ცნობილმა სპორტულმა ბრენდმა “ადიდასმა” ახალი რეკლამა გადაიღო, რომელშიც მონაწილეობას ფეხბურთის ვარსკვლავები იღებენ.
ჭდე: გვარდიოლა
გვარდიოლას და მესის საუბრის დეტალები ცნობილია
“ბაიერნსა” და “ბარსელონას” შორის გამართული ჩემპიონთა ლიგის ნახევარფინალური მატჩის შესვენების დროს პეპ გვარდიოლამ და ლეო მესიმ რეპლიკები გაცვალეს.
Sport.es-ის ცნობით პირველი ტაიმის დასრულებისთანავე გვარდიოლა არგენტინელს მიუახლოვდა და უხთა: “მიხარია, რომ კვლავ დაბრუნდი, ლეო”. რაზეც მესიმ ყოფილ მწვრთნელს უპასუხა: “მე არსად არ წავსულვარ”.
მატჩის შემდეგ გვარდიოლა “ბარსელონას” გასახდელში შევიდა, მოთამაშეებსა და სამწვრთნელო შტაბს გაესაუბრა და წარმატება მიულოცა.
პეპ გვარდიოლასა და ლიონელ მესის შეხვედრა პირველი ტაიმის შემდეგ (ვიდეო)
12 მაისს, ჩემპონთა ლიგის გათამაშებაში, “ბაიერნსა” და “ბარსელონას” შორის გამართული მატჩის პირველი ნახევრის დასრულების შემდეგ გვარდიოლა და მესი ერთმანეთს თბილად შეხვდნენ.
გვარდიოლა ინგლისურ გრანდს შეუთანხმდა
BeIN Sport-ის ცნობით “ბაიერნის” მთავარი მწვრთნელი, პეპ გვარდიოლა კარიერას “მანჩესტერ სიტიში” გააგრძელებს. გავრცელებული ინფორმაციით ესპანელი მწვრთნელი მანჩესტერულ კლუბს კონტრაქტის პირობებზე უკვე შეუთანხმდა.
გვარდიოლამ მიუნხენური კლუბი 2013 წელს ჩაიბარა და გერმანიის ჩემპიონობის მოპოვება ორჯერ შეზლო. მოიგო გერმანიის თასი, უეფას სუპერთასი და საკლუბო მსოფლიო ჩემპიონატი.
პელეგრინი “მანჩესტერ სიტის” დამრიგებლის თანამდებობას 2013 წლიდან იკავებს. მისი ხელმძღვანელობით მანჩესტერელებმა ინგლისის ჩემპიონატი და ლიგის თასი მოიგეს.
როგორ შეხვდნენ ერთმანეთს გვარდიოლა და ლუის ენრიკე მატჩის დაწყების წინ (ვიდეო)
6 მაისს, ჩემპიონთა ლიგის ნახევარფინალში, “ბარსელონასა” და “ბაიერნს” შორის გამართული მატჩის დაწყების წინ, ყოფილი თანაგუნდელები – პეპ გვარდიოლა და ლუის ენრიკე ერთმანეთს თბილად შეხვდნენ.
მიულერი: “გვარდიოლას “ბარსელონას” დამარცხების რეცეპტი აქვს”
მიუნხენის “ბაიერნის” თავდამსხმელი თომას მიულერი აცხადებს, რომ მისი გუნდის მთავარ მწვრთნელს, პეპ გვარდიოლას “ბარსელონას” დამარცხების რეცეპტი აქვს.
შეგახსენებთ, რომ ესპანელი სპეციალისტი კატალონიურ გრანდს რამდენიმე წელი ედგა და მასთან ერთად საკმაოდ ბევრი ტიტული მოიგო. გვარდიოლა თავის ყოფილ გუნდს 6 მაისს დაუპირისპირდება.
“ყველამ ვიცით, რომ “ბარსელონა” ძალიან ძლიერი გუნდია, თუმცა მე ოპტიმისტი ვარ და ჩემი გუნდის მჯერა. გვინდა, რომ გავიმაჯვოთ. გვარდიოლა მეტოქეს კარგად იცნობს. მას “ბარსელონას” დამარცხების რეცეპტი აქვს, რომელსაც ფეხბურთელებს მოგვცემს”, – უთხრა მიულერმა “ბაიერნის” ოფიციალურ ვებ-გვერდს.
პეპ გვარდიოლა სებასტიან კელის კომენტარს გამოეხმაურა (ვიდეო)
28 აპრილს, გერმანიის თასის ნახევარდფინალში, მიუნხენის “ბაიერნმა” საკუთარ მოედანზე დორტმუნდის “ბორუსია” მიიღო. ამ გუნდებს შორის გამარჯვებული პენალტების სერიაში გამოვლინდა, სადაც დარტყმები უკეთესად დორტმუნდელებმა შეასრულეს.
შეხვედრის დასრულების შემდეგ, “ბორუსიას” ნახევარმცველმა სებასტიან კელმა ბავარიელები გააკრიტიკა: “თუ “ბაიერნის” ფეხბურთელებს პენალტების შესრულება არ შეუძლიათ, მაშინ მათ უნდა ივარჯიშონ.”
1 მაისს, მიუნხენელთა მთავარმა მწვრთნელმა პეპ გვარდიოლამ პრესკონფერენცია გამართა, სადაც კელის კომენტარს გამოეხმაურა: “ჩემი რჩევა სებასტიან კელს: თუ 35 ქულით ჩამომრჩები, უკეთესია, მოკეტო.”
ინიესტა: “გვარდიოლამ დაამტკიცა, რომ მისთვის შეუძლებელი არაფერია”
“ბაიერნთან” გასამართი მატჩის წინ “ბარსელონას” ნახევარმცვლემა, ანდრეს ინიესტმა პეპ გვარდიოლას შესახებ ისაუბრა.
“გვარდიოლას მიერ გაწვრთნილ გუნდებთან პირველი მატჩის შემდეგ “კარგი შედეგის” ცნება უბრალოდ არ არსებობს. პეპმა უკვე დაამტკიცა, რომ მისთვის შეუძლებელი არაფერია.
“ბარსელონას” ისტორიაში მან როგორც მოთამაშის, ასევე მწვრთნელის რანგში უდიდესი როლი შეასრულა. მის სახელს წარმოუდგენლად წარმატებული ერა უკავშირდება, რასაც კატალონიელები არ დაივიწყებენ” – განაცხადა ინიესტამ.
“ბარსელონა” – “ბაიერნის” პირვლეი შეხვედრა 6 მაისს, კატალონიაში შედგება.
გაბრაზებული პეპ გვარდიოლა მსაჯს ჩაეხუტა (ვიდეო)
28 აპრილს, გერმანიის თასის ნახევარფინალში, მიუნხენის “ბაიერნსა” და დორტმუნდის “ბორუსიას” შორის გამართული მატჩის მიმდინარეობისას კამერებმა სახალისო კადრი დააფიქსირეს.
რა დაემართა გვარდიოლას შარვალს დღევანდელ მატჩში (ვიდეო)
21 აპრილს, ჩემპიონთა ლიგის გათამაშებაში, “ბაიერნსა” და “პორტუს” შორის გამართულ მატჩში კამერებმა საინტერესო კადრი დააფიქსირეს.
როგორ ერთობა გვარდიოლა “ლევერკუზენთან” გამართულ მატჩში (ვიდეო)
8 აპრილს, გერმანიის თასზე, ლევერკუზენის “ბაიერსა” და მიუნხენის “ბაიერნს” შორის გამართულ მატჩში კამერებმა საკმაოდ საინტერესო კადრი დააფიქსირეს.
“ბაიერნი” გვარდიოლას შემცვლელს ეძებს
The Guardian-ის ცნობით მიუნხენის “ბაიერნის” ხელმძღვანელობა მთავარი მწვრთნელის, პეპ გვარდიოლას შემცვლელს ეძებს.
გემრანულ გრანდში იმედოვნებენ, რომ გვარდიოლა, რომლის კონტრაქტი 2016 წლამდეა გათვლილი, ახალ ხელშეკრულებას გააფორმებს, თუმცა ესპანელ სპეციალისტს საბოლოო გადაწყვეტილება ჯერ არ მიუღია.
ამიტომ, “ბაიერნში” ყოველი შემთხვევისთვის ალტერნატიულ ვარიანტზეც დაიწყეს ფიქრი. გერმანული მედიის ინფორმაციით, ერთ-ერთი კანდიდატი “მაინცის” დამრიგებელი ტომას ტუჰელია.