მადრიდის „რეალის“ ნახევარმცველმა გარეთ ბეილმა იმ მიზეზებზე ისაუბრა, რომელთა გამოც იგი ესპანეთში გადავიდა.
„ტოტენჰემში“ ყოველთვის ბურთის მიღებას ვცდილობდი და ჩემს თანაგუნდელებს ვეხმარებოდი. „რეალში“ კი ნებისმიერ პოზიციაზე მსოფლიო დონის შემსრულებლები თამაშობენ, ამიტომაც ყურადღების გადატანა მხოლოდ ჩემს პოზიციაზე შემიძლია“, – აღნიშნა ბეილმა.
„ინგლისში თამაში მომწონდა, თუმცა ფეხბურთის სხვა სტილიც მიზიდავს. ესპანეთში ახალ სტილებსა და ახალ თამაშს ვსწავლობ, რაც მეტ გამოცდილებას მაძლევს. ამის დახმარებით, წარმატებას, როგორც კლუბს, ისე ნაკრებს მოვუტან“, – დაასრულა უელსელმა ფეხბურთელმა.
ალექსანდრე მატევოსოვი
