ჭდე: ინტერი

არგენტინის საფეხბურთო ნაკრების მთავარმა მწვრთნელმა, ხორხე სამპაოლიმ დაადასტურა პრესაში გავრცელებული ინფორმაცია, რომლის მიხედვითაც, მადრიდის “რეალის” ხელმძღვანელობა მაურო იკარდის ტრანსფერით არის დაინტერესებული.

“გუნდში საკმაოდ სასიამოვნო პრობლემა დგას – ძალიან ბევრი კარგ ფორმაში მყოფი ფეხბურთელი გვყავს,” – განაცხადა ბუენოს აირესის აეროპორტში მყოფმა სამპაოლიმ, როდესაც ნაკრების შეტევით პოტენციალზე ჰკითხეს.

იკარდის ვესაუბრე და ის ვუთხარი, რაც სხვა ფეხბურთელებს: არ უნდა მოისვენოს, თუ ასე გააგრძელებს თამაშს, მას მუნდიალზე წავიყვანთ. ვიცი, რომ “რეალი” მას საკმაოდ ახლოდან აკვირდება და ისიც ვიცი, რომ იკარდიც ფიქრობს “რეალზე”, – დაამატა “სევილიას” ყოფილმა თავკაცმა.

იკარდიმ მიმდინარე სეზონში სერია ა-ს 22 მატჩში მიიღო მონაწილეობა და თავი 18 გატანილი გოლით გამოიჩინა (მეტით, ვიდრე BBC-მ საერთო ჯამში).

იტალიურ პრესაში გავრცელებულ ბოლოდროინდელ ცნობებს თუ დავეყრდნობით, მილანის “ინტერის” ხელმძღვანელები საკმაოდ აქტიურად ცდილობენ “რეალის” ხორვატი ნახევარმცველის, მატეო კოვაჩიჩის დაბრუნებას.

როგორც ცნობილი ხდება, 23 წლის ხორვატ ფეხბურთელს მილანელები “ცზიანსუ სუნინის” ჰავბეკის, რამირესის ალტერნატივად განიხილავენ, რომლის სანაცვლოდაც ჩინელები საკმაოდ დიდ თანხას ითხოვენ.

შეგახსენებთ, რომ “რეალში” გადასვლამდე კოვაჩიჩი სწორედ “ნერაძურის” ღირსებას იცავდა (2013-2015 წლებში). გამომდინარე იქიდან, რომ მიმდინარე სეზონში ზიდანი კოვაჩიჩს დიდად არ ენდობა (მხოლოდ 31 წუთი ლა ლიგაში), დიდია შანსი, რომ მან “ბერნაბეუდან” წასვლის შესაძლებლობა გამოიყენოს.

“მილანის” ყოფილი ფეხბურთელის, დანიელ მასაროს ინფორმაციით, მადრიდის “რეალის” ხელმძღვანელებმა მილანის “ინტერთან” მაურო იკარდის ტრანსფერი უკვე შეათანხმეს.

“შემიძლია დავადასტურო, რომ მომავალი სეზონიდან იკარდი “რეალის” შეტევის ხაზში კარიმ ბენზემას შეცვლის,” – ციტირებს მასაროს სიტყვებს Premium Sport.

შეგახსენებთ, რომ “ნერაძურის” არგენტინელი თავდამსხმელი გუნდის მთავარ ძალას წარმოადგენს და მას კლუბთან კონტრაქტი 2021 წლის 30 ივნისამდე აკავშირებს.

არაოფიციალური ინფორმაციის თანახმად, 24 წლის არგეტნინელი შემტევის გამოსასყიდ თანხად კონტრაქტში 100 მილიონი ევროა მითითებული.