პარი სენ-ჟერმენი“

საფრანგეთი

45 420

23

20

„ლივერპული“

ინგლისი

44 670

24

26

„ბენფიკა“

პორტუგალია

43 615

25

18

„რეინჯერსი“

შოტლანდია

42 935

26

28

„ჩელსი“

ინგლისი

41 480

27

33

„სანდერლენდი“

ინგლისი

41 090

28

31

„ვერდერი“

გერმანია

40 655

29

37

„ნაპოლი“

იტალია

40 630

30

35

„რომა“

იტალია

40 435