ჭდე: გელა სანაია

როგორც მოგეხსენებათ, ქართულ ფეხბურთში ახლად დაბრუნებული “შევარდენი 1906-მა” გასული სეზონის პლეი-ოფში ეროვნულ ლიგა 2-ში ასპარეზობის უფლება მოიპოვა.

თბილისურ “შევარდენს” დიდი გეგმები აქვს და ისინი საქართველოს რანგით პირველ დივიზიონში დაბრუნებისთვის იბრძოლებენ. დღეს ცნობილი გახდა, რომ კლუბთან ხელშეკრულების ვადა ამოეწურა გუნდის აწ უკვე ყოფილ მწვრთნელს გიორგი კიკნაძეს, რომელიც შედარებით გამოცდილმა გელა სანაიამ ჩაანაცვლა. სანაიასთან ერთ წლიანი ხელშეკრულება გაფორმდა და სწორედ ის უხელმძღვანელებს “შევარდენს” მომავალ სეზონში. ამის შესახებ ინფორმაციას იუნკერთა პრესსამსახური ავრცელებს.

შეგახსენებთ, რომ გელა სანაიას სხვადასხვა დროს უმუშავია თბილისის “ლოკომოტივში”, “სამტრედიაში”, “რუსთავში”, ხობის “კოლხეთსა” და ფოთის “კოლხეთში”.

დღეს ფოთის „კოლხეთმა“ ახალი მთავარი მწვრთნელი წარადგინა. ფოთელთა წინა თავკაცმა ზაზა ინაშვილმა პოსტი თავისი ნებით დატოვა. აღსანიშნავია, რომ „კოლხეთმა“ მას კლუბის სტრუქტურაში მუშაობის გაგრძელება შესთავაზა.

როგორც კლუბის გენერალურმა დირექტორმა თემურ ბარქაიამ დაადასტურა, სპეციალისტთან კონტრაქტი 2016 წლის ივნისამდე გაფორმდა.

ცნობისთვის, აქამდე სანაიას მტავარი მწვრთნელის სტატუსით „სამტრედიაში“, ხობის „კოლხეთში“, თბილისის „ლოკომოტივში“, „ჭიათურაში“, რუსთავის „მეტალურგში“, „სამტრედიასა“ და ქობულეთის „შუქურაში“ უმუშავია.

უმაღლესი ლიგის შვიდი ტურის შემდეგ „კოლხეთი“ 4 ქულით მე-14 ადგილზე იმყოფება და ბოლო ადგილზე მყოფ „ზუგდიდს“ 2 ქულით უსწრებს.

კულუარული ინფორმაციით “სამტრედიის” მწვრთნელი გელა სანაია “ზუგდიდთან” განცდილი მარცხის შემდეგ გუნდის ხელმძღვანელობას შეხვდა და დაკავებული თანამდებობა დატოვა.

ახალგაზრდა სპეციალისტმა გუნდი ჯერ კიდევ პირველ ლიგაში ასპარეზობის დროს ჩაიბარა და კლუბი ქართული ფეხბურთის ელიტაშიც დააბრუნა. თუმცა, ჩემპიონატის უკანასკნელ ორ ტურში გაძლიერებულმა სამტრედიელებმა მხოლოდ ერთი ქულა აიღეს, რაც მოწინავე პოიციებზე მყოფი გუნდისთვის საკმაოდ ცუდი შედეგია.

სანაიას “სამტერდიაში” დროებით ზაზა ზამთარაძე შეცვლის, რომელიც კლუბის 17-წლამდე გუნდს ავარჯიშებდა.