“მილანის” მარჯვენა მცველი, იგნასიო აბატე 11 ივნისს, “ლუგანოს” წინააღმდეგ გამართულ ამხანაგურ მატჩში მოედანზე დამცავი სათვალეებით გამოჩნდა.
“როსონერის” ფეხბურთელს მარცხენა თვალი 26 თებერვალს, “სასუოლოს” წინააღმდეგ გამართულ მატჩში დაუზიანეს. მას შემდეგ, აბატე გამუდმებით გრძნობდა ტკივილებს და ამჩნევდა, რომ მისი მხედველობა უარესდებოდა. მაიამიში ჩატარებულმა სპეციალურმა ტესტებმა კი სერიოზული დაზიანება აღმოაჩინა, რის გამოც მას სეზონის დარჩენილი ნაწილის ლაზარეთში გატარება მოუწია.
აბატემ ვარჯიში უკვე განაახლა და “ლუგანოსთან” მოგებულ (4:0) შეხვედრაში მოედანზე ყვითელი ფერის სათვალეებით გამოვიდა.
