გელზენკირხენის „შალკე 04“-ის ნახევარმცველმა იულიან დრაქსლერმა თანაგუნდელებთან ერთად ვარჯიში განაახლა
შეგახსენებთ, რომ ახალაგზრდა შუახაზელმა ოქტომბრის შუაში მუხლის ტრავმა მიიღო, რის შემდეგაც ოპერაცია გაიკეთა და ოთხი თვის განმავლობაში მკურნალობს.
მარტის შუაში იულიანმა ინდივიდუალური პროგრამით მუშაობა დაიწყო, გუშინ კი გუნდთან ერთად იმუშავა, რის შესახებაც კლუბის „ტვიტერის“ ოფიციალური გვერდი წერს.
მიმდინარე სეზონში დრაქსლერმა 8 მატჩი ჩაატარა, რომელშიც 2 გოლი გაიტანა.
გელზენკირხენის „შალკე 04“-ის გენერალურმა მენეჯერმა ჰორსტ ჰელდტმა იმ მიზეზებზე ისაუბრა, რომელთა გამოც კლუბმა იულიან დრაქსლერი იანვრის სატრანსფერო ფანჯრის დროს არ გაყიდა.
„დრაქსლერის თაობაზე წინადადებები მართლაც გვქონდა. ამ თემაზე უკვე ვისაუბრეთ, ისევე, როგორც იმაზე, რომ მის გაშვებას არ ვაპირებთ.
სატრანსფერო ბაზარზე მისი შემცვლელი არ იყო, თანაც, წასვლა კი არც იულიანს სურდა. მიუხედავად იმისა, რომ დიდ თანხას მივიღებდით, იგი არ გავუშვით.
მისი გაყიდვის მომენტი კიდევ დადგება, ამას ვერსად გავექცებით. დრაქსლერი – ბრწყინვალე ფეხბურთელია. ერთ მშვენიერ დღეს იგი სხვა კლუბში აღმოჩნდება“, – განაცხადა გელდტმა.
ალექსანდრე მატევოსოვი
ყოფილი ნორვეგიელი თავდამსხმელის და ამჟამად გერმანიაში მოღვაწე ჟურნალისტის იან ფიორტოფტის ინფორმაციით, გელზენკირხენის „შალკე 04“-ის ახალგაზრდა ნახევარმცველის იულიან დრაქსლერის გადაბირების ყველაზე მეტი შანსი ლონდონის „არსენალს“ აქვს.
