თურქეთის სუპერლიგაში დღეს სეზონის ერთ-ერთი მთავარი მატჩი შედგა. “გალათასარაიმ” საკუთარ მოედანზე თანაქალაქელ “ფენერბაჰჩეს” უმასპინძლა და მეტოქე მინიმალური სხვაობით დაამარცხა.
მატჩის ბედი ბოლო წუთებზე ვესლი სნეიდერის ორმა ულამაზესმა გოლმა გადაწყვიტა. ჰოლანდიელმა 88-ე და 90-ე წუთებზე შესძლო მეტოქის კარის დალაშქვრა. მსაჯის მიერ კომპენსირებულ წუთებზე “ფენერმა” მხოლოდ სხვაობის შემცირება შესძლო, პრესტიჟის გოლის ავტორი პოტუკი გახდა.
18 ოქტომბერს, თურქეთის ჩემპიონატში “გალათასარაიმ” საკუთარ მოედანზე “ფენერბაღჩე” მიიღო და მეტოქე ანგარიშით 2:1 დაამარცხა.
აღნიშნულ შეხვედრაში სტუმართა გუნდის ფეხბურთელმა ბრუნო ალვეშმა მეტოქის წინააღმდეგ ძალიან უხეშად ითამაშა, რისთვისაც წითელი ბარათი მიიღო.
ჰოლანდიელ ნახევარმცველ უესლი სნეიდერს “გალათასარაიში” უკვე სამი თვეა, კუთვნილი ხელფასი არ მიუღია.
თურქულ კლუბს ფეხბურთელის დაახლოებით ერთი მილონი ევრო მართებს და თუ სიტუაცია არ შეიცვლება, შესაძლოა, სნეიდერმა ფიფას “გალათასარაისთან” კონტრაქტის გაწყვეტის თაობაზე მიმართოს. ცნობისთვის, 30 წლის ჰოლანდიელ ნახევარმცველს თურქულ კლუბთან მოქმედი შრომითი ხელშეკრულება 2016 წლის ივნისში ეწურება.
უესლი სნეიდერმა განაცხადა, რომ “გალათასარაის” მართლაც მართებს მისი ფული, თუმცა იქვე დაამატა, რომ ამ ეტაპზე მხოლოდ ჰოლანდიის ნაკრებზე ფიქრობს.
ლონდონის ”არსენალის” მთავარმა მწვრთნელმა, არსენ ვენგერმა, ”გალათასარაისთან” გამარჯვების (4-1) შემდეგ კომენტარი გააკეთა.
”დღეს, უელბეკი აგრესიულად მოქმედებდა, მან ყველა საკუთარი მომენტი გამოიყენა, რომელიც გუნდის დახმარებით შეიქმნა. დენი საოცარ სისწრაფეს ფლობს.”
”არსენალს გუნდური სისწრაფე გააჩნია. ჩვენ, ყველა კუთხეში სწრაფად ვმოქმედებდით და მეტოქეს ამოსუნთქვის საშუალებას არ ვაძლევდით.”
”დღეს თქვენ იხილეთ, შესნის გაგდების შემდეგ, თუ როგორც უცბად წაიშალა გუნდი, მაგრამ საბოლოო ჯამში, ყველაფერი კარგად დასრულდა.” – განაცხადა ვენგერმა.
ლონდონში გამართულ “არსენალისა” და “გალათასარაის” დაპირისპირების სანახავად ინგლისის დედაქალაქში საკმაოდ ბევრი თურქი გულშემატკივარი ჩავიდა.
მატჩის დროს მომხდარ ინციდენტზე უკვე მოგახსენეთ. შეხვედრის დაწყებამდე კი, ლონდონის ქუჩებში “გალას” ფანებმა შთამბეჭდავი მსვლელობა მოაწყვეს.
ჩემპიონთა ლიგის მეორე ტურის შეხვედრაი “არსენალმა” სტამბოლის “გალათასარაის” უმასპნძლა და მეტოქე დიდი ანგარიშით დაამარცხა.
არსენალი 4-1 გალათასარაი
გოლები: უელბეკი 22′ ; 30′ (2:0); სანჩესი 41′ (3:0); უელბეკი 52′ (4:0); ილმაზი 63′ (4:1)
“არსენალსა” და “გალათასარაის” შორის მიმდინარე ჩემპიონთა ლიგის მეორე ტურის შეხვედრა რამდენიმე წუთით შეწყდა. შეხვედრის მთავარმა არბიტრმა ასეთი გადაწყვეტილება სტუმართა გუნდის გულშემატკივრების გამო მიიღო.
თურქმა ფანებმა პიროტექნიკა აანთეს და მოედანზე ისროლეს. გულშემატკივრების დამშვიდება “გალათასარაის” ფანებმა სცადეს.
25 აგვისტოს თურქეთის სუპერთასის მოსაპოვებლად ერთმანეთს “ფენერბახჩე” და “გალათასარაი” დაუპირისპირდნენ. მატჩის ძირითადი და დამატები დრო გატანილი გოლების გარეშე დასრულდა და საქმე პენალტების სერიამდე მივიდა.
“გალათასარაის” მხრიდან მესამე თერთმეტმეტრიანი ფელიპე მელომ შეასრულა, მან არაზუსტად დაარტყა, მეტოქე გუნდის მეკარე ვოლკან დემირელმა კი სიხარული ისე გამოხატა, რომ ბრაზილიელი ნახევარმცველი გააბრაზა.
„გალათასარაის“ პრეზიდენტის უნალ აისალის თქმით, ჰოლანდიელ ნახევარმცველს უესლი სნეიდერს კლუბის დატოვება არ სურს.
„სნეიდერს „გალათასარაიში“ დარჩენა სურს. სამწვრთნელო შტაბის წევრები კლუბის ხელმძღვანელობის აზრს იზიარებენ და თვლიან, რომ უესლი ჩვენთვის მნიშვნელოვანი ფეხბურთელია.
არანაირი კონფლიქტი ჩვენ შორის არ არის. სნეიდერს მძიმე სეზონი და მსოფლიო ჩემპიონატზე შვიდი მატჩი ჰქონდა, ახლა იგი ისვენებს და გუნდს სულ მალე დაუბრუნდება“, – განაცხადა აისალმა.
შეგახსენებთ, რომ გავრცელებული ინფორმაციით, სნეიდერის შეძენა ინგლისურ და ფრანგულ კლუბებს სურთ.
დღეს „გალათასარაი“ 25 წლის გამთამაშებლის პიეტრო არადორის ტრანსფერს დაადასტურებს, რის შესახებაც Sportando.com-ი იუწყება.
როგორც ცნობილია, გუშინ იტალიური „კანტუს“ ყოფილი კალათბურთელი სტამბულში ჩავიდა და კლუბთან კონტრაქტიც გააფორმა.
ცნობისთვის, „კანტუს“ გარდა, არადორი სხვადასხვა წელს „ნადრეა კოსტა იმოლას“, „ოლიმპია მილანის“, „ვირტუს რომას“, „ანგელიკო ბიელასა“ და „სიენა მონტეპასკის“ რიგებში გამოდიოდა.
ფრანგული გამოცემა L’Equipe-ი იუწყება, რომ „გალათასარაის“ ნახევარმცველი უესლი სნეიდერი „მონაკოს“ მთავარ სატრანსფერო მიზნად იქცა.
წყაროს ცნობით, „მონაკოს“ ხელმძღვანელობა სწორედ ჰოლანდიელ ფეხბურთელს მოიაზრებს ხამეს როდრიგესის შემცვლელად. მოგეხსენებათ, კოლუმბიელი ფეხბურთელი მადრიდის „რეალში“ გადადის.
სნეიდერის შესაძლო ტრანსფერი 20 მილიონ ევროდ ფასდება.
თურქული “გალათასარაის” ახალი მთავარი მწვრთნელი ჩეზარე პრანდელი იქნება. აღნიშნულ ინფორმაციას კლუბის ოფიციალური ვებ-გვერდი ადასტურებს.
დღეს საღამოს იტალიელი სპეციალისტი სტამბოლში ჩავა და ხვალისთვის დანიშნული პრეზენტაციის შემდეგ საქმიანობას შეუდგება.
თურქული პრესის ცნობით იტალიის ნაკრების ყოფილი დამრიგებლის კონტრაქტი 2+1 სისტემით არის გაფორმებული. ხელფასის სახით პრანდელი 4,5 მილიონ ევროს მიიღებს.
