ჭდე: ჯანლუიჯი ბუფონი

ტურინის „იუვენტუსის“ მეკარემ ჯანლუიჯი ბუფონმა აღიარა, რომ ჩემპიონთა ლიგის მოგებაზე ოცნებობს.

„მრავალი წლის განმავლობაში უეფა-ს ჩემპიონთა ლიგის მოგებაზე ვოცნებობ. ეს ოცნება ჯერ კიდევ ბავშვობაში მქონდა. ეს ჩემი მთავარი მიზანია და იმედი მაქვს, მას ოდესმე მივაღწევ“, – აღნიშნა ბუფონმა.

„ჩვენ გვყავს გუნდი, რომელსაც ევროპაში წარმატებით თამაში შეუძლია. ამავე დროს, სათქმელია, რომ „ბაიერნს“, „ბარსელონასა“ და „რეალს“ ამჟამად მეტი ვარსკვლავი ჰყავს. ამ სეზონში ვაჩვენეთ, რომ საერთაშორისო ტურნირებზე გამოსვლა შეგვიძლია“, – დაასრულა „ბიანკონერის“ კაპიტანმა.

შეგახსენებთ, რომ თურქულ „გალათასარაისთან“ მარცხის შედეგად, ტურინელებმა ევროპის ყველაზე პრესტიჟული საკლუბო ტურნირის ჯგუფური ეტაპიდან გასვლა ვერ მოახერხეს.

ალექსანდრე მატევოსოვი